Ésaïe 44:9 - Mbeti ti Nzapa - Tënë so amu fini

⁹ Azo so ayeke leke ayanda, ala kue ayeke ye oko pepe. Alimo ti anzapa so ala mu nengo na ala so ayeke sara ye oko na ala pepe. Ayanda ni alingbi fade ti baa ye so azo ni ayeke sara, me ala yeke baa ndo pepe, ala hinga ndo pepe, ala yeke zia kamene na le ti azo ni.

Ésaïe 44:9 ပူးပေါင်းရင်းမြစ်များ

2 Agbia 19:18

Agbia ni abi anzapa ti azo ni na le ti wâ. Andaa anzapa ni ayeke taa Nzapa pepe, me ala yeke gi ye so maboko ti zo laa asara ni na keke nga na têne; nilaa agbia ti Asirii abuba anzapa ni kue.

Abia (Psaumes) 115:4

Anzapa ti amara nde, a sara ala na wen ti nginza nga na lôro, maboko ti zo laa asara ala.

Abia (Psaumes) 115:8

Azo so asara anzapa ni, azo so azia be ti ala na ndö ti anzapa ni, ayeke nzoni ala ga tongana ala.

Abia (Psaumes) 135:18

Azo so asara anzapa ni, azo so azia be ti ala na ndö ti anzapa ni, ayeke nzoni ala ga tongana ala!

Abia (Psaumes) 97:7

Azo so kue ayeke voro ayanda, ayeke nzoni kamene agbu le ti ala! Azo so ayeke pika kate ti ala ndali ti abuba yanda ni, ayeke nzoni kamene agbu le ti ala! Ala anzapa kue, ala kuku na gbe ti KOTA GBIA!

Ésaïe 26:11

KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.

Ésaïe 41:24

Me ala yeke ye oko pepe, ye so kue ala yeke sara ayeke taa senge senge. Zo so asoro ala tongana anzapa, lo yeke fungo zo tongana anzapa ni.

Ésaïe 41:29

Ala kue ayeke ye oko pepe: kua ti ala ayeke senge senge, ayanda ti ala ayeke pupu senge, ye ayeke daa pepe!”

Ésaïe 42:17

Azo so azia be ti ala na ndö ti ayanda si ala yeke tene na anzapa so a kporo wen si a sara na ni, atene: ‘Ala laa ayeke anzapa ti e’, fade azo ni so ayeke kiri na peko, kamene ayeke hon ndö ti ala.”

Ésaïe 42:18

Ala, azo ti kangango mê, ala ma! Ala, awaziba, ala zi le ti ala, ala baa ndo!

Ésaïe 43:8

Azo so le ti ala ayeke daa, me ala yeke baa ndo pepe so, azo so mê ti ala ayeke daa, me ala ma ndo pepe so, ala sigigi na ala.

Ésaïe 43:9

Ayeke nzoni amara kue abongbi, ayeke nzoni amara abongbi tere! Na popo ti ala, zo wa laa alingbi ti fa na e ye so ayeke si ande, zo wa? Zo wa laa alingbi ti tene tënë ti ye so asi awe, zo wa? Ayeke nzoni ala fa azo so ayeke fade na tere ti aye ni, ala fa atene, tënë ti ala ayeke na legeni! Ayeke nzoni azo so ayeke na tere ti aye ni ayeda, atene: “Ye ni ayeke taa-tënë!”

Ésaïe 44:11

Azo so kue amu peko ti ayanda ni, fade kamene ayeke gbu le ti ala. Azo ti kode so asara ayanda ni, ala yeke gi asenge zo. Ayeke nzoni ala kue abongbi tere, ala ga aluti: fade mbeto ayeke hon ndö ti ala, kamene ayeke sara ala kue!

Ésaïe 44:18

Azo ni so ahinga ye oko pepe, ala hinga ndo oko pepe. Biani, le ti ala na gbungo-li ti ala akanga awe, ala lingbi ti baa ndo pepe, ala lingbi ti hinga nda ti ye pepe.

Ésaïe 44:20

Azo ni so amu tere ti ala gi na senge mburu ti wâ; gbungo-li ti ala ti kirikiri asara si ala girisa lege. Nzapa ti ala ni alingbi ti zi ala pepe. Me azo ni wani ayeke tene pepe: “Ye so ayeke na ya ti maboko ti mbi so, ayeke gi ye ti mvene.”

Ésaïe 45:16

Azo so ayeke leke ayanda, kamene ahon ndö ti ala, kamene agbu le ti ala. Ala ba li ti ala na sese na kamene si ala yeke hon.

Ésaïe 45:20

Ala, amara nde so angba na fini, ala bongbi tere ti ala, ala ga! Ala ga legeoko. Azo so ayeke yo ayanda ti ala ti keke, ala so ayeke sambela nzapa so alingbi ti soo zo pepe, ala hinga ndo pepe.

