Ésaïe 45:1 - Mbeti ti Nzapa - Tënë so amu fini

¹ Tënë so *KOTA GBIA atene na Sirus, gbia so lo soro lo ayeke so: “Mbi gbu mo na maboko ti mo ti koli ti kinda amara nde na gbe ti mo, ti zi na maboko ti agbia komandema ti ala, ti zi ayanga ti gbagba ti agbata so akanga kangango na dawa ti mo.

Ésaïe 45:1 ပူးပေါင်းရင်းမြစ်များ

1 Agbia 19:15

KOTA GBIA atene na lo: “Londo, mo mu gi lege ti benyama so mo ga daa so, mo gue ngbii mo si na Damas. Tongana mo si kâ, fade mo tuku mafuta na li ti Hazael titene lo ga gbia ti Sirii.

Esdras 1:1

Na kozo ngu so Sirus ayeke gbia ti Perse, *KOTA GBIA aye ti sara si tënë ti lo so lo zia ando na yanga ti Jérémie ti tene, aga taa-tënë. Nilaa KOTA GBIA azia na be ti Sirus ti mu yanga titene a to mbela na tënë ti Sirus na ya ti kodro ti lo kue; a su nga atënë ni na mbeti, atene:

Esdras 1:2

“Tënë so mbi Sirus, gbia ti Perse, mbi tene ayeke so: KOTA GBIA, Nzapa ti yayu azia na gbe ti mbi akodro-gbia kue ti sese. Lo mu yanga na mbi ti leke na lo da na Jérusalem, na sese ti Juda.

Mbeti ti Job 12:21

Lo yeke bi buba na tere ti akota zo; lo yeke zi ngangu ti azo ti sarango ngangu na amba ti ala.

Abia (Psaumes) 73:23

Andaa mbi yeke lakue na mo. Mo gbu maboko ti mbi ti koli,

Ésaïe 13:2

*KOTA GBIA atene: “Na ndö ti hoto so ndö ni ayeke senge, ala ya bendere na nduzu, ala dekongo na aturugu, ala sara maboko na ala titene ala ga na yanga ti da ti akota zo.

Ésaïe 13:3

Mbi wani, mbi mu yanga na azo so mbi zia ala nde ndali ti mbi. Mbi iri akpengba turugu ti mbi, ala so ayeke wara ngia na lege ti nengo ti mbi; mbi iri ala titene ala fa ngonzo ti mbi.”

Ésaïe 41:13

Biani, mbi *KOTA GBIA, mbi yeke Nzapa ti mo; mbi gbu maboko ti mo ti koli, mbi tene na mo, mbi tene: ‘Sara mbeto pepe, mbi laa mbi yeke mu maboko na mo.’ ”

Ésaïe 41:2

Mbeni zo alondo na mbage ti To si lo yeke ga; lo so benda na ndo so kue lo yeke hon daa. Zo wa laa azia lo na lege si lo ga so, zo wa? Zo wa laa azia amara nde na maboko ti lo, zo wa? Zo wa laa azia agbia na gbe ti komandema ti lo, zo wa? Yongoro zeme ti lo asara si ala ga tongana fuku ti sese, kokora ti lo asara si ala kangbi kirikiri tongana holengo pere so pupu amu ahon na ni.

Ésaïe 41:25

Na mbage ti Banga kâ, mbi soro mbeni zo, mbi zia lo na lege si lo yeke ga. Na mbage ti To, mbi iri lo na iri ti lo; lo yeke do azo ti komandema na gere tongana ti so zo ayeke do potopoto, tongana ti so wasarango-ta ayeke do ya ti sese ti sarango na ta.

Ésaïe 42:6

“Mbi KOTA GBIA laa mbi iri mo na lege ti mbirimbiri. Mbi gbu mo na maboko ti mo, mbi bata mo si mbi zia mo titene na lege ti mo, mbi na azo e ga *ambuki; mbi zia mo titene mo duti lumiere ti amara kue.

Ésaïe 44:28

Tënë so mbi tene na ndö ti Sirus ayeke so: ‘Lo yeke wabatango-taba ti mbi. Ye so mbi ye, fade lo yeke sara si aga nzoni. Lo yeke mu yanga titene a kiri aleke Jérusalem, titene a kiri alu gere ti kota da ti Nzapa.’ ”

Ésaïe 45:5

Mbi laa mbi yeke KOTA GBIA, mbeni nde ayeke daa pepe. Mbeni Nzapa nde ayeke pepe, gi mbi oko. Ataa so mo hinga mbi pepe, mbi leke mo ndali ti bira.

