Ésaïe 44:8 - Mbeti ti Nzapa - Tënë so amu fini

⁸ Ala azo ti mbi, ala sara mbeto pepe, tere ti ala ado pepe! Mbi tene tënë so na ala ngbene ye giriri, mbi fa ni na ala, ala hinga awe. Ala laa ayeke azo ti tenengo tënë ti ye so ala hinga na ndö ti mbi. Mbeni Nzapa nde ayeke daa? Gi mbi oko pepe? Mbeni Kota Têne nde so aluti ngangu ayeke daa pepe; mbi hinga mbeni oko pepe.”

Ésaïe 44:8 ပူးပေါင်းရင်းမြစ်များ

Tongo nda ti aye 46:3

Nzapa atene: “Mbi yeke Nzapa, Nzapa ti babâ ti mo. Sara mbeto ti gue na Ezipte pepe. Kâ, mbi yeke sara titene mbeni kota mara abaa gigi na lege ti mo.

Tongo nda ti aye 48:19

Babâ ti lo ni ake si atene: “Mbi hinga, molenge ti mbi! Mbi hinga! Fade ahale ti Manase ayeke ga kota mara. Lo nga lo yeke ga kota zo. Me ngambe ti lo ayeke ga kota ahon lo. Fade ahale ti ngambe ni ayeke ga amara mingi mingi.”

2 Samuel 22:32

Zo wa laa ayeke Nzapa, zo wa? Gi KOTA GBIA pepe? Zo wa laa ayeke kota têne so e luti na ndö ni ti bata tere ti e, zo wa? Gi Nzapa ti e pepe?

Esdras 1:2

“Tënë so mbi Sirus, gbia ti Perse, mbi tene ayeke so: KOTA GBIA, Nzapa ti yayu azia na gbe ti mbi akodro-gbia kue ti sese. Lo mu yanga na mbi ti leke na lo da na Jérusalem, na sese ti Juda.

Esdras 8:22

Tongana mbi hunda fade na gbia titene lo mu na e aturugu na azo ti kpengo na ambarata titene ala bata e na lege ndali ti awato ti e, ka kamene asara mbi. Biani, lani e tene na gbia, e tene: “Maboko ti Nzapa ti e ayeke na ndö ti azo so kue ayeke gi lo; me ngonzo ti lo ayeke londo ngangu na tere ti azo so azia lo.”

Abia (Psaumes) 18:31

Lege ti Nzapa ayeke nzoni kue, a tara tënë ti KOTA GBIA, tënë ni ayeke taa-tënë; lo yeke vala ti azo so akpe na lo ti bata tere ti ala.

Abia (Psaumes) 18:32

Zo wa laa ayeke Nzapa, zo wa? Gi KOTA GBIA oko! Zo wa laa ayeke kota têne so e luti na ndö ni ti bata tere ti e, zo wa? Gi Nzapa ti e oko!

Abia (Psaumes) 86:10

Biani, mo yeke kota, mo yeke sara aye ti kpene, gi mo oko laa mo yeke Nzapa!

Ésaïe 17:10

Biani, Israel, be ti mo agirisa na Nzapa, wasongo mo awe. Lo so lo yeke Kota Têne, ndo so mo kpe daa ti bata tere ti mo, mo dabe ti mo na lo mbeni pepe. Ndani laa mo sara si apendere kongo amai, mo lu ale ti kobe ti awande.

Ésaïe 26:4

Ala zia be ti ala na ndö ti KOTA GBIA lakue lakue, ngbanga ti so KOTA GBIA ayeke tongana kota têne so aluti kpu na kpu.

Ésaïe 30:29

Ti ala azo ti Jérusalem, fade ala yeke he bia tongana ti so a yeke he bia ti matanga na bi. Be ti ala ayeke duti na ngia tongana ti azo so ayeke tambula alingbi na toto ti *ngoli si ala yeke gue na li ti hoto ti KOTA GBIA, na mbage ti Kota Têne ti Israel.

Ésaïe 41:23

Ala fa na e ye so ayeke si gbanda si e hinga, e tene, ala yeke taa anzapa. Ala sara gi mbeni ye ti nzoni wala ti sioni, tongaso si e baa ni si fade e ne ala!

