Ésaïe 42:13 - Mbeti ti Nzapa - Tënë so amu fini

¹³ KOTA GBIA ayeke sigigi tongana kpengba turugu; lo yeke tongana zo ti tiringo bira so nzara ti tiringo bira ayeke kporo kporongo na be ti lo. Lo dekongo ti bira, lo dekongo ngangu si lo hon ndö ti awato ti lo.

Ésaïe 42:13 ပူးပေါင်းရင်းမြစ်များ

Abia (Psaumes) 118:16

KOTA GBIA ayo maboko ti lo ti koli na nduzu, maboko ti KOTA GBIA ti koli asara kota ye!”

Abia (Psaumes) 78:65

Na pekoni, KOTA GBIA azingo na lango tongana zo so azingo na lango, tongana ngangu zo ti bira so samba ayapu lo.

Ésaïe 26:11

KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.

Ésaïe 31:4

Tënë so *KOTA GBIA atene na mbi laa: “Tongana bamara wala kete bamara ayeke toto ti bata nyama so lo gbu ti te, ataa azo airi gba ti awabatango-taba ti ga na tere ti lo, mbeto ti dekongo ti ala asara lo pepe, lo yeke zia nyama ni ndali ti wusuwusu ti ala pepe. Ye ni ayeke duti ande legeoko tongaso ndali ti mbi KOTA GBIA so mbi yeke na ndö ti dunia kue, mbi yeke zu na ndö ti hoto ti *Sion, ti tiri bira kâ.”

Ésaïe 37:32

Biani, tanga ti azo so angba na fini ayeke sigigi na Jérusalem, azo so awara lege ti kpe ayeke londo na ndö ti hoto ti *Sion.” Baa, ye so *KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Ésaïe 63:15

*KOTA GBIA, na yayu kâ, zi le ti mo, mo baa ndo. Na pendere ndo ti mo so ayeke nde si ayeke nzoni kue, baa ye so asi na e: ndoye so ayeke gbi be ti mo tongana wâ ndali ti e, ayeke na ndo wa? Ngangu ti mo ayeke na ndo wa? Mo ke ti baa mawa ti e, mo ke ti sara nzoni be na e awe?

Ésaïe 66:14

Tongana ala baa ande ye ni, fade be ti ala ayeke duti na ngia, tere ti ala ayeke kiri ti wara ngangu tongana fini pere na peko ti ngu-Nzapa.” Fade KOTA GBIA ayeke sara ye na ngangu ndali ti azo ti kua ti lo, me lo yeke fa ngonzo ti lo na awato ti lo.

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Jérémie 25:30

KOTA GBIA akiri atene na mbi: “Mo tene peko ti atënë ti yanga ti mbi so kue na ala, mo tene: Na nduzu kâ, KOTA GBIA atoto ngangu tongana bamara; na ya ti da so a zia nde ndali ti lo, lo sara si azo ama go ti lo. Lo yeke toto tongana bamara na ndö ti sese so ayeke ti lo. Lo yeke dekongo na ndö ti azo ti kodro ni kue tongana azo so ayeke ko ale ti *vinye ti sara na vin.

Osée 11:10

Azo so a gbu ala ague na ala na kodro wande, fade ala yeke tambula na peko ti KOTA GBIA. Fade lo yeke toto tongana bamara; tongana lo yeke toto, fade amolenge ti lo ayeke londo na mbage ti Do ti ga na dongo tere.

Amos 1:2

Amos atene: “Ti londo na hoto ti *Sion, KOTA GBIA ayeke toto tongana bamara; ti londo na Jérusalem, lo dekongo ngangu. Apere ti awabatango-nyama ahole kue awe, ndö ti hoto ti Karmel ahole kasakasa.”

Nahum 1:2

*KOTA GBIA ayeke Nzapa so ayeke sara mbanda, lo yeke kiri peko ti sioni na azo so asara sioni na lo. KOTA GBIA ayeke kiri peko ti sioni na azo so ake lo; ngonzo ti lo ayeke sioni mingi. Lo yeke kiri peko ti sioni na awato ti lo, ngonzo ti lo ayeke londo tongana wâ na tere ti ala.

Sofonii 1:18

Na lango so KOTA GBIA ayeke sara kota ngonzo, fade wen ti nginza ti ala, wala lôro ti ala ayeke soo ala na kuâ pepe; mbanda ti lo so ayeke londo tongana wâ ayeke gbi sese kue. Biani, ye ni ayeke duti ye ti ziango kota mbeto na be ti zo. KOTA GBIA ayeke fâ azo ti sese kue ti hunzi ala.

Sofonii 3:8

So tënë ti yanga ti KOTA GBIA laa: Ala ku mbi! Ala ku lango so mbi yeke ga ti sigigi na nda ti ala. Mbi leke na be ti mbi ti bongbi amara kue, ti bongbi akodro ti agbia kue, ti fâ ngbanga na li ti azo ni, ti tuku ngonzo ti mbi ti wâ na ndö ti ala. Biani, mbanda ti mbi so ayeke londo tongana wâ ayeke gbi sese kue.”