Ésaïe 42:21 - Mbeti ti Nzapa - Tënë so amu fini

²¹ Ndali ti mbirimbiri ti lo wani, KOTA GBIA aye ti fa so *Ndia ti lo ayeke kota si ayeke pendere mingi.

Ésaïe 42:21 ပူးပေါင်းရင်းမြစ်များ

Abia (Psaumes) 138:2

Mbi kuku, mbi kpo li ti mbi na sese na mbage ti kota da ti mo so ayeke nde si ayeke nzoni kue, mbi yeke mu singila na mo ndali ti nzoni be ti mo nga ndali ti tënë ti yanga ti mo so mo yeke bata. Biani, aye so mo mu yanga ti sarango ni, mo yeke sara ni ahon ye so e yeke ku na mbage ti mo.

Abia (Psaumes) 40:8

Nilaa mbi tene: “Baa, mbi yeke ga; na ya ti mbeti ti *Ndia, a su tënë ti ye so mbi lingbi ti sara.”

Abia (Psaumes) 71:16

Kota Gbia NZAPA, fade mbi yeke ga ti tene tënë ti akota ye so mo sara; mbi yeke kiri ti tene na azo gi tënë ti mo oko, mo so mo yeke bata tënë ti yanga ti mo.

Abia (Psaumes) 71:19

Nzapa, batango tënë ti yanga ti mo so mo yeke bata ague ngbii asi na le ti nduzu! Mo sara akota ye mingi! Nzapa, zo wa laa alingbi na mo, zo wa?

Ésaïe 42:4

Ngangu ti lo ayeke hunzi pepe, be ti lo ayeke woko pepe ngbii lo fa lege ti sarango ye ti mbirimbiri na ndö ti sese. Azo ti azoa ayeke zia be ti ala ti ku fango ye ti lo.”

Ésaïe 51:4

KOTA GBIA atene: “Ala azo ti mbi, ala ma mbi nzoni! Ala azo ti mara ti mbi, ala zi mê ti ala, ala ma mbi! Mbi laa mbi yeke mu ndia na azo, fango ngbanga so mbi yeke sigigi na ni ayeke ga lumiere ndali ti azo.

Matthieu 17:5

So lo ngba ti tene tënë ni, mbeni mbinda so aza zango aga amu ndö ti ala kue. Mbeni go alondo na ya ti mbinda ni, atene: “So ayeke Molenge ti mbi so mbi ye lo mingi, be ti mbi anzere na lo mingi. Ala ma yanga ti lo!”

Matthieu 3:15

Me Jésus akiri tënë na lo: “Ti fadeso, ayeke nzoni e sara tongaso si e lingbi ti sara ye so kue ayeke mbirimbiri na le ti Nzapa.” Tongaso Jean ayeda.

Matthieu 3:17

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”

Jean 15:10

Tongana ala sara ye alingbi na andia ti mbi, fade ala yeke ngba na ya ti ndoye ti mbi, tongana ti so mbi sara ye alingbi na andia ti Babâ si mbi ngba na ya ti ndoye ti lo.

Jean 8:29

Lo so atokua mbi, lo yeke na mbi. Lo zia mbi gi mbi oko pepe, ngbanga ti so mbi yeke sara lakue ye so anzere na be ti lo.”

Rome 10:4

Biani, Christ asara si *Ndia ti Moïse asi na nda ni, tongaso si azo so kue ama na be, ala ga mbirimbiri na le ti Nzapa.

Rome 3:31

Tongaso, na lege ti mabe, e yeke baa Ndia tongana senge ye? Oko pepe! Me e mu nengo na Ndia.

Rome 7:12

Tongaso, Ndia alondo na Nzapa, atënë oko oko ti Ndia alondo na Nzapa, ayeke mbirimbiri si ayeke nga ye ti nzoni.

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”

Galasii 3:21

So ti tene *Ndia ake tënë ti azendo ti Nzapa? Oko pepe! Tongana mbeni ndia alingbi fade ti mu fini na zo, ka azo aga mbirimbiri biani na le ti Nzapa na lege ti ndia awe.

Ndia ti fani use ni 4:6

Tongana ala bata andia ni si ala sara ye alingbi na ni, amara nde so ayeke ma tënë ni, fade ala yeke baa ala, azo ti Israel, tongana azo ti ndara na azo ti hingango ndo; azo ni ayeke tene: “So ndara na hingango ndo na kota mara so!”

Ndia ti fani use ni 4:8

Aye so ndia afa nga na atënë ti ndia so mbi zia na gbe ti ala laso ayeke mbirimbiri. Mbeni kota mara nde ayeke daa so aye so ndia ti lo afa nga na atënë ti ndia ti lo ayeke mbirimbiri tongana ti e so?

Filipe 3:9

si mbi na lo, e ga oko. Batango ndia ti ga mbirimbiri, so laa amu lege na mbi ti ga oko na Christ pepe, me mbi ga oko na Christ na lege ti mabe. Nzapa laa ayeke mu na zo lege ti gango mbirimbiri tongana zo ni ama na be.

Ahebro 8:10

Kota Gbia atene: Baa, mbuki so mbi na azo ti Israel, e yeke sara ni ayeke so: Na peko ti alango ni so, mbi yeke mu andia ti mbi na ala, mbi yeke su ni na ya ti li ti ala nga na ndö ti be ti ala. Mbi yeke duti Nzapa ti ala si ala yeke duti azo ti mbi.