Ésaïe 42:9

Akozo ye so asi ahon awe. Fadeso, mbi yeke kiri ti fa na ala afini ni. Kozo si ye ni asi, mbi yeke tene tënë ni na ala.

Ésaïe 43:10

Ala laa ayeke azo ti tenengo tënë ti ye so ala hinga na ndö ti mbi, so tënë ti yanga ti *KOTA GBIA laa; ala laa ayeke azo ti kua ti mbi so mbi soro ala. Mbi ye titene ala hinga mbi, ala zia be ti ala na ndö ti mbi si ala hinga biani so mbi yeke Nzapa. Kozo ti mbi, mbeni nzapa oko ayeke daa pepe, na peko ti mbi, mbeni nzapa oko ayeke duti daa pepe.

Ésaïe 43:11

Mbi laa mbi yeke KOTA GBIA, gi mbi oko. Mbeni wasongo-zo nde ayeke daa pepe, gi mbi oko.

Ésaïe 43:12

Mbi laa mbi soo azo na kuâ, mbi laa mbi fa tënë ni, mbi sara si ala hinga tënë ni. Na ndo ti ala, a yeke wara mbeni nzapa nde pepe, gi mbi oko. Ala laa ayeke azo ti tenengo tënë ti ye so ala hinga na ndö ti mbi atene, mbi yeke Nzapa, so tënë ti yanga ti KOTA GBIA laa.

Ésaïe 43:9

Ayeke nzoni amara kue abongbi, ayeke nzoni amara abongbi tere! Na popo ti ala, zo wa laa alingbi ti fa na e ye so ayeke si ande, zo wa? Zo wa laa alingbi ti tene tënë ti ye so asi awe, zo wa? Ayeke nzoni ala fa azo so ayeke fade na tere ti aye ni, ala fa atene, tënë ti ala ayeke na legeni! Ayeke nzoni azo so ayeke na tere ti aye ni ayeda, atene: “Ye ni ayeke taa-tënë!”

Ésaïe 44:2

*KOTA GBIA so asara mo, lo so lo leke mo gi so mo de na ya ti mama ti mo, lo so lo yeke mu maboko na mo, tënë so lo tene ayeke so: Jacob, zo ti kua ti mbi, sara mbeto pepe, mo Yeshurun so mbi soro mo.

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Ésaïe 45:19

Mbi tene tënë na hondengo ni pepe, na mbeni ndo na sese so avuko vukongo. Mbi tene na *ahale ti Jacob pepe, mbi tene: Ala gi mbi na ndo so angba senge! Mbi KOTA GBIA, mbi yeke tene tënë ti ye so ayeke mbirimbiri, mbi yeke tene tënë ti ye so ayeke na legeni.”

Ésaïe 46:9

Ala dabe ti ala na ye so ahon awe so, aye so asi ando giriri so: Biani, mbi laa mbi yeke Nzapa, mbeni nde ayeke daa pepe. Mbeni Nzapa tongana mbi ayeke daa pepe.

Ésaïe 48:3

“Akozo ye so asi awe so, mbi fa tënë ni na ala ngbene ye giriri. Tënë ni asigigi na yanga ti mbi, mbi tene tënë ni, ala ma awe. Mo ye ti baa, mbi sara mbeni ye si aye ni asi.

Ésaïe 48:5

Ndani laa mbi fa na ala tënë ti aye so ngbene ye giriri. Mbi tene tënë ni na ala kozo si aye ni asi, tongaso si ala tene pepe: ‘Yanda ti mbi laa asara ye ni, nzapa ti mbi so a leke lo na keke, wala na bengba wen laa amu yanga si ye ni abaa gigi.’

Jérémie 10:7

Mo so mo yeke gbia ti amara kue, zo wa laa alingbi ti kpe mbeto ti mo pepe? So laa alingbi titene azo asara na mo. Na popo ti azo ti ndara ti dunia so nga na ya ti akodro-gbia kue, mbeni zo tongana mo ayeke daa pepe.

