Ésaïe 43:19 - Mbeti ti Nzapa - Tënë so amu fini

¹⁹ Baa, mbi yeke sara mbeni fini ye, fini ye ni aga nduru ti si awe; ade ala baa ni pepe? Biani, mbi yeke suru lege na ya ti benyama, mbi yeke sara titene *abale asua na ndo so ahole holengo.

Ésaïe 43:19 ပူးပေါင်းရင်းမြစ်များ

Abia (Psaumes) 105:41

Lo suru ya ti kota têne, ngu asigigi daa; ngu ni asua tongana *bale na ya ti benyama.

Abia (Psaumes) 126:4

KOTA GBIA, azo so a gbu ala na popo ti e a gue na ala na kodro wande so, mo kiri na ala; sara si ala ga tongana angu ti mbage ti Mbongo so akiri ayeke sua.

Sigingo 17:6

Ti mbi, fade mbi yeke luti na dawa ti mo, na ndö ti mbeni kota têne so ayeke na Horeb. Fade mo yeke pika têne ni, ngu ayeke sigigi daa si azo ni ayeke nyon.” Moïse asara tongaso na dawa ti akangba ti Israel.

Ésaïe 30:25

Na lango so a yeke fâ azo kue, na ndembe so ada so ayo na nduzu mingi ayeke tuku na sese, gba ti ngu ayeke sua na ndö ti akota hoto nga na ndö ti akete hoto kue.

Ésaïe 32:2

Ala oko oko ayeke duti tongana mbeni gbefa so zo ayeke bata tere ti lo daa ndali ti pupu, tongana ndo so zo ayeke kpe ti honde tere ti lo daa ndali ti ngu-Nzapa, tongana ngu so ayeke sua na ndö ti holengo sese, tongana gbe ti de ti kota têne na kodro so ngu ayeke daa pepe.

Ésaïe 33:21

Kâ laa KOTA GBIA ayeke fa na e gonda ti lo. Ndo ni kâ ayeke duti ndo ti akota *bale na ti akota ngu. Amangboko ti bira ayeke hon na le ti ngu ni pepe, apendere kota mangboko ayeke fâ ngu ni pepe.

Ésaïe 35:1

Ayeke nzoni benyama na kuru sese aduti na ngia! Ayeke nzoni lando so ngu ayeke daa pepe adodo na ngia, lo du apendere kongo!

Ésaïe 41:18

Ndö ti ahoto so keke ayeke daa pepe, mbi yeke sara titene *bale asigigi daa; ndo so ayeke na popo-hoto, mbi yeke sara titene ngu asigigi daa. Mbi yeke sara titene holengo sese aga ndo so kota ngu ayeke daa si kuru sese aga li ti ngu.

Ésaïe 41:19

Na benyama, fade mbi yeke lu mara ti akeke nde nde, akota ni na akete ni. Ando so ngu ayeke daa pepe, mbi yeke lu na ndo oko mara ti akeke nde nde.

Ésaïe 42:9

Akozo ye so asi ahon awe. Fadeso, mbi yeke kiri ti fa na ala afini ni. Kozo si ye ni asi, mbi yeke tene tënë ni na ala.

Ésaïe 48:5

Ndani laa mbi fa na ala tënë ti aye so ngbene ye giriri. Mbi tene tënë ni na ala kozo si aye ni asi, tongaso si ala tene pepe: ‘Yanda ti mbi laa asara ye ni, nzapa ti mbi so a leke lo na keke, wala na bengba wen laa amu yanga si ye ni abaa gigi.’

Ésaïe 48:6

Ye so mbi fa tënë ni lani na ala, ala ma ni awe, ala baa so ye ni asi awe. Ti ala, fade ala yeke fa tënë ni pepe? Fadeso, mbi yeke fa tënë ti afini ye na ala, afini ye so angba na hondengo ni si ala hinga ni pepe so.

Ésaïe 49:10

Nzara ti kobe na nzara ti ngu ayeke kiri ti sara ala pepe; pupu ti wâ ti benyama na sungo ti lâ ayeke zö ala pepe. Biani, mbi yeke baa mawa ti ala si mbi yeke fa lege na ala, mbi yeke gue na ala na ndo so li ti ngu ayeke daa.

Ésaïe 51:3

KOTA GBIA abaa mawa ti *Sion, lo baa mawa ti aye ti lo so kue abuba. Ndo ti lo so ayeke tongana benyama, lo yeke sara si aga tongana yaka ti Eden; ndo ti lo so ngu ayeke daa pepe, lo yeke sara si aga yaka ti KOTA GBIA. Na ya ti gbata ni, fade azo ayeke duti na ngia si ala yeke sara ngia, ala yeke he bia ti gondango Nzapa si ala yeke pika mozoko.

Jérémie 23:7

“So tënë ti yanga ti KOTA GBIA laa: Biani, mbeni lango ayeke ga so azo ayeke kiri ti tene pepe: ‘Na iri ti KOTA GBIA so ayeke na fini, lo so lo sara si azo ti Israel asigigi na sese ti Ezipte…’

Jérémie 31:22

Molenge-wali ti ngangu li, mo yeke ngba ti duti yamba tongaso ngbii asi lawa? Biani, KOTA GBIA asara mbeni fini ye na ndö ti sese awe: fadeso wali laa ayeke gi lege ti mu koli.

Jérémie 31:9

Azo ni ayeke kiri na toto na yanga ti ala. So mbi yeke ga na ala, ala yeke dema tere ti ala; mbi yeke gue na ala na ndo so gba ti ngu ayeke sua daa, mbi yeke sara titene ala hon na lege so ayeke mbirimbiri, ndo so ala lingbi pepe ti pika gere ti ala ti ti. Biani, mbi yeke tongana babâ ti Israel, Efraim ayeke kozo molenge ti mbi.”

Wungo ti azo 20:11

Moïse ayo maboko ti lo na nduzu, lo pika têne ni na nduru keke ti lo fani use. Mo ye ti baa, ngu asigigi gbani gbani na ya ti têne ni, bongbi ti azo ni anyon, ala na anyama ti ala.

2 Korente 5:17

Tongaso, tongana mbeni zo aga oko na Christ, lo ga fini zo awe; ngbene ye ahon awe, fini ye asi.

Ndia ti fani use ni 8:15

Lo laa lo sara si ala tambula na ya ti kota benyama so ayeke mu mbeto na zo, so asioni ngbo na akparakongo asi singo na ya ni. Na benyama so ahole kasakasa, so ngu ti nyongo ni ayeke daa pepe, KOTA GBIA asara si ngu asigigi ndali ti ala na ya ti kota têne so akpengba ahon ndoni.

Aye so Nzapa afa 21:5

Na pekoni, lo so ayeke duti na ndö ti mbata ti gbia atene: “Fadeso, mbi mu aye kue, mbi sara na fini ni.” Tongaso, lo tene na mbi: “Su tënë so na mbeti, ngbanga ti so atënë ni ayeke taa-tënë, zo alingbi ti zia be ti lo na ndö ni.”