Ésaïe 45:10 - Mbeti ti Nzapa - Tënë so amu fini

¹⁰ Mawa na zo so atene na babâ ti lo: “Mara ti molenge ti nyen laa mo du so?” Wala lo tene na mama ti lo: “Nyen laa mo du so?”

Ésaïe 45:10 ပူးပေါင်းရင်းမြစ်များ

Ésaïe 45:11

*KOTA GBIA, Nzapa ti Israel, Nzapa so ayeke nde si ayeke nzoni kue, lo so lo sara Israel, tënë so lo tene ayeke so: “Ala laa ayeke hunda mbi tënë na ndö ti kekereke ti amolenge ti mbi? Ala laa ayeke mu yanga na mbi na ndö ti ye so mbi sara?

Ésaïe 45:9

Mawa na zo so aye ti tiri na zo so asara lo! Zo ayeke tongana ta ti sese na popo ti ambeni ta ti sese. Sese ti sarango na ta alingbi ti tene na zo so ayeke sara lo, atene: “Nyen laa mo yeke sara so?” Ta ti sese alingbi ti tene na zo ti sarango lo, atene: “Mo sara ye ni na legeni pepe!”?

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Ndia ti fani use ni 27:16

‘Deba aga na ndö ti zo so abaa babâ na mama ti lo tongana ambumbuse zo!’ Fade azo kue ayeke kiri tënë, atene: ‘Amen!’

Ahebro 12:9

Ababâ ti e ti sese so ayeke pika ka e ti kiri na e na nzoni lege si e yeke kpe mbeto ti ala. Tongaso, ayeke nzoni ahon titene e ma yanga ti Babâ ti e so ayeke na yayu si e duti na fini.