Ésaïe 41:24 - Mbeti ti Nzapa - Tënë so amu fini

²⁴ Me ala yeke ye oko pepe, ye so kue ala yeke sara ayeke taa senge senge. Zo so asoro ala tongana anzapa, lo yeke fungo zo tongana anzapa ni.

Ésaïe 41:24 ပူးပေါင်းရင်းမြစ်များ

Abia (Psaumes) 115:8

Azo so asara anzapa ni, azo so azia be ti ala na ndö ti anzapa ni, ayeke nzoni ala ga tongana ala.

Amato 28:9

Zo so akanga mê ti lo ti ma atënë ti Ndia, ataa sambela ti lo, be ti KOTA GBIA ayeke ke ni.

Amato 3:32

Biani, be ti KOTA GBIA ake mingi azo so ake lege ti lo, me lo yeke fa atënë ti be ti lo na azo ti mbirimbiri.

Ésaïe 37:19

Agbia ni abi anzapa ti azo ni na le ti wâ. Andaa, anzapa ni ayeke taa Nzapa pepe, me ala yeke gi ye so maboko ti zo laa asara ni na keke nga na têne; nilaa agbia ti Asirii abuba anzapa ni kue.

Ésaïe 41:29

Ala kue ayeke ye oko pepe: kua ti ala ayeke senge senge, ayanda ti ala ayeke pupu senge, ye ayeke daa pepe!”

Ésaïe 66:24

Na sigingo ti ala, fade ala lingbi ti baa kuâ ti azo so atomboka na tere ti mbi. Angusu so ayeke te ala ayeke kui pepe; wâ so ayeke gbi ala ayeke mingo pepe. Ala yeke ga ye so ayeke sioni mingi ndali ti azo kue.

Jérémie 10:14

Azo kue ayeke azo so li ti ala ayeke daa pepe, ala hinga ndo pepe; awakode-kua kue ti lôro, kamene agbu le ti ala ndali ti ayanda ti ala, ayanda ti ala ni ayeke ye ti mvene, pupu ayeke na ya ti ala pepe.

Jérémie 10:15

Ala yeke asenge senge ye, ala yeke aye so azo ayeke he na ngia. Na lango so KOTA GBIA ayeke ga na tere ti ala, ala kue ayeke hunzi.

Jérémie 10:5

Ayanda ni so ayeke tongana mbeni gbagba ye so a zia na yaka ti akugbe ti kasa ti tumba na andeke; ayanda ni ayeke tene tënë pepe, a yeke yo ala yongo, ngbanga ti so ala lingbi ti tambula pepe. Ala sara mbeto ti ayanda ni so pepe: ala yeke sara sioni na zo pepe; ataa nzoni ye kue, ala lingbi nga ti sara ni pepe.”

Jérémie 10:8

Ala kue kue kue, ala yeke azo so li ti ala ayeke daa pepe, ala yeke abuba zo. Ayanda ni alingbi ti fa ye oko pepe, ala yeke gi keke senge.

1 Korente 8:4

Tongaso, e lingbi ti te kasa ti anyama so azo aya na sandaga na anzapa nde so? E hinga so mbeni nzapa nde ayeke na dunia so pepe, Nzapa ayeke gi oko.

Ndia ti fani use ni 27:15

‘Deba aga na ndö ti zo so amu wen akporo ni si asara na mbeni nzapa nde wala na mbeni yanda si lo honde ni na mbeni ndo ti voro ni!. So ayeke ye so maboko ti zo asara. Tongaso, ayeke ye so ayeke sioni mingi na le ti *KOTA GBIA.’ Fade azo kue ayeke kiri tënë: ‘Amen!’

Ndia ti fani use ni 7:25

Fade ala, azo ti Israel, ala yeke gbi na wâ ayanda ti azo ti amara ni. Alingbi nzara ti wen ti nginza na lôro so azo ni azia na tere ti ayanda ni asara ala pepe; ala mu aye ni so pepe ti ga ti ala, ngbanga ti so aye ni ayeke sioni mingi na le ti KOTA GBIA Nzapa ti ala. Tongana ala mu ni, fade ayeke ga kuku ti gbungo ala.

Ndia ti fani use ni 7:26

Alingbi mara ti ayanda tongaso ali na ya ti da ti ala pepe. Tongaso pepe, fade a yeke buba ala kue legeoko na ayanda ni. Biani, alingbi ala buba ayanda ni so kue, ala baa ala tongana ye so ayeke sioni mingi nga na ye so zo alingbi ti baa na le ti lo fani use pepe.

Aye so Nzapa afa 17:5

Na ndö ti le ti lo, a su mbeni iri so nda ni angba na hondengo ni: “Kota Babilone, mama ti awali-ndumba, na ti aye ti sioni kue ti ndö ti sese so zo alingbi ti baa na le ti lo fani use pepe.”