Ésaïe 41:22 - Mbeti ti Nzapa - Tënë so amu fini

²² Ala ga, ala tene na e ye so ayeke si ande. Ye so ahon awe, ala fa na e, ye ni ayeke lani tongana nyen? Fade e yeke gbu li ti e daa si e yeke baa ye so ayeke si na pekoni. Wala ala fa na e ye ti kekereke si e hinga ye so ayeke si ande.

Ésaïe 41:22 ပူးပေါင်းရင်းမြစ်များ

Ésaïe 41:26

Zo wa laa afa tënë ni na tongo nda ni titene e hinga ni, zo wa? Zo wa laa afa tënë ni giriri si e tene: ‘Tënë ni ayeke taa-tënë’? Zo oko afa tënë ni pepe, zo oko azi yanga pepe, zo oko ama nga tënë ti ala pepe.

Ésaïe 42:9

Akozo ye so asi ahon awe. Fadeso, mbi yeke kiri ti fa na ala afini ni. Kozo si ye ni asi, mbi yeke tene tënë ni na ala.

Ésaïe 44:7

Zo wa laa alingbi na mbi, zo wa? Alingbi lo dekongo, lo fa na mbi nda ti aye ni, ngbene ye so mbi sara akozo mara! Alingbi lo fa na mbi aye so asi awe nga na aye so ayeke si ande.

Ésaïe 45:21

Ala ga afa so tënë ti ala ayeke na legeni! Ala bongbi, ala leke tënë na popo ti ala. Ye so asi laso, zo wa laa atene tënë ni kozoni si ye ni asi? Zo wa laa afa tënë ni ngbene ye giriri? Mbi KOTA GBIA laa mbi sara aye so pepe? Mbeni Nzapa nde ayeke daa pepe, gi mbi oko; mbeni Nzapa so ayeke mbirimbiri si ayeke soo zo ayeke daa pepe, gi mbi oko.

Ésaïe 45:22

Ala azo so kue ayeke lango na nda ti sese, ala kiri na mbage ti mbi si fade mbi soo ala. Biani, mbi yeke Nzapa, mbeni nde ayeke daa pepe.

Ésaïe 46:10

Aye so ayeke si ande, mbi fa tënë ni gi na tongo nda ni. Ye so ade ti si pepe, mbi tene tënë ni ngbene ye aninga awe. Mbi tene: “Pialo ti mbi ayeke si alingbi na ni. Ye so kue mbi ye ti sara, mbi yeke sara ni.”

Ésaïe 48:14

Ala kue, ala bongbi tere ti ala, ala ma! Mbi yeke na mbeni zo so mbi ye lo mingi. Lo laa lo yeke sara ande titene ye so mbi ye ti sara na Babilone aga taa-tënë; lo laa lo yeke sara si azo ti Babilone ahinga ngangu ti mbi. Me na popo ti ala, zo wa laa afa tënë so, zo wa?

Ésaïe 48:3

“Akozo ye so asi awe so, mbi fa tënë ni na ala ngbene ye giriri. Tënë ni asigigi na yanga ti mbi, mbi tene tënë ni, ala ma awe. Mo ye ti baa, mbi sara mbeni ye si aye ni asi.

Jean 13:19

Mbi tene tënë so na ala kozoni si ye ni asi. Tongana ye ni asi ande, ala yeke hinga so ‘Mbi Yeke’.

Jean 16:14

Fade lo yeke gonda mbi, ngbanga ti so lo yeke mu tënë ti mbi ti tene na ala.