Ésaïe 42:10 - Mbeti ti Nzapa - Tënë so amu fini

¹⁰ Ala he fini bia na *KOTA GBIA. Ala so ayeke na nda ti sese kâ, ala he bia ti sepela lo; ala so ayeke tambula na le ti kota ngu-ingo, ala so ayeke na ya ti kota ngu-ingo, na ala so ayeke lango na ya ti azoa, ala he bia ti sepela lo.

Ésaïe 42:10 ပူးပေါင်းရင်းမြစ်များ

1 Mbai 16:32

Ayeke nzoni kota ngu-ingo na aye so kue ayeke na ya ni atoto ngangu; ayeke nzoni yaka na aye so kue ayeke na ya ni aduti na ngia!

Abia (Psaumes) 150:6

Ala, aye so kue ayeke na fini, ala sepela KOTA GBIA! Aleluya!

Abia (Psaumes) 33:3

Ala he fini bia na lo; ala pika aye ti mozoko ti ala nzoni, ala dekongo na ngia na lo.

Abia (Psaumes) 40:3

Lo gboto mbi, lo sigigi na mbi na ya ti sioni du, na ya ti potopoto so ali mingi. Lo zia mbi na nduzu, mbi luti na ndö ti kota têne, lo sara si mbi tambula mbirimbiri.

Abia (Psaumes) 65:5

Ti lo nzoni, zo so mo soro lo si mo sara titene lo ga nduru na mo, fade lo yeke duti na ya ti gbagba ti mo. Fade e yeke wara anzoni ye ti kota da ti mo, anzoni ye ti kota da ti mo so ayeke nde si ayeke nzoni kue so.

Abia (Psaumes) 72:10

Agbia ti kodro ti Tarsis na ala ti azoa so ayeke yongoro kâ ayeke tokua na lo akadoo; agbia ti kodro ti Saba na ala ti Seba ayeke futa lapo na lo.

Abia (Psaumes) 96:11

Ayeke nzoni yayu asara ngia, ayeke nzoni sese adodo na ngia si kota ngu-ingo na aye so kue ayeke na ya ni atoto ngangu!

Abia (Psaumes) 97:1

*KOTA GBIA ayeke gbia! Ayeke nzoni azo ti sese adodo na ngia, azo so kue ayeke na yongoro ndo aduti na ngia!

Sigingo 15:1

Tongaso Moïse na azo ti Israel ahe bia so na *KOTA GBIA, ala tene: Mbi ye ti he bia na KOTA GBIA: lo fa kota ngangu ti lo, lo bi ambarata na azo ti kpengo na mbarata ni na ya ti kota ngu-ingo!

Sigingo 20:11

Biani, na ya ti lango omene, mbi KOTA GBIA, mbi sara yayu, sese, kota ngu-ingo na aye so kue ayeke na ya ni. Me na lango mbarambara ni, mbi wu tere ti mbi. Ndani laa mbi sara tufa na ndö ti lango ti wungo tere si mbi zia ni nde ndali ti mbi.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 12:5

Ala he bia na KOTA GBIA, ngbanga ti so lo sara akota ye. Ala tene tënë ni na azo ti sese kue!”

Ésaïe 42:4

Ngangu ti lo ayeke hunzi pepe, be ti lo ayeke woko pepe ngbii lo fa lege ti sarango ye ti mbirimbiri na ndö ti sese. Azo ti azoa ayeke zia be ti ala ti ku fango ye ti lo.”

Ésaïe 44:23

Biani, *KOTA GBIA ayeke sara ye. Tongaso yayu, mo dekongo na ngia; gbe ti sese so alinda mingi, mo dodo na ngia! Ahoto, ala dekongo na ngia; ala agbako, ala na akeke ti ala, ala dekongo na ngia. Biani, KOTA GBIA azi Jacob awe, lo fa gonda ti lo na sese ti Israel.

Ésaïe 48:20

Ala londo na Babilone asigigi! Ala londo hio na popo ti azo ni, ala kpe! Ala dekongo na ngia, ala fa tënë so, ala to mbela na ni ngbii asi na nda ti sese kue, ala tene: “*KOTA GBIA azi Jacob, zo ti kua ti lo awe.”

Ésaïe 49:13

Yayu, he bia na ngia! Sese, dodo na ngia! Ahoto, ala dekongo na ngia! Biani, KOTA GBIA asara si be ti azo ti lo akiri ade, lo baa mawa ti azo so ayeke baa pasi.

Ésaïe 49:6

Lo tene na mbi: “Titene mo ga gi zo ti kua ti mbi ti yo azo ti mara ti Jacob na nduzu, ti mu tanga ti azo ti Israel so angba na fini ti ga na ala, so alingbi pepe. Mbi yeke sara titene mo ga lumiere ti amara kue, tongaso si mbi yeke soo azo na kuâ ngbii asi na nda ti sese kue.”

Ésaïe 51:5

Zingo azo so mbi yeke zi ala aga nduru awe, songo azo na kuâ so mbi yeke soo ala asigigi awe. Mbi yeke fâ ngbanga ti azo na ngangu. Fade azo ti azoa ayeke zia be ti ala ti ku mbi, ala yeke ku ngangu ti maboko ti mbi.

Ésaïe 60:6

Gba ti *azambala ayeke si singo na ya ti kodro ti mo: akete zambala ti Madian na ti Efa. Azo ti Saba kue ayeke ga, ala yeke ga na lôro nga na dukani si ala yeke he bia ti gonda na KOTA GBIA.

Ésaïe 60:9

Biani, akodro so ayeke na ya ti azoa azia be ti ala ti ku mbi. Amangboko ti Tarsis ahon kozo, ala londo yongoro si ayeke ga na amolenge ti mo; ala yeke ga na wen ti nginza nga na lôro. Ala ga ti gonda KOTA GBIA, Nzapa ti mo, Nzapa ti Israel so ayeke nde si ayeke nzoni kue, Nzapa so amu nengo na mo.

Ésaïe 62:11

Tënë so KOTA GBIA atene titene azo ti nda ti sese kue ama ayeke so: “Ala tene na gbata ti Sion, atene: Wasongo mo ayeke ga; azo so lo wara ala, lo yeke ga na ala, lo yeke ga na ye so lo wara na peko ti kua ti lo.”

Ésaïe 65:14

Azo ti kua ti mbi ayeke dekongo na ngia, be ti ala ayeke nzere; me ti ala, ala yeke dekongo na vundu na be. Biani, ala yeke dema tere, be ti ala ayeke woko kue.

Sofonii 2:11

Fade KOTA GBIA ayeke zia kota mbeto na be ti ala, lo yeke hunzi anzapa ti sese kue. Tongaso, ataa amara so kue ayeke na yongoro ndo, ala yeke kuku akpo li ti ala na sese na dawa ti lo, zo oko oko na kodro ti lo.

Aye so Nzapa afa 14:3

Azo so aluti na dawa ti mbata ti gbia, nga na dawa ti aye osio so ayeke na fini nga na *akangba so, ala yeke he fini bia. Mbeni zo nde alingbi ti manda bia ni so pepe, gi azo ti sese saki ngbangbo oko na baleosio na osio so Nzapa asoo ala awe.

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.