Ésaïe 41:20 - Mbeti ti Nzapa - Tënë so amu fini

²⁰ Tongaso, fade azo kue ayeke baa, azo kue ayeke hinga, ala kue ayeke ma ya ni atene, aye so kue, maboko ti KOTA GBIA laa asara ni, Nzapa ti Israel so ayeke nde si ayeke nzoni kue.

Ésaïe 41:20 ပူးပေါင်းရင်းမြစ်များ

Mbeti ti Job 12:9

Na popo ti aye so kue so, lo so wa laa ahinga pepe, atene: *KOTA GBIA laa asara aye so kue na maboko ti lo?

Abia (Psaumes) 109:27

Ayeke nzoni azo ni ahinga atene, mo KOTA GBIA laa mo sara ye ni, mo laa mo sara ye so ndali ti mbi.

Sigingo 6:7

Mbi yeke sara titene ala, azo ti Israel, ala ga azo ti mbi si mbi yeke duti Nzapa ti ala. Ala yeke hinga atene, mbi laa mbi yeke KOTA GBIA, Nzapa ti ala, lo so lo zi ala na gbe ti angangu kua ti Ezipte.

Sigingo 9:16

Me mbi zia mo, mo ngba na fini titene mbi fa ngangu ti mbi na mo, titene na lege ti mo, azo agonda iri ti mbi na ndö ti sese kue.

Ésaïe 28:29

Ye so kue alondo na *KOTA GBIA so lo yeke na ndö ti dunia kue, lo so wango ti lo ayeke sara si be ti zo ado, ndara ti lo ayeke kota.

Ésaïe 29:24

Azo so lani li ti ala aga kirikiri, fade ala yeke ga azo ti hingango ndo; azo so lani ayeke ke tënë mingi, ala yeke yeda titene a fa ye na ala.”

Ésaïe 40:5

Tongaso, fade gonda ti KOTA GBIA ayeke sigigi polele si azo ti sese kue ayeke baa ni. Tënë so asigigi na yanga ti KOTA GBA laa.”

Ésaïe 41:4

Zo wa laa asara aye so kue, zo wa? Lo laa lo sara si aye abaa gigi, ngbene ye na tongo nda ni. Mbi laa mbi yeke *KOTA GBIA. Mbi yeke lo so ayeke kozoni, mbi yeke ngba tongaso na tere ti aye ti ndangba ni.

Ésaïe 43:15

Mbi yeke KOTA GBIA, Nzapa ti ala so ayeke nde si ayeke nzoni kue, lo so lo sara Israel, Gbia ti ala.”

Ésaïe 43:21

Azo so mbi leke ala ndali ti mbi, ala yeke he bia ti sepela na mbi.”

Ésaïe 44:23

Biani, *KOTA GBIA ayeke sara ye. Tongaso yayu, mo dekongo na ngia; gbe ti sese so alinda mingi, mo dodo na ngia! Ahoto, ala dekongo na ngia; ala agbako, ala na akeke ti ala, ala dekongo na ngia. Biani, KOTA GBIA azi Jacob awe, lo fa gonda ti lo na sese ti Israel.

Ésaïe 49:23

Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Ésaïe 66:14

Tongana ala baa ande ye ni, fade be ti ala ayeke duti na ngia, tere ti ala ayeke kiri ti wara ngangu tongana fini pere na peko ti ngu-Nzapa.” Fade KOTA GBIA ayeke sara ye na ngangu ndali ti azo ti kua ti lo, me lo yeke fa ngonzo ti lo na awato ti lo.

Ésaïe 66:18

*KOTA GBIA atene: “Mbi hinga ye so ala yeke sara nga na tënë ti be ti ala. Lango ni alingbi awe ti bongbi amara kue na azo ti ayanga ti kodro kue. Ala yeke ga ti baa gonda ti mbi.

Ésaïe 66:2

Aye so kue, maboko ti mbi laa asara ni si abaa gigi, so tënë ti yanga ti mbi KOTA GBIA laa. Me zo ti mawa so be ti lo awoko, lo so lo ma tënë ti mbi si tere ti lo ayeke do, zo tongaso laa mbi yeke baa lo na nzoni le.

Wungo ti azo 23:23

Tënë ti sarango yoro ayeke na popo ti azo ti Jacob pepe, tënë ti bango nda ti aye ayeke na popo ti azo ti Israel pepe. Na ngoi so alingbi, fade a yeke tene na azo ti Jacob nga na azo ti Israel ye so kue Nzapa ayeke sara.

2 Tesalonike 1:10

na ndembe so lo yeke ga. Fade azo ti lo ayeke gonda lo, azo so kue ama na be ayeke baa lo na ngia. Ala nga, a-ita, fade ala yeke duti na popo ti azo ni, ngbanga ti so ala ma na be na tënë so e fa.