Ésaïe 41:27 - Mbeti ti Nzapa - Tënë so amu fini

²⁷ Mbi KOTA GBIA laa mbi yeke kozoni, mbi fa na *Sion, mbi tene: ‘Baa aye ni laa!’ Mbi tokua na Jérusalem mbeni zo ti gango na nzoni tënë.

Ésaïe 41:27 ပူးပေါင်းရင်းမြစ်များ

Ésaïe 40:9

Mo gbata ti *Sion, mo so mo yeke ga na nzoni tënë, mo ma na li ti kota hoto. Mo Jérusalem, mo so mo yeke ga na nzoni tënë, mo yo go ti mo na nduzu na ngangu ti mo kue. Mo yo go ti mo na nduzu, sara mbeto pepe. Tene na agbata ti Juda: “Baa, Nzapa ti ala laa!

Ésaïe 41:4

Zo wa laa asara aye so kue, zo wa? Lo laa lo sara si aye abaa gigi, ngbene ye na tongo nda ni. Mbi laa mbi yeke *KOTA GBIA. Mbi yeke lo so ayeke kozoni, mbi yeke ngba tongaso na tere ti aye ti ndangba ni.

Ésaïe 43:10

Ala laa ayeke azo ti tenengo tënë ti ye so ala hinga na ndö ti mbi, so tënë ti yanga ti *KOTA GBIA laa; ala laa ayeke azo ti kua ti mbi so mbi soro ala. Mbi ye titene ala hinga mbi, ala zia be ti ala na ndö ti mbi si ala hinga biani so mbi yeke Nzapa. Kozo ti mbi, mbeni nzapa oko ayeke daa pepe, na peko ti mbi, mbeni nzapa oko ayeke duti daa pepe.

Ésaïe 44:28

Tënë so mbi tene na ndö ti Sirus ayeke so: ‘Lo yeke wabatango-taba ti mbi. Ye so mbi ye, fade lo yeke sara si aga nzoni. Lo yeke mu yanga titene a kiri aleke Jérusalem, titene a kiri alu gere ti kota da ti Nzapa.’ ”

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Ésaïe 46:9

Ala dabe ti ala na ye so ahon awe so, aye so asi ando giriri so: Biani, mbi laa mbi yeke Nzapa, mbeni nde ayeke daa pepe. Mbeni Nzapa tongana mbi ayeke daa pepe.

Ésaïe 48:12

*KOTA GBIA atene: “Jacob, ma mbi! Israel, mbi laa mbi iri mo. Mbi ngba lakue Nzapa: mbi yeke kozoni, mbi yeke ndangba ni.

Ésaïe 48:3

“Akozo ye so asi awe so, mbi fa tënë ni na ala ngbene ye giriri. Tënë ni asigigi na yanga ti mbi, mbi tene tënë ni, ala ma awe. Mo ye ti baa, mbi sara mbeni ye si aye ni asi.

Ésaïe 52:7

So ayeke nzoni ye mingi ti baa zo so aga na nzoni tënë na li ti ahoto! Lo yeke fa tënë ti siriri, tënë ti nzoni dutingo ti zo nga na tënë ti songo zo na kuâ. Lo yeke tene na Jérusalem: “Nzapa ti mo ayeke le-gbia!”

Rome 10:15

Fade azo ayeke fa tënë ni tongana nyen so a tokua ala pepe so? Mbeti ti Nzapa atene nga: “So ayeke nzoni ye mingi ti baa azo so aga ti fa anzoni tënë!”

Aye so Nzapa afa 2:8

“Su mbeti so, mo tokua na *ange so ayeke na li ti *Eglize ti gbata ti Simirne: “Baa, lo so lo yeke kozo ni si lo yeke ndangba ni, lo so akui si lo kiri na fini, atene: