Ésaïe 41:13 - Mbeti ti Nzapa - Tënë so amu fini

¹³ Biani, mbi *KOTA GBIA, mbi yeke Nzapa ti mo; mbi gbu maboko ti mo ti koli, mbi tene na mo, mbi tene: ‘Sara mbeto pepe, mbi laa mbi yeke mu maboko na mo.’ ”

Ésaïe 41:13 ပူးပေါင်းရင်းမြစ်များ

Abia (Psaumes) 109:31

Biani, lo luti na mbage ti maboko ti koli ti zo ti mawa titene lo soo lo na maboko ti azo so aye ti fâ ngbanga na li ti lo.

Abia (Psaumes) 118:7

KOTA GBIA ayeke na mbage ti mbi, lo yeke mu maboko na mbi. Azo so ake mbi, mbi yeke baa tingo ti ala na le ti mbi.

Abia (Psaumes) 63:8

Biani, mo laa mo mu na mbi maboko; na gbe ti *kpangi ti mo, mbi dekongo na ngia.

Abia (Psaumes) 73:23

Andaa mbi yeke lakue na mo. Mo gbu maboko ti mbi ti koli,

Sigingo 14:13

Moïse akiri tënë na azo ni, atene: “Ala sara mbeto pepe! Ala luti tongana koli! Ala yeke baa lege so KOTA GBIA ayeke soo ala na kuâ laso. Biani, azo ti Ezipte so ala yeke baa ala laso, ala yeke kiri ti baa ala mbeni pepe!

Sigingo 20:20

Moïse atene na azo ni, atene: “Ala sara mbeto pepe! Nzapa aga ti tara gi be ti ala, tongaso si ala kpe mbeto ti lo si ala sara siokpari pepe.”

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 42:6

“Mbi KOTA GBIA laa mbi iri mo na lege ti mbirimbiri. Mbi gbu mo na maboko ti mo, mbi bata mo si mbi zia mo titene na lege ti mo, mbi na azo e ga *ambuki; mbi zia mo titene mo duti lumiere ti amara kue.

Ésaïe 43:6

Fade mbi yeke tene na Banga: ‘Kiri na ala’, mbi yeke tene na Mbongo: ‘Gbanzi ala pepe.’ Amolenge ti mbi ti koli so ayeke na yongoro ndo, mo kiri na ala; amolenge ti mbi ti wali so ayeke na nda ti sese kâ, mo kiri na ala.

Ésaïe 45:1

Tënë so *KOTA GBIA atene na Sirus, gbia so lo soro lo ayeke so: “Mbi gbu mo na maboko ti mo ti koli ti kinda amara nde na gbe ti mo, ti zi na maboko ti agbia komandema ti ala, ti zi ayanga ti gbagba ti agbata so akanga kangango na dawa ti mo.

Ésaïe 51:18

Na popo ti amolenge so kue mo du ala, mbeni oko so afa lege na mo ayeke daa pepe; na popo ti amolenge so kue mo bata ala, mbeni oko so agbu maboko ti mo ayeke daa pepe.

Jérémie 30:10

“Ti mo Israel, zo ti kua ti mbi, sara mbeto pepe! So tënë ti yanga ti KOTA GBIA laa. Mo hale ti Jacob, mo do na mbeto pepe! Biani, mbi yeke ga ti soo mo na ya ti akodro so ayeke na yongoro ndo; mbi yeke soo nga ahale ti mo na sese so a gbu ala si a gue na ala daa so. Israel, fade mo yeke kiri si mo yeke wara lege ti duti kpoo, mbeni sioni ye ti kiri ti sara mo ayeke daa pepe, mbeni zo ti kiri ti zia mbeto na be ti mo ayeke daa pepe.

Jérémie 46:27

“Ti mo Israel, zo ti kua ti mbi, sara mbeto pepe! Mo *hale ti Jacob, mo do na mbeto pepe! Biani, mbi yeke ga ti soo mo na ya ti akodro so ayeke na yongoro ndo; mbi yeke soo nga ahale ti mo na sese so a gbu ala si a gue na ala daa so. Israel, fade mo yeke kiri si mo yeke wara lege ti duti kpoo, mbeni ye sioni ti kiri ti sara mo ayeke daa pepe, mbeni zo ti kiri ti zia mbeto na be ti mo ayeke daa pepe.

Aggée 2:5

Na ndembe so ala londo ando na Ezipte ti sigigi, mbi deba yanga ti mbi na ala. Tongaso, Yingo ti mbi ayeke duti na popo ti ala, ala sara mbeto oko pepe!

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!