Ésaïe 41:28 - Mbeti ti Nzapa - Tënë so amu fini

²⁸ Mbi baa ndo, me zo oko ayeke daa pepe. Na popo ti anzapa ni, mbeni oko ti mu wango ayeke daa pepe! Tongana ala yeke fade daa si mbi hunda ala, ka ala kiri tënë na mbi.

Ésaïe 41:28 ပူးပေါင်းရင်းမြစ်များ

Ésaïe 46:7

Ala yeke zia nzapa ni na ndö ti go ti ala, ala yo lo, ague na lo si azia lo na ndo ti lo. Nzapa ni ayeke ngba gi na ndo ni so, lo yeke gue na mbeni ndo pepe. Ataa zo adekongo na lo, lo yeke kiri tënë pepe. Lo lingbi ti soo zo ni pepe na ya ti ye ti ngangu.

Ésaïe 50:2

Mbi ga, mbi wara zo oko pepe, ngbanga ti nyen? Mbi iri ndo, zo oko ayeda pepe, ngbanga ti nyen? Maboko ti mbi ayeke nduru mingi titene mbi zi ala? Ngangu laa atia mbi titene mbi soo ala? Gi so mbi suku, kota ngu-ingo ahole; mbi sara si *abale aga kuru sese. Ndali ti so ngu ayeke daa pepe, asusu ayeke kui nzara ti ngu si ala yeke fun.

Ésaïe 59:16

Lo baa so zo oko ti sara ye ayeke daa pepe; li ti lo akpe, ngbanga ti so zo oko ti mu maboko ayeke daa pepe. Tongaso, maboko ti lo laa asara si lo so benda; mbirimbiri ti lo laa amu ngangu na lo ti sara ye ni.

Ésaïe 63:5

Mbi baa ndo, me zo oko ti mu maboko na mbi ayeke daa pepe. Li ti mbi kue akpe, me zo oko ti sara na mbi ayeke daa pepe. Tongaso, maboko ti mbi laa asara si mbi so benda; sioni ngonzo ti mbi laa amu na mbi ngangu ti sara ye ni.

Ésaïe 65:12

mbi diko ala titene ala kui kuâ ti yongoro zeme. Ala kue, fade ala yeke kuku na sese si a yeke fâ go ti ala. Biani, mbi iri ndo, ala yeda pepe; mbi tene tënë, ala ma pepe, ala sara ye so ayeke sioni na le ti mbi; ala soro ye so anzere na be ti mbi pepe.

Daniel 5:8

Azo ti nganga ti gbia kue ali na da; me ala ha ti diko mbeti ni gbaa; ala lingbi nga ti fa nda ni na gbia pepe.