Ésaïe 41:18 - Mbeti ti Nzapa - Tënë so amu fini

¹⁸ Ndö ti ahoto so keke ayeke daa pepe, mbi yeke sara titene *bale asigigi daa; ndo so ayeke na popo-hoto, mbi yeke sara titene ngu asigigi daa. Mbi yeke sara titene holengo sese aga ndo so kota ngu ayeke daa si kuru sese aga li ti ngu.

Ésaïe 41:18 ပူးပေါင်းရင်းမြစ်များ

Abia (Psaumes) 104:10

Mo sara si ali ti ngu asigigi si aga ngu so ayeke sua na popo ti ahoto.

Abia (Psaumes) 105:41

Lo suru ya ti kota têne, ngu asigigi daa; ngu ni asua tongana *bale na ya ti benyama.

Abia (Psaumes) 107:35

Lo lingbi ti sara si benyama aga ndo so gba ti ngu ayeke daa si kuru sese aga sese so ali ti ngu ayeke daa.

Abia (Psaumes) 126:4

KOTA GBIA, azo so a gbu ala na popo ti e a gue na ala na kodro wande so, mo kiri na ala; sara si ala ga tongana angu ti mbage ti Mbongo so akiri ayeke sua.

Abia (Psaumes) 46:4

ataa *amapo ti kota ngu-ingo atoto, asuku, ataa ngangu ti angu ni ayingi akota hoto. Luti kete

Ésaïe 12:3

Ala yeke to ngu na ngia na li ti ngu so ayeke soo zo na kuâ.

Ésaïe 30:25

Na lango so a yeke fâ azo kue, na ndembe so ada so ayo na nduzu mingi ayeke tuku na sese, gba ti ngu ayeke sua na ndö ti akota hoto nga na ndö ti akete hoto kue.

Ésaïe 32:2

Ala oko oko ayeke duti tongana mbeni gbefa so zo ayeke bata tere ti lo daa ndali ti pupu, tongana ndo so zo ayeke kpe ti honde tere ti lo daa ndali ti ngu-Nzapa, tongana ngu so ayeke sua na ndö ti holengo sese, tongana gbe ti de ti kota têne na kodro so ngu ayeke daa pepe.

Ésaïe 33:21

Kâ laa KOTA GBIA ayeke fa na e gonda ti lo. Ndo ni kâ ayeke duti ndo ti akota *bale na ti akota ngu. Amangboko ti bira ayeke hon na le ti ngu ni pepe, apendere kota mangboko ayeke fâ ngu ni pepe.

Ésaïe 35:1

Ayeke nzoni benyama na kuru sese aduti na ngia! Ayeke nzoni lando so ngu ayeke daa pepe adodo na ngia, lo du apendere kongo!

Ésaïe 44:3

Biani, fade mbi yeke tuku ngu na ndö ti sese so ayeke na nzara ti ngu, mbi yeke sara titene akete ngu asua na ndö ti holengo sese. Mbi yeke tokua yingo ti mbi na ndö ti amolenge ti mo si mbi yeke sara tufa na ndö ti *ahale ti mo.

Ésaïe 48:21

Na ya ti benyama so lo fa lege na azo ti lo, nzara ti ngu asara ala pepe. Ndali ti ala, lo sara si ngu asigigi na ya ti têne; lo suru ya ti têne ni si ngu asigigi daa.

Ésaïe 58:11

KOTA GBIA ayeke ngba lakue ti fa lege na mo. Ataa na benyama, lo yeke mu na mo kobe, mo te ya ti mo asi, lo yeke kiri ti mu ngangu na mo. Mo yeke ga tongana yaka so a tuku ngu daa, mo yeke ga tongana li ti ngu so ngu ni ayeke hole pepe.

Ésaïe 65:13

Ndani laa, tënë so mbi, Kota Gbia NZAPA, mbi tene ayeke so: Fade azo ti kua ti mbi ayeke te kobe, me ti ala, ala yeke duti na nzara. Azo ti kua ti mbi ayeke na ngu ti nyongo ni, me ti ala, nzara ti ngu ayeke sara ala. Azo ti kua ti mbi ayeke duti na ngia, me ti ala, kamene ayeke sara ala.

Zakarii 14:8

Na lango ni so, fade mbeni li ti ngu ayeke sigigi na Jérusalem; ngu ni ayeke kangbi ya ti lo use, mbeni mbage ni ayeke sua ti gue na mbage ti kota ngu ti Gba-ti-ingo si mbeni mbage ni ayeke sua ti gue na mbage ti kota ngu-ingo ti Mediterane. Ataa na ngoi ti buru, ataa na ngoi ti ngu-Nzapa, ngu ni ayeke ngba lakue ti sua suango.

Aye so Nzapa afa 22:1

Na pekoni, *ange ni afa na mbi kota *bale so ayeke mu fini na zo; zo ayeke baa ndo na ya ti bale ni kue. Ngu ni alondo na mbage ti mbata ti Gbia Nzapa na ti Molenge ti Taba si ayeke sigigi.

Aye so Nzapa afa 7:17

ngbanga ti so Molenge ti Taba so ayeke na ndö ti mbata ti gbia ayeke bata ala tongana ataba ti lo. Lo yeke gue na ala na li ti ngu so ayeke mu fini na zo. Fade Nzapa ayeke mbo ngu ti le ti ala kue.

Awafango-ngbanga 15:19

Tongaso Nzapa asuru ya ti kota têne so du ayeke na ya ni si ayeke na Lehi; ngu asigigi na ya ni. Samson anyon ngu ni si lo kiri lo wara ngangu. Ndani laa a di iri ti li ti ngu so “Li ti ngu ti Kore”; li ti ngu ni angba ngbii asi laso.