Ésaïe 45:14 - Mbeti ti Nzapa - Tënë so amu fini

¹⁴ Tënë so *KOTA GBIA atene ayeke so: “Israel, lengo ti kua ti azo ti Ezipte, ye ti ngere ti azo ti Etiopii, azo ti Seba, ayongoro zo so, ala so kue ayeke hon na ndo ti mo, ala yeke ga ti mo. Fade a yeke kanga ala kangango na zingiri si ala yeke tambula na peko ti mo; ala yeke kuku na gbe ti mo si ala yeke tene tënë so na mo tongana sambela: ‘Nzapa ayeke gi na ndo ti mo oko, mbeni nzapa nde ayeke daa pepe, gi lo oko.’ ”

Ésaïe 45:14 ပူးပေါင်းရင်းမြစ်များ

Tongo nda ti aye 27:29

Ayeke nzoni amara nde asara kua na gbe ti mo si azo ti akodro nde nde akuku na gbe ti mo! Mo ga makonzi ti a-ita ti mo si a-ita ti mo akuku na gbe ti mo! Deba aga na ndö ti zo so ayeke deba mo, tufa aga na ndö ti zo so ayeke sara tufa na ndö ti mo!”

2 Samuel 21:20

Mbeni bira akiri alondo na kodro ti Gat. Mbeni yongoro koli ayeke kâ, ali ti maboko ti lo ayeke omene, omene, ali ti gere ti lo ayeke nga omene, omene; wungo ni kue ayeke baleuse na osio. Lo yeke mbeni *hale ti Harafa.

Esther 8:17

Na kodro-sese oko oko wala na ya ti gbata oko oko so ndia ni wala mbela ni asi daa, be ti azuife kue asi singo na ngia, ala yeke dodo na ngia si ala yeke sara amatanga gbani gbani. Azo mingi ti ambeni kodro so abaa aye ni tongaso, kota mbeto agbu ala sara tere ti ala tongana azuife.

Mbeti ti Job 1:15

Azo ti Saba atuku biaku na ndö ti anyama ni, agbu ala; ala fâ azo ti kua ti mo. Gi mbi oko laa mbi ngba na fini si mbi ga ti tene tënë ni na mo.”

Mbeti ti Job 11:19

Na ndembe so mo yeke wu tere ti mo, zo ti so li ti mo ayeke daa pepe; azo mingi ayeke tene nzoni tënë ti woko be ti mo.

Abia (Psaumes) 149:6

Ala he bia na kota go ti sepela Nzapa, ala gbu na maboko ti ala yongoro zeme so yanga ni aza mbage na mbage!

Abia (Psaumes) 149:8

ala yeke kanga agbia ti azo ni na zingiri, ala yeke kanga akota zo ti azo ni na olongbo,

Sigingo 11:8

Moïse akiri atene: Na ndembe ni so, fade azo ti gbe ti mo so ayeke ge so ayeke ga na mbage ti mbi, ala yeke kuku ti kpo li ti ala na sese na gbe ti mbi si ala yeke tene na mbi, atene: ‘Hon kâ, mo na azo so kue amu peko ti mo so!’ Na pekoni, mbi yeke hon.” Tongaso Moïse alondo na ndo ti Faraon, lo sigigi na ngonzo ti wâ na be ti lo.

Ésaïe 10:33

Baa, Kota Gbia NZAPA, lo so lo yeke na ndö ti dunia kue, lo fâ amaboko ti keke na ngangu; lo de na sese akeke so ayo na nduzu, lo kinda na sese akeke so ayo mingi na nduzu.

Ésaïe 18:1

So mawa ti nyen! Kodro so amangboko ti lo ayeke na abongo use so a kanga na li ni, kodro so ayeke na tere ti *bale ti Etiopii!

Ésaïe 18:7

Na ngoi ni so, fade azo ayeke ga na anzoni ye na KOTA GBIA so ayeke na ndö ti dunia kue; azo ni ayo mingi, poro ti tere ti ala ayeke za zango, ala yeke zia mbeto na be ti azo na ndo so ngbii asi na ndo kue, ala yeke nika awato ti ala, abale ahon na ya ti kodro ti ala. Fade a yeke ga na anzoni ye na li ti hoto ti *Sion, ndo so KOTA GBIA so ayeke na ndö ti dunia kue ayeke duti daa.

Ésaïe 19:21

KOTA GBIA ayeke sara si azo ti Ezipte ahinga lo; na lango ni so, ala yeke hinga lo si ala yeke sara na lo na mungo na lo asandaga nga na anzoni ye. Ala yeke mu zendo na KOTA GBIA si ala yeke sara ye ti peko ti zendo ni.

Ésaïe 19:22

Tongaso, KOTA GBIA ayeke pika azo ti Ezipte. Lo yeke pika ala, me lo yeke kai kobela ti ala: fade ala yeke kiri na KOTA GBIA, lo yeke ma ala si lo yeke kai kobela ti ala.

