Ésaïe 43:16 - Mbeti ti Nzapa - Tënë so amu fini

¹⁶ Ando, *KOTA GBIA asuru lege na ya ti kota ngu-ingo, lo suru lege na popo ti ngu so ayeke sua ngangu ngangu.

Ésaïe 43:16 ပူးပေါင်းရင်းမြစ်များ

Néhémie 9:11

Mo kangbi ya ti kota ngu-ingo na dawa ti azo ti Israel si ala hon na popo ti ngu ni na ndö ti kuru sese. Azo so ayeke tumba lani peko ti azo ti Israel, mo bi azo ni na gbe ti kota ngu so ali, ala li na gbe ti ngu tongana têne.

Abia (Psaumes) 106:9

Lo suku na kota ngu-ingo ti Asosongo ni si ngu ni ahole; lo sara si akotara ti e ahon na ya ti ngu so ali mingi tongana ti so zo ayeke tambula na benyama.

Abia (Psaumes) 77:19

So bekpa ti mo asungba ngangu, awâ ti bekpa aza na ndö ti dunia kue, sese ado si ayingi.

Abia (Psaumes) 77:20

Mo suru lege ti mo na ya ti kota ngu-ingo, mo hon na ya ti ngu so alinda, zo oko abaa peko ti gere ti mo pepe.

Abia (Psaumes) 78:13

lo kangbi ya ti kota ngu-ingo, lo sara si ala hon na ya ni; lo sara si ngu ni aluti tongana mbeni kota gbagba.

Sigingo 14:16

Ti mo, mu keke ti mo, mo yoro ni na nduzu na ndö ti kota ngu-ingo; mo kangbi ya ti ngu ni mbage na mbage titene azo ti Israel ahon na popo ni na ndö ti kuru sese.

Sigingo 14:29

Me azo ti Israel ahon na ya ti kota ngu-ingo ni na ndö ti kuru sese. Na mbage ti maboko ti ala ti koli nga na mbage ti maboko ti ala ti wali, ngu ni aluti tongana mbeni gbagba.

Ésaïe 43:2

Tongana mo hon na ya ti kota ngu, fade mbi yeke na mo; tongana mo fâ *abale, abale ni ayeke mene mo pepe. Tongana mo hon na ya ti wâ, wâ ni ayeke gbi mo pepe, menga ti wâ ni ayeke ndu mo pepe.

Ésaïe 44:27

Mbi mu yanga na ngu so alinda mingi, mbi tene: ‘Hole! Mbi yeke sara si *abale ti mo ahole nga.’

Ésaïe 50:2

Mbi ga, mbi wara zo oko pepe, ngbanga ti nyen? Mbi iri ndo, zo oko ayeda pepe, ngbanga ti nyen? Maboko ti mbi ayeke nduru mingi titene mbi zi ala? Ngangu laa atia mbi titene mbi soo ala? Gi so mbi suku, kota ngu-ingo ahole; mbi sara si *abale aga kuru sese. Ndali ti so ngu ayeke daa pepe, asusu ayeke kui nzara ti ngu si ala yeke fun.

Ésaïe 51:10

Kota ngu-ingo na kota ngu so alinda mingi so, mo ando laa mo sara si ahole pepe? Mo ando laa mo suru lege na ya ti kota ngu-ingo si azo so mo zi ala awe so ahon daa pepe?

Ésaïe 51:15

Mbi laa mbi yeke KOTA GBIA, Nzapa ti ala. Mbi yeke yingi le ti kota ngu-ingo; mbi yeke sara si *amapo ni atoto. Iri ti mbi ayeke KOTA GBIA so ayeke na ndö ti dunia kue.

Jérémie 31:35

Tënë so KOTA GBIA atene ayeke so: Zo wa laa azia lâ titene lo su na kota lâ? Zo wa laa amu yanga na nze na atongoro ti su na bi na lege ti ndia ti ala? Zo wa laa ayingi kota ngu-ingo titene *amapo atoto? Ayeke KOTA GBIA so ayeke na ndö ti dunia kue; so iri ti lo laa.

Aye so Nzapa afa 16:12

Omene ange ni atuku ye ti ya ti kopo ti lo na ya ti bale ti Efrate. Ngu ni ahole ti leke lege na agbia so alondo na To si ayeke ga.