Ésaïe 42:11 - Mbeti ti Nzapa - Tënë so amu fini

¹¹ Ala azo ti benyama na ala azo ti agbata ti benyama, ala he bia! Ala azo ti akete kodro ti Kedar, ala he bia! Ala azo so alango na gbata ti Kota têne, ala dekongo na ngia! Na ndö ti hoto, ala dekongo na ngia!

Ésaïe 42:11 ပူးပေါင်းရင်းမြစ်များ

Tongo nda ti aye 25:23

KOTA GBIA atene na lo: “Amara use ayeke na ya ti mo; amara use ayeke sigigi na ya ti mo ti kangbi tere ti ala. Mbeni mara ni oko ayeke ngangu ahon mbeni, yaya ni ayeke sara kua na gbe ti ngambe ni.”

Abia (Psaumes) 120:5

Mawa na mbi so mbi lango na popo ti awande, mawa na mbi so mbi duti na popo ti azo ti sarango sioni so!

Ésaïe 12:5

Ala he bia na KOTA GBIA, ngbanga ti so lo sara akota ye. Ala tene tënë ni na azo ti sese kue!”

Ésaïe 16:1

Amakonzi ti Moab atene: “Kâ na gbata ti Kota-têne-ti-benyama, ala tokua koli-taba na kota zo ti kodro ni, na gbia ti Juda, na hoto ti *Sion.”

Ésaïe 21:16

Biani, *KOTA GBIA atene tënë tongaso na mbi: “Na ya ti ngu oko, so ti tene mbeni lango oko ayeke ti na ndö ni pepe, fade gonda ti Kedar ayeke hunzi.

Ésaïe 32:16

Na ya ti benyama, azo ayeke sara ye na lege ti ndia; na ya ti yaka so a lu akeke so a yeke te le ni tengo, azo ayeke fâ ngbanga mbirimbiri.

Ésaïe 35:1

Ayeke nzoni benyama na kuru sese aduti na ngia! Ayeke nzoni lando so ngu ayeke daa pepe adodo na ngia, lo du apendere kongo!

Ésaïe 35:6

Azo so gere ti ala abuba, ala yeke huru tongana dengbe, yanga ti buburu ayeke zi si lo yeke dekongo na ngia. Biani, ngu ayeke sigigi na ya ti benyama, ngu ayeke sua na lando so ngu ayeke daa pepe.

Ésaïe 40:3

Mbeni go adekongo, atene: “Na benyama, ala suru lege ndali ti KOTA GBIA; na lando so ngu ayeke daa pepe, ala leke lege mbirimbiri ndali ti Nzapa ti e!

Ésaïe 43:19

Baa, mbi yeke sara mbeni fini ye, fini ye ni aga nduru ti si awe; ade ala baa ni pepe? Biani, mbi yeke suru lege na ya ti benyama, mbi yeke sara titene *abale asua na ndo so ahole holengo.

Ésaïe 52:7

So ayeke nzoni ye mingi ti baa zo so aga na nzoni tënë na li ti ahoto! Lo yeke fa tënë ti siriri, tënë ti nzoni dutingo ti zo nga na tënë ti songo zo na kuâ. Lo yeke tene na Jérusalem: “Nzapa ti mo ayeke le-gbia!”

Ésaïe 60:7

Angasa na ataba ti Kedar ayeke bongbi na ndo ti mo. Akoli-taba ti Nebayot ayeke ga ye ti kua ti mo. A yeke zia ala na ndö ti gbalaka ti KOTA GBIA, *sandaga tongaso laa ayeke nzere na lo. Sandaga ni ayeke mu nengo na kota da ti lo.

Jérémie 21:13

Ala so ayeke lango na popo-hoto, na ndö ti kota têne so ayeke kpangbara so, mbi na ala, e yeke baa ya ni; so tënë ti yanga ti KOTA GBIA laa. Biani, mbi yeke ga na tere ti ala, ala so ayeke tene: ‘Zo wa laa ayeke zu ti ga na tere ti e, zo wa? Zo wa laa ayeke li na ndo so e yeke duti daa so, zo wa?’

Jérémie 48:28

Ala, azo ti Moab, ala zia agbata, ala gue, asara kodro na popo ti atêne. Ala sara ye tongana *ambipa so asara da ti ala na mbeni mbage ti kota du kâ.

Jérémie 49:16

Ando, mo yeke zia mbeto na be ti azo kue, mo baa tere ti mo kota mo hon azo kue, andaa mo handa tere ti mo wani. Mo so mo yeke lango na ya ti adu ti têne so, mo so ndo ti duti ti mo ayeke na li ti ahoto so, ataa mo sara da ti mo yongoro na nduzu ahon ti *ngoalo, mbi yeke gboto mo kâ ti bi mo na sese.” So tënë ti yanga ti KOTA GBIA laa.

Jérémie 49:31

Ala londo! Mara so aduti ti lo gi kpoo so, ala gue, atiri bira na lo! So tënë ti yanga ti KOTA GBIA laa. Azo ni abaa lani atene, sioni ye ayeke si na ala pepe; ada ti ala, yanga ni ayeke daa pepe, kerere ayeke nga daa pepe; ala duti ti ala lani yamba!

Ezekiel 27:21

Mo na azo ti Arabii na amakonzi kue ti sese ti Kedar ayeke de nga buze. Ala yeke ga na akete taba, ataba nga na angasa ti vo na akungba ti mo.

Abdias 1:3

Baba ti mo so mo yeke sara mingi so ahanda ala awe! Mo yeke lango na popo ti akota têne, mo sara ndo ti lango ti mo na ndo so ayeke na nduzu si mo yeke tene na be ti mo, mo tene: ‘Zo wa laa alingbi ti mu mbi ti bi mbi na sese, zo wa?’