Daniel 2:28

Me na yayu kâ, mbeni Nzapa ayeke daa so ayeke fa nda ti aye ti ndima. Gbia Nabukodonosor, lo laa lo yeke fa na mo ye so ayeke si gbanda. Baa, ye so mo baa na ya ti bango-li na ndembe so mo yeke na ndö ti gbogbo ti mo so ayeke tongaso:

Daniel 2:47

Gbia atene na Daniel, atene: “Taa-tënë, Nzapa ti ala ayeke Nzapa so ahon anzapa kue; lo yeke Gbia ti agbia. Lo laa lo yeke fa nda ti aye ti ndima, ngbanga ti so mo fa na mbi nda ti ye ti ndima so awe.”

Daniel 4:25

Atënë so kue a tene na ndö ti Nabukodonosor asi gi tongana ti so Daniel afa.

Daniel 6:22

Daniel akiri tënë na gbia, atene: “Gbia na nduzu!

Joël 2:27

Tongaso, fade ala yeke hinga atene, mbi yeke na popo ti ala, azo ti Israel, mbi laa mbi yeke KOTA GBIA, Nzapa ti ala; mbeni nzapa nde ayeke daa pepe. Kamene ayeke kiri ti gbu le ti azo ti mbi laoko pepe.”

Jean 1:1

Na tongo nda ni, Tënë ayeke daa; Tënë ni ayeke na tere ti Nzapa si Tënë ni ayeke Nzapa.

Jean 10:30

Mbi na Babâ, e yeke oko.”

Jean 6:10

Jésus atene: “Ala tene na azo ni kue ti duti.” Pere ayeke na ndo ni so mingi. Azo ni aduti; li ti akoli kue aga nduru na saki oku.

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Awatokua 14:15

“Azo! Ala yeke sara ye so ngbanga ti nyen? E yeke gi azo tongana ala! E ga ge ti fa Nzoni Tënë titene ala zia lege ti abuba ye so ala yeke voro so, ala mu be ti ala na Nzapa so ayeke na fini, lo so asara yayu, na sese na kota ngu-ingo na aye so kue ayeke na ya ni.

Ndia ti fani use ni 32:31

Me awato ti ala wani ahinga atene, nzapa ti batango ala alingbi na Nzapa ti e pepe.

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?

Ndia ti fani use ni 32:4

Nzapa ayeke Kota Têne ti batango e. Aye so kue lo sara ayeke nzoni kue, lege ti sarango aye ti lo kue ayeke mbirimbiri. Lo yeke Nzapa so ayeke sara ye alingbi na tënë ti yanga ti lo, lo yeke sara ye ti kirikiri pepe, lo yeke lakue mbirimbiri, lo yeke fâ ngbanga na legeni.

Ndia ti fani use ni 4:35

Ala wara lege ti baa aye so kue titene ala hinga atene, KOTA GBIA laa ayeke Nzapa; mbeni nzapa nde ayeke daa pepe, gi lo oko.

Ndia ti fani use ni 4:39

Alingbi ala hinga tënë so laso, ala gbu li ti ala na ndö ni nzoni: KOTA GBIA laa ayeke Nzapa na yayu, yongoro na nduzu kâ; lo yeke nga Nzapa na ndö ti sese; mbeni Nzapa nde ayeke daa pepe.

Ahebro 12:1

So gba ti azo so asara ando ye na lege ti mabe ti ala ayeke ngoro e, ayeke nzoni e nga, e zi na ndö ti e akungba so kue ayeke sara si e tambula gbaa so, e zia nga lege ti siokpari so ayeke gbu e hio hio na ya ti gbanda ti lo. E kpe loro ti mandako so e yeke na ya ni so ngangu, e zia lege ni pepe.

1 Jean 1:2

Biani, fini so asigigi polele si e baa lo; e yeke tene tënë ti ye so e hinga na ndö ti lo, e yeke fa na ala tënë ti fini so angba lakue lakue, fini so ayeke ando na tere ti Babâ si asi na popo ti e.

1 Samuel 2:2

KOTA GBIA oko laa ayeke nde si ayeke nzoni kue, mbeni zo ti bata e tongana lo ayeke daa pepe; lo yeke oko kota têne so e luti na ndö ni ti bata tere ti e; mbeni nzapa nde tongana lo ayeke daa pepe.