Ésaïe 48:15

Mbi, mbi oko laa mbi tene tënë ni. Mbi iri lo, mbi sara si lo ga; aye so lo yeke sara, fade ayeke ga nzoni.”

Jérémie 27:6

Fadeso, mbi zia akodro so kue na maboko ti zo ti kua ti mbi Nabukodonosor, gbia ti Babilone. Ataa anyama ti ngonda, mbi mu ala na lo titene ala sara kua na lo.

Jérémie 43:10

Na pekoni, fade mo yeke tene na ala: ‘Baa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Mbi yeke tokua titene a iri zo ti kua ti mbi Nabukodonosor, gbia ti Babilone ti ga. Mbi yeke zia mbata ti lo ti gbia na ndö ti atêne so a lu ni ge so. Lo yeke leke gbefa ti lo ti gbia na ndo so.

Jérémie 50:3

Biani, mbeni mara alondo na mbage ti Banga ti ga ti sara bira na Babilone. Lo yeke sara si kodro ti lo aga ngonda, zo ayeke kiri ti lango daa pepe; azo na anyama, ala kue ayeke kpe, ala kue kue kue ayeke hon.

Jérémie 50:35

“Bira aga na tere ti Babilone, na tere ti azo ti Babilone, na akota zo ti kodro ti ala nga na azo ti ala so ayeke na ndara! So tënë ti yanga ti *KOTA GBIA laa.

Jérémie 51:11

KOTA GBIA aleke na be ti lo ti buba kodro ti Babilone. Ndani laa lo zia nzara ni na be ti agbia ti Medii. Biani, KOTA GBIA akiri na awato ti e peko ti sioni ti ala awe; lo kiri na ala peko ti sioni so ala sara na kota da ti lo. Ala leke yanga ti ale ti kokora, aza! Ala mu ni asi ya ti abozo ni!

Jérémie 51:30

Angangu zo ti bira ti Babilone azia lege ti bira awe, ala honde tere ti ala na ya ti ngangu gbagba ti bira ti ala kâ. Ngangu ti ala kue ahunzi awe, ala ga tongana awali. A zi ayanga ti gbata ni polele awe; a gbi ada ti lango ti azo ti Babilone kue awe.

Jérémie 51:58

Tënë so KOTA GBIA so ayeke na ndö ti dunia kue atene ayeke so: “Akota gbagba ti Babilone akungbi kue awe, a gbi akota yanga ti gbagba ti kodro ni awe. Amara ayeke baa pasi na kua senge senge, kua so azo asara ayeke hunzi na le ti wâ!”

Ezekiel 29:20

Ndali ti angangu kua so lo sara, mbi yeke mu na lo Ezipte tongana futa ti lo, ngbanga ti so lo na aturugu ti lo, ala sara kua ndali ti mbi. So tënë ti yanga ti Kota Gbia NZAPA laa.

Daniel 5:6

le ti lo aga nde si li ti lo kue akpe; ya ti agere ti lo kue akanga si alikunu ti lo ayeke pika tere.

Daniel 7:5

Use nyama ni ayeke tongana *urse. Lo mu tere ti lo na nduzu si lo luti mbage oko; abio ota ti kate ayeke na yanga ti lo, na popo ti apembe ti lo. A mu yanga na lo, atene: ‘Londo, mo te akasa mingi!’

Daniel 8:3

Mbi yo le ti mbi na nduzu, mbi baa mbeni koli-taba so aluti na yanga ti ngu ni. Lo yeke na ayongoro didi use; me didi so asigigi na peko ayo ahon ti so asigigi kozo so.

Daniel 8:4

Mbi baa koli-taba ni ayeke pika ye na didi ti lo na mbage ti Do, na mbage ti Banga nga na mbage ti Mbongo. Mbeni nyama so alingbi ti gbu le ni na lo ayeke daa pepe; mbeni zo so alingbi ti zi zo na maboko ti lo ayeke daa pepe. Koli-taba ni ayeke sara gi ye so be ti lo aye si lo yeke kono lakue.

Nahum 2:6

Gbia ti Asirii airi aturugu ti lo ti kota kamba, me na gango ti ala, gere ti ala ayeke do dongo. Azo so ayeke ga na bira ni ayeke gue hio hio na tere ti ngangu gbagba; ala leke ndo ti batango tere ti ala daa na gbe ti agbagba ni.

Nahum 3:13

Azo ti bira ti mo awoko gi tongana awali, ayanga ti kodro ti mo kue azi kota na awato ti mo. Wâ agbi angbongboro keke so ayeke kanga na ayanga ti gbagba ti kodro ti mo.