Ésaïe 43:18 - Mbeti ti Nzapa - Tënë so amu fini

¹⁸ Tënë so KOTA GBIA atene ayeke so: “Ye so asi kozoni awe so, ala kiri adabe ti ala na ni pepe, ye so ayeke ti ngoi ti giriri, ala girisa ni.

Ésaïe 43:18 ပူးပေါင်းရင်းမြစ်များ

1 Mbai 16:12

Ala, *ahale ti Israel, zo ti kua ti KOTA GBIA, ala, ahale ti Jacob, ala so KOTA GBIA asoro ala, ala dabe ti ala na aye ti kpene so lo sara; ala dabe ti ala na aye ti dongo be so lo sara, na atënë ti fango ngbanga so asigigi na yanga ti lo.

Ésaïe 46:9

Ala dabe ti ala na ye so ahon awe so, aye so asi ando giriri so: Biani, mbi laa mbi yeke Nzapa, mbeni nde ayeke daa pepe. Mbeni Nzapa tongana mbi ayeke daa pepe.

Ésaïe 65:17

Biani, mbi yeke sara fini yayu na fini sese. Aye so ahon awe so, zo ayeke kiri ti dabe ti lo na ni pepe, be ti zo ayeke kiri ti ti na ndö ni pepe.

2 Korente 3:10

Gonda so aza ando so, tongana a haka ni na gonda ti fadeso, ayeke mbeni ye oko pepe, so ti tene, gonda ti fadeso ahon ti kozoni.

2 Korente 5:17

Tongaso, tongana mbeni zo aga oko na Christ, lo ga fini zo awe; ngbene ye ahon awe, fini ye asi.

Ndia ti fani use ni 7:18

Ala sara mbeto ti amara ni so pepe! Ala dabe ti ala na ye so *KOTA GBIA Nzapa ti ala asara na gbia Faraon nga na kodro ti lo kue:

Ndia ti fani use ni 8:2

Ayeke nzoni ala dabe ti ala na yongoro lege so KOTA GBIA Nzapa ti ala asara si ala tambula daa na ya ti ngu baleosio na ya ti benyama so. Lo sara tongaso titene aye ti ngangu asi na ala, tongaso si lo lingbi ti tara be ti ala ti hinga ye so ayeke na ya ti be ti ala; lo lingbi ti baa, wala ala ye ti sara ye alingbi na atënë ti ndia ti lo, wala ala ye pepe.