Ésaïe 57:12

Me mbi yeke sigigi na nda ti mo polele. Aye so mo yeke sara si mo baa mo tene, ayeke nzoni so, mo yeke wara ye ti peko ni oko pepe.

Ésaïe 65:13

Ndani laa, tënë so mbi, Kota Gbia NZAPA, mbi tene ayeke so: Fade azo ti kua ti mbi ayeke te kobe, me ti ala, ala yeke duti na nzara. Azo ti kua ti mbi ayeke na ngu ti nyongo ni, me ti ala, nzara ti ngu ayeke sara ala. Azo ti kua ti mbi ayeke duti na ngia, me ti ala, kamene ayeke sara ala.

Jérémie 14:22

Na popo ti asenge senge ye ti amara nde, mbeni yanda oko ayeke daa so alingbi ti sara si ngu apika? Yayu laa asara si ngu ayeke pika? KOTA GBIA Nzapa ti e, mo laa mo sara ye so pepe? E zia be ti e ti ku mo, ngbanga ti so mo laa mo sara aye so kue.”

Jérémie 2:11

Laoko ala baa mbeni mara so azia anzapa ti lo ti mu ambeni nde? Ataa so ala yeke anzapa pepe! Me azo ti mbi azia mbi, mbi so mbi yeke nengo ti ala, ala mu peko ti ye so alingbi ti sara mbeni ye oko pepe.

Jérémie 2:26

Legeoko tongana zo ti nzi so kamene ayeke sara lo na ndembe so a gbu lo, fade kamene ayeke sara azo ti Israel, ala na agbia ti ala, na akota zo ti kodro ti ala, na awayango-sandaga na awayanga-Nzapa ti ala.”

Daniel 11:38

Fade lo yeke voro anzapa so pepe, me lo yeke voro nzapa ti agbagba ti bira, nzapa so akotara ti lo ahinga ni ando pepe. Lo yeke mu na nzapa so lôro, wen ti nginza, atêne ti ngangu ngere na ambeni ye ti ngangu ngere.

Daniel 5:23

Mo londo ti ke Nzapa so ayeke na yayu: azo ague, amu aye ti da ti lo aga na ni si mo na akota zo ti mo, na awali ti mo so mo ne ala mingi nga na ala so mo ne ala mingi pepe, ala tuku samba na ya ni, ala nyon. Na pekoni, mo gonda anzapa so a sara na wen ti nginza na lôro, ala so a sara na bengba wen, na wen, na keke nga na têne. Anzapa ni ayeke baa ndo pepe, ala yeke ma tënë pepe si ala hinga ye pepe. Me mo ke ti gonda Nzapa so pupu ti ya ti mo ayeke na maboko ti lo si lo yeke bata tambula ti mo.

Rome 1:22

Ala baa ti ala atene, ala yeke azo ti ndara, andaa ala ga azo ti buba awe.

1 Korente 8:4

Tongaso, e lingbi ti te kasa ti anyama so azo aya na sandaga na anzapa nde so? E hinga so mbeni nzapa nde ayeke na dunia so pepe, Nzapa ayeke gi oko.

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

Efeze 4:18

Hingango ndo ti ala ayeke na ya ti vukongo ndo; fini so Nzapa ayeke mu na zo, ala wara ni pepe, ngbanga ti so be ti ala akpengba si ala hinga ndo pepe.

Efeze 5:8

Ando, ala yeke na ya ti vukongo ndo. Ndali ti so ala ga oko na *Kota Gbia, fadeso ala yeke na ya ti lumiere. Ayeke nzoni sarango ye ti ala ayeke tongana ti azo so ayeke na ya ti lumiere.

Ndia ti fani use ni 27:15

‘Deba aga na ndö ti zo so amu wen akporo ni si asara na mbeni nzapa nde wala na mbeni yanda si lo honde ni na mbeni ndo ti voro ni!. So ayeke ye so maboko ti zo asara. Tongaso, ayeke ye so ayeke sioni mingi na le ti *KOTA GBIA.’ Fade azo kue ayeke kiri tënë: ‘Amen!’

Ndia ti fani use ni 4:28

Kâ, ala yeke voro anzapa nde so maboko ti zo laa asara; a sara anzapa ni na keke nga na têne. Anzapa ni alingbi ti baa ndo pepe, ti ma ndo pepe, ti te ye pepe, wala ti ma fion ti ye pepe.

Awafango-ngbanga 10:14

Ala gue! Ala dekongo na anzapa so ala soro ala so ma! Anzapa ni asoo ala na ngoi so ala yeke na ya ti kpale ma!”