Ésaïe 44:5 - Mbeti ti Nzapa - Tënë so amu fini

⁵ Mbeni zo oko ayeke tene: ‘Mbi yeke ti KOTA GBIA’, mbeni ayeke mu iri ti Jacob, mbeni nde ayeke su na ndö ti maboko ti lo: ‘Mbi yeke zo ti KOTA GBIA’ si lo yeke mu iri ti Israel ti zia na ndö ti lo.”

Ésaïe 44:5 ပူးပေါင်းရင်းမြစ်များ

2 Mbai 36:23

“Tënë so mbi Sirus, gbia ti Perse, mbi tene ayeke so: KOTA GBIA, Nzapa ti yayu azia na gbe ti mbi akodro-gbia kue ti sese. Lo mu yanga na mbi ti leke na lo da na Jérusalem, na sese ti Juda. Azo so kue na popo ti ala ayeke azo ti lo, ayeke nzoni ala gue kâ. Ayeke nzoni KOTA GBIA, Nzapa ti ala aduti na ala!”

Abia (Psaumes) 116:16

KOTA GBIA, mbi yeke zo ti kua ti mo, mbi yeke zo ti kua ti mo; mama ti mbi ayeke ando zo ti kua ti mo. Mo laa mo fâ ya ti akamba so akanga mbi.

Sigingo 13:9

Na lege ti ngangu ti maboko ti KOTA GBIA laa, lo zi ala na Ezipte, lo sigigi na ala. Fade matanga so ayeke ga ye ti dango be ti ala, legeoko tongana mbeni nzoroko na tere ti maboko ti ala nga na ndö ti le ti ala. Matanga ni ayeke dabe ti ala so, ala lingbi ti fa *Ndia ti KOTA GBIA na azo.

Ésaïe 2:3

Fade amara gbani gbani ayeke gue kâ si ala yeke tene: “Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.” Biani, ndia ti KOTA GBIA alondo na *Sion, tënë ti lo alondo na Jérusalem.

Jérémie 32:10

Mbi su mbeti ti vongo yaka ni, mbi kpo nzoroko ti mbi na ndö ni na le ti azo so mbi iri ala ti duti na tere ni. Na pekoni, mbi zia nginza ni na ndö ti kilo ti hinga nengo ni.

Jérémie 50:5

Ala yeke hunda lege ti guengo na *Sion, le ti ala ayeke baa ndo na mbage ti gbata ni. Ala yeke ga ti bongbi oko na mbi na lege ti *mbuki so angba lakue lakue, mbuki so be ti ala ayeke girisa na ni laoko pepe.

Mishe 4:2

Fade amara nde gbani gbani ayeke gue kâ si ala yeke tene: ‘Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.’ Biani, ndia ti KOTA GBIA alondo na *Sion, tënë ti lo alondo na Jérusalem.

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

2 Korente 8:5

Ye so ala sara ayeke kota ahon ye so e zia be ti e fade ti ku titene ala sara ni: ala mu tere ti ala wani kozoni na *Kota Gbia si na pekoni, ala mu tere ti ala na e tongana ti so Nzapa aye.

Galasii 6:16

Mbi tene na azo so kue ayeke sara ye alingbi na ye so mbi fa so, mbi tene: siriri ti Nzapa na nzoni be ti lo aduti na ala, nga na azo so kue ayeke taa mara ti lo!

Galasii 6:17

Ti fadeso, alingbi mbeni zo akiri aso li ti mbi pepe! Biani, apeko ti ka so ayeke na tere ti mbi afa atene, mbi yeke zo ti Jésus.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.