Ésaïe 44:1 - Mbeti ti Nzapa - Tënë so amu fini

¹ Me fadeso Jacob, zo ti kua ti mbi, mo ma! Israel, mo so mbi soro mo, mo ma!

Ésaïe 44:1 ပူးပေါင်းရင်းမြစ်များ

Tongo nda ti aye 17:7

Mbi yeke sara titene mbuki so ayeke na popo ti mbi na mo so angba ngbii asi na amolenge ti mo nga na ahale ti mo, na lege ti molongo ti dungo ti ala oko oko. Mbuki ni ayeke ngba kpu na kpu si na lege ni, mbi yeke duti Nzapa ti mo nga na Nzapa ti ahale ti mo so ayeke ga na peko ti mo.

Abia (Psaumes) 136:22

lo mu na azo ti Israel, azo ti kua ti lo titene aga ye ti ala. – Biani, nzoni be ti lo angba kpu na kpu!

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 41:8

“Ti mo Israel, zo ti kua ti mbi, mo Jacob so mbi soro mo, mo yeke *hale ti Abraham, kamarade ti mbi.

Ésaïe 41:9

Mo so mbi mu mo na nda ti sese kâ si mbi ga na mo, mo so mbi iri mo ngbene ye so mo ngba na nda ti sese yongoro; mbi tene na mo, mbi tene: ‘Mo yeke zo ti kua ti mbi, mbi soro mo, mbi ke mo pepe.’

Ésaïe 42:23

Na popo ti ala, zo wa laa ayeke dingi mê ti lo ti ma tënë so? Zo wa laa ayeke zia mê ti lo kpoo ti ma tënë gbanda?

Ésaïe 43:1

Me fadeso mo Jacob, lo so lo sara mo, mo Israel, lo so lo leke mo, tënë so KOTA GBIA atene ayeke so: “Mo sara mbeto pepe, mbi zi mo awe, mbi iri mo na iri ti mo, mo yeke ti mbi.

Ésaïe 44:21

“Jacob, dabe ti mo na tënë so: Israel, mo yeke zo ti kua ti mbi; mbi leke mo titene mo ga zo ti kua ti mbi. Fade be ti mbi ayeke girisa na mo pepe.

Ésaïe 45:4

Ndali ti Jacob, zo ti kua ti mbi, ndali ti Israel so mbi soro lo, mbi iri mo taa na iri ti mo. Ataa so mo hinga mbi pepe, mbi mu nengo na mo.

Ésaïe 48:12

*KOTA GBIA atene: “Jacob, ma mbi! Israel, mbi laa mbi iri mo. Mbi ngba lakue Nzapa: mbi yeke kozoni, mbi yeke ndangba ni.

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Jérémie 30:10

“Ti mo Israel, zo ti kua ti mbi, sara mbeto pepe! So tënë ti yanga ti KOTA GBIA laa. Mo hale ti Jacob, mo do na mbeto pepe! Biani, mbi yeke ga ti soo mo na ya ti akodro so ayeke na yongoro ndo; mbi yeke soo nga ahale ti mo na sese so a gbu ala si a gue na ala daa so. Israel, fade mo yeke kiri si mo yeke wara lege ti duti kpoo, mbeni sioni ye ti kiri ti sara mo ayeke daa pepe, mbeni zo ti kiri ti zia mbeto na be ti mo ayeke daa pepe.

Jérémie 4:7

Bamara alondo na ya ti gbako ti lo si ayeke sigigi. Zo ti bubango kodro ti amara nde alondo awe, lo yeke ga. Lo londo na ndo ti lo si lo yeke ga ti buba kodro ti mo; fade lo yeke sara si agbata ti mo aga ngonda si zo ayeke daa mbeni pepe.

Nzoni Tënë so Luc asu na mbeti 13:34

“Jérusalem! Jérusalem! Mo so mo yeke fâ awayanga-Nzapa si mo yeke bo na têne azo so Nzapa atokua ala na mo! Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!