Ésaïe 43:17 - Mbeti ti Nzapa - Tënë so amu fini

¹⁷ Lo sara si apusu ti mbarata na ambarata, aturugu nga na angangu zo ti bira amu lege ti gue na bira. Ala ti, ala kiri alondo pepe, ala mingo si ala ga tongana meshe ti lamba so agbi kue.

Ésaïe 43:17 ပူးပေါင်းရင်းမြစ်များ

Abia (Psaumes) 118:12

Ala yeke tongana awotoro so angoro mbi, me ala mingo tongana wâ ti pere, ngbanga ti so mbi hunzi ala kue na iri ti KOTA GBIA.

Sigingo 15:19

So ambarata ti Faraon, apusu ti mbarata ti lo nga na azo ti kpengo na ambarata ti lo ali na ya ti kota ngu-ingo, KOTA GBIA asara si ngu ni amene ala. Me azo ti Israel ahon na popo ti kota ngu-ingo ni, na ndö ti kuru sese.

Sigingo 15:4

Lo bi apusu ti mbarata ti Faraon na aturugu ti lo na ya ti kota ngu-ingo. Kota ngu-ingo ti Asosongo amene akpengba turugu ti lo.

Ésaïe 1:31

Zo ti ngangu ayeke ga tongana holengo pere, kua ti lo ayeke ga tongana akete kete le ti wâ; zo ni na kua ti lo kue, wâ ayeke gbi ala kue legeoko, zo oko ti mingo ni ayeke daa pepe.

Jérémie 51:21

Mbi mu mo ti nika ambarata na azo ti kpengo na ambarata ni, apusu ti mbarata na azo ti kpengo na apusu ni.

Ezekiel 38:4

Mbi yeke yoro *kongi na ngbangba ti mo si mbi yeke gboto mo na ngangu ti hon na mo, mbi yeke sigigi na mo na ya ti kodro ni, mo na aturugu ti mo, ambarata ti mo, azo ti kpengo na mbarata ti mo; ala so kue ayu apendere bongo, gba ti aturugu so ala kue agbu *avala na ayongoro zeme na maboko ti ala.

Matthieu 12:20

Sosongo so a do ni na sese awe, lo yeke fâ ni pepe; lamba so wâ ni aye ti mingo, lo yeke mingo ni pepe, ngbii lo sara si ye ti mbirimbiri aso benda.

Awafango-ngbanga 4:16

Barak atumba peko ti apusu ti bira ni nga na aturugu ni ngbii lo si na Harosheth-Goim. Lo fâ aturugu ti Sisra kue, mbeni oko angba pepe.