Ésaïe 41:14 - Mbeti ti Nzapa - Tënë so amu fini

¹⁴ “Jacob, sara mbeto pepe, mo so mo yeke tongana ngusu, Israel, mo so mo yeke tongana makongo. Mbi yeke ga ti mu na mo maboko, so tënë ti yanga ti *KOTA GBIA laa. Mbi laa mbi yeke zi mo, mbi Nzapa ti Israel so mbi yeke nde si mbi yeke nzoni kue.

Ésaïe 41:14 ပူးပေါင်းရင်းမြစ်များ

Mbeti ti Job 19:25

Ti mbi, mbi hinga so zo ti zingo mbi ayeke na fini; na ndani, lo yeke luti na ndö ti sese.

Mbeti ti Job 25:6

si zo, ngusu so, senge zo ti sese, kete makongo so, lo yeke ti lo zo wa?

Abia (Psaumes) 19:14

Mo zia nga mbi, zo ti kua ti mo, yongoro na tere ti azo ti baba; mo sara si mbi mu peko ti ala na sarango ye ti ala pepe. Tongaso, fade mbi yeke ga zo so alingbi kue si a bi tënë ti kota sioni ye na li ti mbi pepe.

Abia (Psaumes) 22:6

Ala dekongo na mo si mo zi ala na ya ti pasi; ala zia be ti ala na ndö ti mo si kamene agbu le ti ala pepe.

Abia (Psaumes) 46:5

Me mbeni kota ngu ayeke daa so ayeke sua si ayeke zia ngia na be ti azo ti gbata ti Nzapa, gbata ni ayeke nde si ayeke nzoni kue; gbata ni ayeke ndo so Nzapa aduti daa, Nzapa so ayeke na yayu kâ na ndö ti aye kue.

Abia (Psaumes) 78:35

ala dabe ti ala atene, Nzapa ayeke kota têne so ala luti na ndö ni; lo so lo yeke na yayu kâ na ndö ti aye kue si lo yeke gbu koko ti ala so.

Ésaïe 35:10

Azo so KOTA GBIA ayeke zi ande ala, ala yeke mu lege ni so ti kiri. Na singo ti ala na *Sion, ala yeke dekongo na ngia. Ngia so ayeke hunzi laoko pepe, ayeke su na ndö ti le ti ala. Ngia so ahon ndoni ayeke si be ti ala singo, pasi na demango tere ayeke hon.

Ésaïe 37:4

Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 43:14

*KOTA GBIA so azi ala na gbe ti ngbaa, Nzapa ti Israel, lo so lo yeke nde si lo yeke nzoni kue, baa, tënë so lo tene ayeke so: “Ndali ti ala, mbi tokua mbeni zo ti tiri bira na Babilone. Fade mbi yeke kinda ala si ala kue aga tongana azo so ayeke kpe. Tongaso, fade dekongo ti ngia ti azo ti Babilone ayeke ga bia ti demango tere.

Ésaïe 43:3

Biani, mbi KOTA GBIA, mbi yeke Nzapa ti mo, Nzapa ti Israel so ayeke nde si ayeke nzoni kue, mbi yeke wasongo ala. Mbi mu Ezipte ti ga ye ti vongo na mo, mbi mu Etiopii na Seba ti sanze na mo.

Ésaïe 44:22

Asioni ti mo, mbi mbo ni tongana mbinda ti le ti nduzu; asiokpari ti mo, mbi zi ni tongana mbinda so ayeke hon hongo. Kiri na mbi, ngbanga ti so mbi soo mo awe.”

Ésaïe 44:24

Israel, *KOTA GBIA so azi mo, lo so lo leke mo gi so mo de na ya ti mama ti mo, tënë so lo tene ayeke so: “Mbi KOTA GBIA laa mbi sara ye kue; mbi oko laa mbi gbara le ti nduzu, mbi oko laa mbi gbara sese; zo wa laa ayeke lani na tere ti mbi, zo wa?

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Ésaïe 47:4

Zo ti zingo e, iri ti lo ayeke KOTA GBIA, lo so lo yeke na ndö ti dunia kue; lo yeke Nzapa ti Israel so ayeke nde si ayeke nzoni kue.

Ésaïe 48:17

*KOTA GBIA, lo so lo zi mo, Nzapa ti Israel so ayeke nde si ayeke nzoni kue, tënë so lo tene ayeke so: “Mbi KOTA GBIA, Nzapa ti mo, mbi laa mbi yeke fa na mo ye so mo lingbi ti baa nzoni daa. Mbi laa mbi yeke gue na mo lege so mo yeke tambula daa.

Ésaïe 49:26

Azo so asara ngangu na mo, mbi yeke sara titene ala te kasa ti tere ti ala wani, ala yeke nyon mene ti ala si ahon ndö ti ala tongana zo so anyon fini vin si ahon ndö ti lo. Tongaso, fade azo kue ayeke hinga atene, mbi yeke KOTA GBIA, wasongo mo, wazingo mo, mbi, ngangu Nzapa ti Jacob!”

