Ésaïe 44:7 - Mbeti ti Nzapa - Tënë so amu fini

⁷ Zo wa laa alingbi na mbi, zo wa? Alingbi lo dekongo, lo fa na mbi nda ti aye ni, ngbene ye so mbi sara akozo mara! Alingbi lo fa na mbi aye so asi awe nga na aye so ayeke si ande.

Ésaïe 44:7 ပူးပေါင်းရင်းမြစ်များ

Ésaïe 19:12

Gbia Faraon, azo ti ndara ti mo ni ayeke na ndo wa? Ye so KOTA GBIA so ayeke na ndö ti dunia kue aleke na be ti lo ti ga na ni na tere ti Ezipte so, ayeke nzoni ala fa ni na mo titene mo hinga!

Ésaïe 41:22

Ala ga, ala tene na e ye so ayeke si ande. Ye so ahon awe, ala fa na e, ye ni ayeke lani tongana nyen? Fade e yeke gbu li ti e daa si e yeke baa ye so ayeke si na pekoni. Wala ala fa na e ye ti kekereke si e hinga ye so ayeke si ande.

Ésaïe 41:23

Ala fa na e ye so ayeke si gbanda si e hinga, e tene, ala yeke taa anzapa. Ala sara gi mbeni ye ti nzoni wala ti sioni, tongaso si e baa ni si fade e ne ala!

Ésaïe 41:26

Zo wa laa afa tënë ni na tongo nda ni titene e hinga ni, zo wa? Zo wa laa afa tënë ni giriri si e tene: ‘Tënë ni ayeke taa-tënë’? Zo oko afa tënë ni pepe, zo oko azi yanga pepe, zo oko ama nga tënë ti ala pepe.

Ésaïe 41:4

Zo wa laa asara aye so kue, zo wa? Lo laa lo sara si aye abaa gigi, ngbene ye na tongo nda ni. Mbi laa mbi yeke *KOTA GBIA. Mbi yeke lo so ayeke kozoni, mbi yeke ngba tongaso na tere ti aye ti ndangba ni.

Ésaïe 43:12

Mbi laa mbi soo azo na kuâ, mbi laa mbi fa tënë ni, mbi sara si ala hinga tënë ni. Na ndo ti ala, a yeke wara mbeni nzapa nde pepe, gi mbi oko. Ala laa ayeke azo ti tenengo tënë ti ye so ala hinga na ndö ti mbi atene, mbi yeke Nzapa, so tënë ti yanga ti KOTA GBIA laa.

Ésaïe 43:9

Ayeke nzoni amara kue abongbi, ayeke nzoni amara abongbi tere! Na popo ti ala, zo wa laa alingbi ti fa na e ye so ayeke si ande, zo wa? Zo wa laa alingbi ti tene tënë ti ye so asi awe, zo wa? Ayeke nzoni ala fa azo so ayeke fade na tere ti aye ni, ala fa atene, tënë ti ala ayeke na legeni! Ayeke nzoni azo so ayeke na tere ti aye ni ayeda, atene: “Ye ni ayeke taa-tënë!”

Ésaïe 45:21

Ala ga afa so tënë ti ala ayeke na legeni! Ala bongbi, ala leke tënë na popo ti ala. Ye so asi laso, zo wa laa atene tënë ni kozoni si ye ni asi? Zo wa laa afa tënë ni ngbene ye giriri? Mbi KOTA GBIA laa mbi sara aye so pepe? Mbeni Nzapa nde ayeke daa pepe, gi mbi oko; mbeni Nzapa so ayeke mbirimbiri si ayeke soo zo ayeke daa pepe, gi mbi oko.

Awatokua 17:26

Na lege ti zo oko, lo sara azo ti amara kue si lo zia ala na ndö ti sese kue. Lo leke angoi ti dutingo ti amara oko oko na ndö ti dunia so, lo fa katikati ti sese ti ala.

Ndia ti fani use ni 32:8

Na ngoi so Nzapa so ayeke na yayu kâ na ndö ti aye kue amu sese na amara titene aga ti ala, na ngoi so lo kangbi popo ti azo ti ndö ti sese, lo fa katikati ti sese ti amara na lege ti wungo ti azo ti Israel.