Ésaïe 43:23 - Mbeti ti Nzapa - Tënë so amu fini

²³ Ataba ti mo so a yeke gbi ni kue na wâ na *sandaga so, mo ga na ni na mbi pepe, mo mu ni ti gonda na mbi pepe. Mbi gbu mo na ngangu pepe ti ga ngbaa na mungo na mbi asandaga, wala mbi so li ti mo pepe ti zö na mbi dukani.

Ésaïe 43:23 ပူးပေါင်းရင်းမြစ်များ

Néhémie 13:10

Mbi ma nga atene, azo ti mara ti Lévi na azo ti hengo bia so ayeke sara kua ti KOTA GBIA ade ti wara ti ala asandaga so azo alingbi fade ti mu na ala so pepe. Ndani laa, zo oko oko akiri ti fâ yaka ti lo.

Sigingo 30:34

KOTA GBIA akiri atene na Moïse: “Mo mu ayombo so fion ni ayeke fun nzoni: storaks, oniks na galbanum. Mo mu dukani ti nzoni ni so wungo ni alingbi tere, mo bongbi ni na ayombo ni so.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Amato 21:27

Sandaga ti azo ti sioni ayeke ye ti sioni mingi. Sandaga so ayeke sioni ahon ndoni ayeke ti so ala mu na sioni be.

Amato 3:9

Mo ne KOTA GBIA na mungo na lo aye ti mo; mo mu na lo akozo le ti kobe ti mo.

Ésaïe 66:3

Zo ayeke fâ bagara ti mu na *sandaga, me na mbage, lo yeke fâ zo; lo yeke fâ go ti taba, me na mbage, lo yeke mu mbo na sandaga; lo yeke mu sandaga ti farini, me na mbage, lo yeke mu mene ti nguru; lo yeke zö dukani na mbi, me na mbage, lo yeke voro ayanda. Azo so kue asoro lege ti ala wani, be ti ala anzere na afungo ye ti ala ni so.

Jérémie 7:21

Tënë so KOTA GBIA so ayeke na ndö ti dunia kue, Nzapa ti Israel atene ayeke so: “Ala mu anyama ti *sandaga ti ala so a yeke gbi ni kue na wâ so, ala bongbi ni na tanga ti asandaga so ala yeke mu ka na mbi so, ala wani ate ni ma!

Jérémie 7:22

Lani so mbi mu akotara ti ala na sese ti Ezipte mbi sigigi na ala so, mbi tene tënë na ala tongaso pepe. Mbi mu yanga na ala titene ala mu na mbi sandaga ti nyama so a yeke gbi ni kue na wâ, wala asandaga nde nde pepe.

Awayango-sandaga 2:1

“Tongana mbeni zo aye ti mu na *KOTA GBIA *sandaga ti ale ti kobe, alingbi lo mu farini, lo tuku mafuta daa si lo zia nga dukani daa.

Awayango-sandaga 24:7

Mo yeke zia dukani ti nzoni ni na ndö ti gba ti agatoo ni oko oko; fade a yeke zö ni kue na wâ ndali ti mbi titene aga ye ti dango be.

Amos 5:25

“Ala azo ti Israel, ngu baleosio so ala sara ando na benyama so, ala mu na mbi asandaga ti nyama na ti ale ti kobe?

Mishe 6:3

lo tene: “Ala azo ti mbi, nyen laa mbi sara na ala, nyen? Ye so mbi sara si awoko ngangu ti ala so ayeke nyen? Ala kiri tënë na mbi!

Malashii 3:8

Mbi kiri tënë na ala, mbi tene: Zo alingbi ti nzi Nzapa? Me ti ala, ala yeke nzi mbi! Ala hunda ndo, atene: ‘E nzi mo na nyen?’ Ala nzi mbi na ya ti *adime nga na ya ti aye nde nde so ala yeke mu na mbi.

Matthieu 11:30

Biani, zuge ti mbi ayapu ti yongo ni, kungba ti mbi ane pepe.”