Ésaïe 43:22 - Mbeti ti Nzapa - Tënë so amu fini

²² *KOTA GBIA atene: “Israel, mbi laa mo iri mbi pepe; me mo Jacob, be ti mo awoko na mbi awe.

Ésaïe 43:22 ပူးပေါင်းရင်းမြစ်များ

Abia (Psaumes) 14:4

KOTA GBIA atene: “Azo so kue ayeke sara sioni so, ala hinga ye oko pepe? Ala yeke te azo ti mbi na mbana tongana ti so ala yeke te kobe ti ala, ala ke ti hunda ye na mbi.”

Abia (Psaumes) 79:6

Amara nde so ahinga mo pepe so, tuku ngonzo ti mo na ndö ti ala; tuku ngonzo ni na ndö ti azo ti kodro-gbia so ayeke voro mo pepe so.

Ésaïe 64:6

Zo oko ti di iri ti mo ayeke daa pepe, zo oko ti zingo na lango si lo bongbi oko na mo ayeke daa pepe. Biani, mo honde le ti mo na e, mo zia e si e woko na gbe ti sioni ti e.

Ésaïe 64:7

Andaa mo KOTA GBIA laa, mo yeke babâ ti e. E yeke tongana sese ti sarango na ta si mo yeke tongana wasarango-ta; e kue, maboko ti mo laa asara e.

Jérémie 10:25

Mo tuku ngonzo ti mo ti wâ na ndö ti amara so ahinga mo pepe, na ndö ti azo so ayeke voro mo pepe. Biani, azo ni afâ azo ti mo, ahunzi ala, ala sara si kodro ti azo ti mo aga ngonda.

Jérémie 2:5

Tënë so *KOTA GBIA atene ayeke so: “Lawa laa akotara ti ala abaa mbeni ye ti kirikiri so mbi sara si ala hon yongoro na tere ti mbi so? Ala gue na peko ti asenge senge ye si ala nga, ala ga asenge senge ye.

Daniel 9:13

Asioni kpale so kue asi na e alingbi na tënë so a su na ya ti mbeti ti *Ndia ti Moïse. Me e de be ti mo, KOTA GBIA Nzapa ti e pepe; e zia lege ti siokpari ti e pepe si e baa taa-tënë ti mo tongana senge ye.

Mishe 6:3

lo tene: “Ala azo ti mbi, nyen laa mbi sara na ala, nyen? Ye so mbi sara si awoko ngangu ti ala so ayeke nyen? Ala kiri tënë na mbi!

Malashii 1:13

Ala yeke tene nga, atene: ‘Ae! So pasi ti nyen?’ Ala ne mbi pepe. Tënë so KOTA GBIA so ayeke na ndö ti dunia kue atene laa. Ala mu nyama so ala nzi nzingo, wala nyama so gere ti lo abuba, wala nyama so ayeke na kobela si ala mu na mbi na sandaga. Mara ti anyama tongaso laa alingbi ti nzere na be ti mbi? Tënë so KOTA GBIA atene laa.

Malashii 2:17

Ala woko KOTA GBIA na atënë ti ala. Ala hunda ndo, atene: “Atënë ti nyen laa e woko lo na ni?” Ala woko lo na lege ti tënë so ala yeke tene: “Zo so asara ye ti sioni, lo laa lo yeke nzoni zo na le ti KOTA GBIA. Mara ti azo tongaso laa be ti KOTA GBIA anzere na ala”; wala ala yeke tene: “Nzapa so ayeke fâ ngbanga mbirimbiri so ayeke na ndo wa?”

Malashii 3:14

Ala tene: ‘E yeke sara kua ti Nzapa gi senge senge. E sara ye alingbi na tënë ti yanga ti lo, e sara mua na dawa ti KOTA GBIA so ayeke na ndö ti dunia kue; nyen laa e wara na peko ni, nyen?