Ésaïe 42:22 - Mbeti ti Nzapa - Tënë so amu fini

²² Me fadeso ala yeke azo so a nzi aye ti ala kue, a mu aye na tere ti ala kue. A kanga ala kue na ya ti kota du, a honde ala na da ti kanga. A nzi aye ti ala kue, zo oko ti zi ala ayeke daa pepe. A mu aye na tere ti ala kue, zo oko ayeke daa pepe ti tene: “Ala kiri na aye ni!”

Ésaïe 42:22 ပူးပေါင်းရင်းမြစ်များ

Abia (Psaumes) 102:20

Na nduzu kâ, na ndo ti lo so ayeke nde si ayeke nzoni kue, KOTA GBIA aba tere ti lo ti baa ndo na ndö ti sese. Na yayu kâ, lo baa ndo na sese

Abia (Psaumes) 50:22

Ala so agirisa mbi Nzapa so, ala ma mbi nzoni! Tongaso pepe, mbi yeke suru ya ti ala si mbeni zo ti soo ala ayeke daa pepe.

Ésaïe 1:7

Sese ti ala aga gi ngonda, wâ agbi agbata ti ala kue. Awande ate akobe ti yaka ti ala kue gi na le ti ala; awande abuba kodro ni, ala kinda ni, ye oko angba pepe.

Ésaïe 14:17

Lo so ando lo yeke sara si dunia aga benyama so, lo so ando lo yeke buba agbata si lo yeke ke ti zi azo ti kanga ti lo so, lo laa biani?”

Ésaïe 18:2

Mo so mo yeke tokua alembe ti tambula na le ti kota ngu ti Nil si ala yeke tambula na ya ti ango so a sara na sosongo! Ala alembe so ayeke gue tokua hio hio so, ala kiri na mbage ti azo ti mara so ayo mingi si poro ti tere ti ala ayeke za zango so, azo so ayeke zia mbeto na be ti azo na ndo so ngbii asi na ndo kue, mara so ayeke na ngangu si ayeke nika awato ti ala so. Ala kiri na kodro ti ala so abale ahon na ya ni so.

Ésaïe 24:18

Zo so ayeke kpe dekongo so ayeke zia kota mbeto na be ti zo, lo yeke ti na ya ti kota du; zo so ayeke londo ya ti du ni ti sigigi, lo yeke ti na ya ti gbanda. Fenetere ti yayu azi kota, gere ti sese ayingi.

Ésaïe 24:22

Fade a yeke bongbi ala tongana azo ti kanga ti zia ala na ya ti kota du. A yeke zia ala na da ti kanga. Lango mingi na pekoni, ala yeke fa peko ti ye so ala sara na le ti ngbanga.

Ésaïe 24:3

Sese abuba biani biani awe; azo anzi aye ti sese ni kue ahon na ni. Biani, ye ni asi alingbi na peko ti tënë ti yanga ti KOTA GBIA.

Ésaïe 36:1

Na ngu baleoko na osio ni so Ezekias ayeke le-gbia na Juda, Senakerib, gbia ti Asirii aga ti tiri bira na agbata kue ti Juda so a sara ngangu gbagba na tere ni si lo mu agbata ni.

Ésaïe 42:23

Na popo ti ala, zo wa laa ayeke dingi mê ti lo ti ma tënë so? Zo wa laa ayeke zia mê ti lo kpoo ti ma tënë gbanda?

Ésaïe 42:7

Mo yeke zi le ti awaziba, mo yeke zi azo ti kanga na da ti kanga, mo yeke sigigi na azo so ayeke na ya ti sururu, ala so ayeke ku na ya ti vukongo ndo.”

Ésaïe 45:13

Mbi laa mbi soro koli so na lege ti mbirimbiri. Alege so kue lo yeke hon daa, mbi yeke sara si aga kpangbara. Lo laa lo yeke kiri ti leke Jérusalem, gbata ti mbi. Azo ti mbi so a gbu ala, a gue na ala na kodro wande, lo laa lo yeke zia lege na ala ti kiri. Ala yeke mu na lo mbeni ye oko pepe, wala ala yeke futa nga lo pepe. Tënë so KOTA GBIA so ayeke na ndö ti dunia kue atene laa.”

Ésaïe 5:29

Toto ti aturugu ti ala ayeke tongana ti mama ti bamara, toto ti ala ayeke tongana ti akete bamara, ala gbu nyama si ala yeke dekongo; ala yeke gue na nyama ni si mbeni zo alingbi ti gboto ni na maboko ti ala pepe.

Ésaïe 51:23

Mbi yeke mu kopo ni na azo so lani ayeke sara pasi na mo. Ala yeke tene lani na mo, atene: ‘Lango na sese, e tambula na ndö ti mo!’ Mo yeke zia lani peko ti mo si aga tongana sese, wala tongana lege so azo ayeke hon daa.”

Ésaïe 56:9

Ala anyama kue ti ngonda, ala anyama kue ti gbako, ala ga ate ye!

Jérémie 50:17

Israel ayeke lani tongana taba so agirisa si abamara ayeke tumba peko ti lo. Kozo bamara so ate Israel ayeke gbia ti Asirii. Na pekoni Nabukodonosor, gbia ti Babilone aga, lo kungbi abio ti lo.

Jérémie 52:31

Ngu baleota na mbarambara na peko ti so a gbu Yoakin, gbia ti Juda a gue na lo na kodro wande, Evil-Merodak aga gbia ti Babilone. Na lango baleuse na oku ti nze baleoko na use ni, na kozo ngu so lo to nda ti le-gbia, lo sara nzoni be na Yoakin, gbia ti Juda si lo zi lo na da ti kanga.