Ésaïe 23:18

Me aye so gbata ni ayeke wara nga na futa ti lo, a yeke zia ni nde ndali ti KOTA GBIA. A yeke bongbi ni pepe, a yeke bata ni pepe. Aye so lo wara so, a yeke vo na kobe na azo so ayeke duti na dawa ti KOTA GBIA, ala te ya ti ala asi; a yeke vo nga na apendere bongo na ala.

Ésaïe 43:3

Biani, mbi KOTA GBIA, mbi yeke Nzapa ti mo, Nzapa ti Israel so ayeke nde si ayeke nzoni kue, mbi yeke wasongo ala. Mbi mu Ezipte ti ga ye ti vongo na mo, mbi mu Etiopii na Seba ti sanze na mo.

Ésaïe 44:8

Ala azo ti mbi, ala sara mbeto pepe, tere ti ala ado pepe! Mbi tene tënë so na ala ngbene ye giriri, mbi fa ni na ala, ala hinga awe. Ala laa ayeke azo ti tenengo tënë ti ye so ala hinga na ndö ti mbi. Mbeni Nzapa nde ayeke daa? Gi mbi oko pepe? Mbeni Kota Têne nde so aluti ngangu ayeke daa pepe; mbi hinga mbeni oko pepe.”

Ésaïe 45:24

Ala yeke tene tënë na ndö ti mbi, atene: “Gi na lege ti *KOTA GBIA oko si sarango ye ti mbirimbiri na ngangu ayeke daa.” Azo so kue atiri na mbi, fade ala yeke ga na mbage ti mbi, kamene ayeke hon ndö ti ala.

Ésaïe 49:23

Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Ésaïe 54:3

Biani, mo yeke sara si sese ti mo akono mbage na mbage kue; amolenge ti mo ayeke mu sese ti amara so ayeke nduru na ala ti ga ti ala; agbata so azo ayeke na ya ni pepe, amolenge ti mo ayeke kiri ti duti na ya ni.

Ésaïe 55:5

Mo Israel, fade mo yeke iri mara so mo hinga ni pepe; mara so ahinga mo pepe ayeke mu loro ti ga na mbage ti mo. Lo yeke ga ndali ti mbi KOTA GBIA, Nzapa ti mo, Nzapa ti Israel so ayeke nde si ayeke nzoni kue, lo so lo sara si mo wara gonda.”

Ésaïe 60:3

Tongaso azo ti amara nde ayeke gue na mbage ti lumiere ti mo si agbia ayeke gue nga na mbage ti mo ndali ti vurungo ndo ti mo so ato nda ni.

Ésaïe 61:9

Na popo ti amara nde, azo ayeke hinga *ahale ti ala. Na ndo kue, azo ayeke hinga amolenge ti amolenge ti ala. Azo so kue ayeke baa ala, ayeke hinga ala na lege ti ye so: ala yeke amara so KOTA GBIA asara tufa na ndö ti ala.

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Ezekiel 23:42

Gba ti azo aga na ndo ti ala si ala yeke sara wuluwulu. Ambeni zo ni alondo na akodro nde nde ti benyama si aga. Ala zia aye ti pendere na maboko ti awali use so ayeke a-ita so, ala zia nga pendere kpoto ti gbia na li ti awali ni.

Ezekiel 31:3

Mo kpa keke ti sedre ti Liban so amaboko ni apendere mingi, so asara gbe ti de nzoni mingi; so ayo na nduzu mingi si li ti lo asi na ya ti ambinda.

Wungo ti azo 13:32

Ala to nda ti tene sioni tënë ti kodro ni na dawa ti azo ti Israel, kodro so ala gue, abembe ndo daa so. Ala tene: “Kodro so e gue, e bembe ndo daa so ayeke kodro so asara si azo so aga ti sara kodro kâ akui. Azo ti kodro ni kue ayeke ayongoro zo.

1 Korente 14:25

atënë ti be ti lo asigigi polele si lo yeke kuku na sese ti voro Nzapa; lo yeke tene na yanga ti lo, lo tene: “Nzapa ayeke na popo ti ala biani.”

1 Tesalonike 1:9

Azo kue ayeke tene tënë ti yambango so ala yamba lani na e na ndembe so e si na ndo ti ala. Azo atene nga tënë ti ziango so ala zia lege ti anzapa nde ti kiri na mbage ti Nzapa titene ala sara kua na lo, lo so lo yeke na fini si lo yeke taa Nzapa.

Aye so Nzapa afa 3:9

Baa, ambeni zo atene, ani yeke azuife, andaa ala yeke taa azuife pepe. Ala yeke tene mvene, ala yeke azo ti bongbi ti Satan. Fade mbi yeke sara titene ala ga, ala kuku na gbe ti mo si ala hinga atene, mbi ye mo.