Ésaïe 43:10 - Mbeti ti Nzapa - Tënë so amu fini

¹⁰ Ala laa ayeke azo ti tenengo tënë ti ye so ala hinga na ndö ti mbi, so tënë ti yanga ti *KOTA GBIA laa; ala laa ayeke azo ti kua ti mbi so mbi soro ala. Mbi ye titene ala hinga mbi, ala zia be ti ala na ndö ti mbi si ala hinga biani so mbi yeke Nzapa. Kozo ti mbi, mbeni nzapa oko ayeke daa pepe, na peko ti mbi, mbeni nzapa oko ayeke duti daa pepe.

Ésaïe 43:10 ပူးပေါင်းရင်းမြစ်များ

Abia (Psaumes) 102:27

Fade aye so kue ayeke buba, me ti mo, mo yeke ngba. Ala kue ayeke woko tongana gbagba bongo. Tongana ti so zo ayeke zi gbagba bongo ti yu mbeni nde, fade mo yeke sara si ala ga nde.

Sigingo 8:6

Faraon atene: “Kekereke.” Moïse atene: “Nzoni! Mbi yeke sara tongana ti so mo hunda. Tongaso, fade mo yeke hinga, mo tene, mbeni nzapa ti lingbi na KOTA GBIA, Nzapa ti e ayeke daa pepe.

Ésaïe 41:20

Tongaso, fade azo kue ayeke baa, azo kue ayeke hinga, ala kue ayeke ma ya ni atene, aye so kue, maboko ti KOTA GBIA laa asara ni, Nzapa ti Israel so ayeke nde si ayeke nzoni kue.

Ésaïe 41:4

Zo wa laa asara aye so kue, zo wa? Lo laa lo sara si aye abaa gigi, ngbene ye na tongo nda ni. Mbi laa mbi yeke *KOTA GBIA. Mbi yeke lo so ayeke kozoni, mbi yeke ngba tongaso na tere ti aye ti ndangba ni.

Ésaïe 41:8

“Ti mo Israel, zo ti kua ti mbi, mo Jacob so mbi soro mo, mo yeke *hale ti Abraham, kamarade ti mbi.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Ésaïe 43:12

Mbi laa mbi soo azo na kuâ, mbi laa mbi fa tënë ni, mbi sara si ala hinga tënë ni. Na ndo ti ala, a yeke wara mbeni nzapa nde pepe, gi mbi oko. Ala laa ayeke azo ti tenengo tënë ti ye so ala hinga na ndö ti mbi atene, mbi yeke Nzapa, so tënë ti yanga ti KOTA GBIA laa.

Ésaïe 45:5

Mbi laa mbi yeke KOTA GBIA, mbeni nde ayeke daa pepe. Mbeni Nzapa nde ayeke pepe, gi mbi oko. Ataa so mo hinga mbi pepe, mbi leke mo ndali ti bira.

Ésaïe 45:6

Tongaso, ti londo na To asi na Do, azo ayeke hinga atene, mbeni nzapa nde ayeke daa pepe, gi mbi oko. Mbi laa mbi yeke KOTA GBIA, mbeni nde ayeke daa pepe.

Ésaïe 48:12

*KOTA GBIA atene: “Jacob, ma mbi! Israel, mbi laa mbi iri mo. Mbi ngba lakue Nzapa: mbi yeke kozoni, mbi yeke ndangba ni.

Ésaïe 49:23

Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Ésaïe 55:4

Mbi zia lo na tere ti amara tongana zo so ahinga ngangu ti mbi; mbi zia lo makonzi nga na zo so ayeke na komandema na ndö ti amara.

Aggée 2:23

So tënë ti yanga ti KOTA GBIA so ayeke na ndö ti dunia kue laa: Na lango ni so, fade mbi yeke mu mo, Zorobabel, molenge ti Shealtiel, mo so mo yeke zo ti kua ti mbi, so tënë ti yanga ti KOTA GBIA laa, mbi yeke zia mo tongana *ye ti kpongo na nzoroko ti mbi, ngbanga ti so, mo laa mbi soro mo; so tënë ti yanga ti KOTA GBIA so ayeke na ndö ti dunia kue laa.’ ”

Jean 15:27

Ala nga, fade ala yeke tene tënë so ala hinga na ndö ti mbi, ngbanga ti so ala yeke na mbi ngbene ye na tongo nda ni.”

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

1 Korente 15:15

Tongana akuâ ayeke zingo biani pepe, so afa atene, Nzapa azingo Christ na kuâ pepe. Tongana ye ni ayeke tongaso, andaa e yeke azo ti tenengo mvene na li ti Nzapa, ngbanga ti so e tene, lo zingo Christ na kuâ.

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?

Ndia ti fani use ni 4:35

Ala wara lege ti baa aye so kue titene ala hinga atene, KOTA GBIA laa ayeke Nzapa; mbeni nzapa nde ayeke daa pepe, gi lo oko.

Ndia ti fani use ni 4:39

Alingbi ala hinga tënë so laso, ala gbu li ti ala na ndö ni nzoni: KOTA GBIA laa ayeke Nzapa na yayu, yongoro na nduzu kâ; lo yeke nga Nzapa na ndö ti sese; mbeni Nzapa nde ayeke daa pepe.

Filipe 2:7

Me lo zia aye so kue lo yeke na ni, lo sara tere ti lo tongana zo ti kua, lo ga legeoko na azo kue; na bango lo, dutingo ti lo alingbi na ti zo.

Kolose 1:7

Epafras, mba ti e zo ti kua so e ye lo mingi afa tënë so na ala; lo yeke nga taa zo ti kua ti Christ ndali ti ala.

Aye so Nzapa afa 1:2

Nilaa Jean afa peko ti ye so kue lo baa ni, lo tene: ye so ni baa ayeke biani tënë ti yanga ti Nzapa si ayeke nga taa-tënë so Jésus Christ afa.

Aye so Nzapa afa 1:5

Ayeke nzoni Jésus Christ amu aye ni na ala, lo so lo yeke fa peko ti tënë mbirimbiri! Lo yeke kozo zo so lo zingo na kuâ, lo yeke nga Makonzi ti agbia ti sese. Jésus aye e si lo zi e na gbe ti ngbaa ti asiokpari ti e na lege ti mene ti lo.

Aye so Nzapa afa 3:14

“Su mbeti so, mo tokua na *ange so ayeke na li ti *Eglize ti gbata ti Laodise: “Lo so iri ti lo ayeke Amen, lo so lo yeke taa zo ti fango peko ti tënë na legeni mbirimbiri si lo yeke na tongo nda ti ye so kue Nzapa asara, lo tene: