Ésaïe 43:13 - Mbeti ti Nzapa - Tënë so amu fini

¹³ Ngbene ye na lango ni so, mbi yeke Nzapa, zo oko alingbi ti gboto ye na maboko ti mbi pepe. Ye so mbi yeke sara, zo wa laa alingbi ti buba ni?

Ésaïe 43:13 ပူးပေါင်းရင်းမြစ်များ

Mbeti ti Job 10:7

Mo hinga kue, mo tene, mbi sara sioni pepe, zo oko ti zi mbi na maboko ti mo ayeke daa pepe!

Mbeti ti Job 34:29

Me tongana Nzapa akanga maboko aduti, zo wa laa ayeke fâ ngbanga na li ti lo? Tongana lo honde le ti lo, zo wa laa alingbi ti baa lo, zo wa? Andaa lo yeke bata kodro nga na azo.

Mbeti ti Job 9:12

Tongana lo gbu ye na ngangu, zo wa laa alingbi ti tene na lo: “Kiri na ni”, zo wa? Zo wa laa alingbi ti tene na lo: “Nyen laa mo sara so”?

Abia (Psaumes) 102:28

Me ti mo, mo yeke lakue tongana ti so mo yeke, alango ti mo ayeke hunzi pepe.

Abia (Psaumes) 50:22

Ala so agirisa mbi Nzapa so, ala ma mbi nzoni! Tongaso pepe, mbi yeke suru ya ti ala si mbeni zo ti soo ala ayeke daa pepe.

Abia (Psaumes) 90:2

Kozoni si ahoto abaa gigi, kozoni si mo sara sese na dunia, mo yeke Nzapa ngbene ye kpu na kpu, lakue lakue!

Abia (Psaumes) 93:2

KOTA GBIA, ngbene ye giriri, a zia mbata ti mo ti gbia aluti ngangu, mo yeke daa ngu na ngu.

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Amato 8:23

Lo sara mbi ngbene ye kâ na tongo nda ti aye, kozoni si dunia abaa gigi.

Ésaïe 14:27

Tongana KOTA GBIA so ayeke na ndö ti dunia kue amu yanga, zo wa laa alingbi ti buba ya ni, zo wa? Tongana lo yoro maboko ti lo ti pika zo, zo wa laa alingbi ti gbanzi lo, zo wa?

Ésaïe 41:4

Zo wa laa asara aye so kue, zo wa? Lo laa lo sara si aye abaa gigi, ngbene ye na tongo nda ni. Mbi laa mbi yeke *KOTA GBIA. Mbi yeke lo so ayeke kozoni, mbi yeke ngba tongaso na tere ti aye ti ndangba ni.

Ésaïe 46:10

Aye so ayeke si ande, mbi fa tënë ni gi na tongo nda ni. Ye so ade ti si pepe, mbi tene tënë ni ngbene ye aninga awe. Mbi tene: “Pialo ti mbi ayeke si alingbi na ni. Ye so kue mbi ye ti sara, mbi yeke sara ni.”

Ésaïe 46:4

Mbi yeke ngba gi tongaso ngbii asi na mbakoro ti ala; mbi yeke yo ala ngbii kua ti li ti ala avuru. Mbi laa mbi sara ala, mbi laa mbi yeke yo ala. Biani, mbi yeke ngba ti yo ala si mbi yeke soo ala.

Ésaïe 47:15

Baa ye so ayeke si ande na azo so mo baa pasi senge senge ti bango ala ngbene ye so mo de maseka. Fade ala yeke hon kirikiri, zo oko oko na lege ti lo; zo oko ti soo mo ayeke daa pepe.

Ésaïe 48:16

Ala ga nduru na mbi, ala ma tënë so: Ngbene ye na tongo nda ni, mbi tene tënë na hondengo ni pepe. Na ngoi so aye ni so asi, mbi yeke daa. Fadeso, Kota Gbia NZAPA atokua mbi, lo mu na mbi yingo ti lo.

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Osée 2:10

“Me wali ni ahinga ti lo pepe, atene, mbi laa mbi yeke mu na lo lani ale ti *ble, fini vin na nzoni mafuta; mbi yeke mu na lo gba ti nginza na lôro, me lo mu ni na *sandaga na Baal.

Osée 5:14

Biani, fade mbi Kota Gbia, mbi yeke duti tongana bamara ndali ti Efraim, tongana kete bamara ndali ti Juda. Mbi laa, mbi yeke suru ya ti ala, na pekoni, mbi yeke mu ala ti gue na ala tongana taba so a fâ lo, zo oko ti gboto ala na maboko ti mbi ayeke daa pepe.”

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Habakuk 1:12

*KOTA GBIA, ngbene ye giriri, mo yeke Nzapa ti mbi pepe? Nzapa ti mbi, mo so mo yeke nde si mo yeke nzoni kue, zia e kui pepe! KOTA GBIA, mo soro azo so titene ala fâ ngbanga na li ti e. Mo so mo yeke Kota Têne so mbi luti na ndö ni ti bata tere ti mbi, mo mu lege na ala titene ala pika e.

Wungo ti azo 23:20

KOTA GBIA atene na mbi ti sara tufa na ndö ti azo so, lo wani, lo sara tufa na ndö ti ala awe; awe! Tënë so mbi tene, mbi lingbi ti kiri na ndö ni pepe.

Jean 8:58

Jésus akiri tënë na ala, atene: “Biani, mbi tene na ala taa-tënë: kozo si a du Abraham, ‘Mbi Yeke.’ ”

Efeze 1:11

Na lege ti gango so e ga oko na Christ, Nzapa asoro e kozoni titene e ga azo ti lo alingbi na ye so lo leke na be ti lo, lo sara ye so kue tongana ti so be ti lo aye.

Ndia ti fani use ni 28:31

A yeke fâ bagara ti ala taa na le ti ala, me ala yeke te nyama ni pepe. A yeke nzi lele ti ala taa na le ti ala, me ala yeke kiri ti wara lele ni pepe. A yeke mu ataba na angasa ti ala na awato ti ala, azo ti Israel; me zo oko ti soo ala ayeke daa pepe.

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?

1 Timothée 1:17

Ayeke nzoni azo ane Kota Gbia, ala gonda lo lakue lakue, lo yeke oko Nzapa, zo abaa lo pepe, lo yeke na fini lakue lakue, lo yeke Kota Gbia kpu na kpu! Amen.

Ahebro 13:8

Jésus Christ angba tongana ti biri, ti laso na kpu na kpu.

Josué 2:2

Mbeni zo atene na gbia ti Jéricho, atene: “Baa, ambeni zo ti Israel ali na ya ti gbata ge na bi so; ala ga ti bembe ndo na ya ti kodro ni.”

Aye so Nzapa afa 1:8

*Kota Gbia Nzapa, lo so ngangu ti lo ahon angangu kue, lo so lo yeke laso, lo so lo yeke ando si lo yeke ga, atene: “Mbi yeke *Alfa na *Omega.”