Ésaïe 42:20 - Mbeti ti Nzapa - Tënë so amu fini

²⁰ Lo baa aye mingi, me lo bata ye oko pepe; mê ti lo azi, me lo ma ndo oko pepe.

Ésaïe 42:20 ပူးပေါင်းရင်းမြစ်များ

Abia (Psaumes) 107:43

Zo so ayeke na ndara, fade lo yeke gbu li ti lo na ndö ti aye ni si lo yeke hinga lo tene, KOTA GBIA ayeke sara nzoni be.

Ésaïe 1:3

Bagara ahinga wa ti lo; lele ahinga ndo so wa ti lo ayeke mu na lo kobe ti tengo ni daa. Me azo ti Israel ahinga ndo pepe, li ti azo ti mbi ayeke daa pepe.”

Ésaïe 58:2

Na lango oko oko, ala yeke gi mbi, ala ye ti hinga lege ti mbi. Ala kpa azo so ayeke sara ye alingbi na ndia, azo so ado ndia ti Nzapa ti ala azia pepe. Ala yeke hunda na mbi ti fâ ngbanga mbirimbiri, ala ye titene mbi duti nduru na ala.

Ésaïe 6:9

Lo tene na mbi: “Gue mo tene na azo so, mo tene: ‘Ala yeke ma ndo nzoni, me ala yeke ma ya ti tënë ni pepe; ala yeke baa ndo nzoni, me ala yeke baa ye oko pepe.’

Jérémie 6:10

Zo wa laa mbi yeke tene tënë na lo, zo wa? Zo wa laa mbi yeke gboto mê ti lo si lo ma mbi? A fâ mê ti ala na *ganza pepe, ala lingbi ti zia mê ti ala kpoo pepe. KOTA GBIA, ala yeke he tënë ti mo na ngia, tënë ti mo anzere na ala pepe.

Ezekiel 33:31

Tongaso ala mingi aga si ala duti na dawa ti mo. Ala ma atënë ti mo, me ala sara ye alingbi na ni pepe. Ala yeke sara ye alingbi na ye so anzere na be ti ala, ala yeke gi gi ye so ala lingbi ti wara ye na peko ni.

Ezekiel 33:32

Ti mo, mo yeke tongana mbeni nzoni zo ti hengo bia na ala; mo yeke he pendere bia si nzoni mozoko ayeke toto na gbe ni. Ala yeke ma atënë ti mo, me ala yeke sara ye alingbi na ni pepe.

Wungo ti azo 14:22

Azo so abaa gonda ti mbi kue, ala baa aye ti kpene so mbi sara na Ezipte nga na ya ti benyama. Ala tara be ti mbi fani baleoko, ala ma yanga ti mbi pepe.

Matthieu 13:13

Ndani laa mbi yeke tene tënë na azo ni na lege ti toli, ngbanga ti so ala yeke baa ndo, me ala yeke baa ye pepe; ala yeke ma ndo, me ala yeke ma ya ti atënë ni pepe, ala yeke ma nga mbeni ye oko pepe.

Rome 2:21

Tongaso, mo so mo yeke fa ye na azo, ngbanga ti nyen si mo fa ye na mo wani pepe? Mo so mo yeke fa tënë, mo tene, alingbi zo anzi pepe so, ngbanga ti nyen si mo yeke nzi?

Ndia ti fani use ni 4:9

Moïse atene: Ye oko, alingbi ala azo ti Israel, ala sara hange, le ti ala akpengba! Ye so ala wani abaa na le ti ala, alingbi be ti ala agirisa na ni pepe. Ala bata ni na be ti ala na lango ti fini ti ala kue; ala fa tënë ni na amolenge ti ala nga na amolenge ti amolenge ti ala.