Ésaïe 49:7

Mo so lani azo abaa mo tongana mbumbuse zo, so be ti azo kue ake mo, mo so mo yeke ngbaa ti azo ti sarango ngangu na zo, *KOTA GBIA, lo so lo zi azo ti lo, Nzapa ti Israel so ayeke nde si ayeke nzoni kue, tënë so lo tene na mo ayeke so: “Tongana agbia ayeke baa ande mo, ala yeke londo na ndö ti mbata ti ala; tongana amakonzi ayeke baa mo, ala yeke kuku akpo li ti ala na sese na dawa ti mo.” Ye ni ayeke si ndali ti KOTA GBIA so ayeke sara ye alingbi na tënë ti yanga ti lo, ndali ti Nzapa ti Israel so ayeke nde si ayeke nzoni kue, lo so lo soro mo.

Ésaïe 54:5

Biani, koli ti mo ayeke duti lo so lo sara mo; iri ti lo ayeke ‘KOTA GBIA so ayeke na ndö ti dunia kue’. Lo so lo zi mo ayeke Nzapa ti Israel so ayeke nde si ayeke nzoni kue, lo so azo adi iri ti lo ‘Nzapa ti sese kue’.

Ésaïe 54:8

Ngonzo asara mbi lani mingi na tere ti mo, na mbeni kete ngoi, mbi ke ti baa mo na le ti mbi. Me na lege ti ndoye so angba lakue lakue, mbi yeke baa mawa ti mo. Mbi KOTA GBIA, mbi so mbi zi mo, mbi laa mbi tene tënë so na mo.”

Ésaïe 59:20

KOTA GBIA ayeke ga ti zi Jérusalem nga na azo ti Israel so azia lege ti ngangu li ti ala. So tënë ti yanga ti KOTA GBIA laa.

Ésaïe 60:16

Fade mo yeke nyon ngu ti me ti bagara ti amara nde, mo yeke te anzoni ye ti agbia ti ala. Tongaso, fade mo yeke hinga, mo tene, mbi KOTA GBIA laa mbi yeke wasongo mo, wazingo mo, ngangu Nzapa ti Jacob.

Ésaïe 63:16

Biani, mo laa mo yeke babâ ti e. Be ti Abraham, kotara ti e agirisa na e awe; Jacob akiri ahinga e pepe; me mo KOTA GBIA, mo yeke Babâ ti e; mo so a yeke di iri ti mo “Wazingo e”, ngbene ye kpu na kpu.

Jérémie 46:27

“Ti mo Israel, zo ti kua ti mbi, sara mbeto pepe! Mo *hale ti Jacob, mo do na mbeto pepe! Biani, mbi yeke ga ti soo mo na ya ti akodro so ayeke na yongoro ndo; mbi yeke soo nga ahale ti mo na sese so a gbu ala si a gue na ala daa so. Israel, fade mo yeke kiri si mo yeke wara lege ti duti kpoo, mbeni ye sioni ti kiri ti sara mo ayeke daa pepe, mbeni zo ti kiri ti zia mbeto na be ti mo ayeke daa pepe.

Jérémie 50:34

Me wagbungo-koko ti ala ayeke ngangu; iri ti lo ayeke ‘KOTA GBIA so ayeke na ndö ti dunia kue’. Fade lo yeke gbu koko ti ala ngangu ti sara si sese ni awara siriri si azo ti Babilone ado na mbeto.”

Abia ti demango tere 3:57

Na lango so mbi dekongo na mo, mo ga nduru na mbi si mo tene: “Sara mbeto pepe!”

Daniel 10:12

Lo kiri lo tene: ‘Daniel, sara mbeto pepe. Ti londo na kozo lango so lani mo mu be ti mo titene mo hinga ye so asi si mo sara tere ti mo kete so, Nzapa ama sambela ti mo awe. Nilaa mbi ga na mbage ti mo ti kiri tënë na mo.

Osée 11:9

Fade mbi yeke sara ye na lege ti sioni ngonzo ti mbi pepe, mbi yeke kiri ti ga ti buba Efraim pepe, ngbanga ti so mbi yeke zo pepe, me mbi yeke ti mbi Nzapa. Na ndo ti mo Efraim, mbi yeke nde si mbi yeke nzoni kue; fade mbi yeke kiri ti ga na lege ti sioni ngonzo pepe.”

Matthieu 7:14

Yanga ti da so zo alingbi ti li daa si lo ngba na fini ayeke kete, lege ni ayeke kete; azo ti warango lege ni so ayeke mingi pepe.”

Nzoni Tënë so Luc asu na mbeti 12:32

“Ala azo so ayeke tongana bongbi ti akete taba, ala sara mbeto pepe, ngbanga ti so a nzere na Babâ ti ala ti mu Kodro-gbia ni na ala!

Rome 9:27

Ésaïe ato mbela na tënë na ndö ti azo ti Israel, lo tene: “Ataa wungo ti azo ti Israel ayeke tongana wungo ti mbutu ti yanga ti kota ngu-ingo, fade gi ambeni kete laa ayeke soo kuâ.

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”

Ndia ti fani use ni 7:7

Moïse atene: Ndali ti so ala wu ahon amara kue laa *KOTA GBIA aye ala si lo soro ala so pepe; me lo ye ala si lo soro ala, ngbanga ti so ala yeke kete mara mingi na popo ti amara kue.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Josué 17:18

me fade ala yeke mu sese ti ahoto so gbako ayeke daa. Ala yeke de gbako ni si ala mu ni kue, ala duti daa. Fade ala yeke tumba azo ti Kanaan ti mu sese ti ala, ataa so azo ti Kanaan ni ayeke na apusu ti mbarata ti wen si ala yeke ngangu mingi.”

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.