Ésaïe 41:1 - Mbeti ti Nzapa - Tënë so amu fini

¹ *KOTA GBIA atene: “Ala azo ti azoa, ala kai kpoo, ala ma mbi si! Ala azo, ala duti na ngangu, ala pusu nduru si ala tene tënë! E kue, e gue legeoko na ngbanga.

Ésaïe 41:1 ပူးပေါင်းရင်းမြစ်များ

Mbeti ti Job 38:3

Mo leke tere ti mo, luti tongana koli! Mbi yeke hunda mo na atënë, fade mo yeke kiri peko ni na mbi.

Abia (Psaumes) 46:10

Lo kai abira ngbii asi na nda ti sese kue; lo fâ ya ti akokora, lo kungbi ya ti alikongo, lo gbi apusu ti mbarata ti bira.

Ésaïe 1:18

*KOTA GBIA atene: “Ala ga, e leke tënë. Tongana siokpari ti ala abe tongana mene, fade ayeke kiri ti vuru tongana tukia. Tongana siokpari ti ala abe tongana ngu ti karakanzi, fade ayeke kiri ti vuru tarara.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 34:1

Ala amara nde, ala ga nduru ge, ala ma tënë! Ala azo ti dunia kue, ala dingi mê ti ala, ala ma tënë! Ayeke nzoni sese na aye so kue ayeke na ndö ni ama tënë, dunia na aye so kue ayeke sigigi daa ama tënë.

Ésaïe 40:31

Me azo so azia be ti ala na ndö ti KOTA GBIA, ala yeke wara fini ngangu; ala yeke huru tongana *ngoalo. Ala mu loro, me ala yeke woko pepe, ala tambula, me ngangu ayeke hunzi na ala pepe.

Ésaïe 41:5

Azo ti azoa abaa lo, mbeto agbu ala. Azo so ayeke na nda ti sese aga nduru, tere ti ala ayeke do dongo.

Ésaïe 43:26

Dabe ti mbi na sioni so mo baa mbi sara si e kue legeoko, e gue na ngbanga! Mo wani, mo fa oko na oko so tënë ti mo ayeke legeni.

Ésaïe 43:9

Ayeke nzoni amara kue abongbi, ayeke nzoni amara abongbi tere! Na popo ti ala, zo wa laa alingbi ti fa na e ye so ayeke si ande, zo wa? Zo wa laa alingbi ti tene tënë ti ye so asi awe, zo wa? Ayeke nzoni ala fa azo so ayeke fade na tere ti aye ni, ala fa atene, tënë ti ala ayeke na legeni! Ayeke nzoni azo so ayeke na tere ti aye ni ayeda, atene: “Ye ni ayeke taa-tënë!”

Ésaïe 48:16

Ala ga nduru na mbi, ala ma tënë so: Ngbene ye na tongo nda ni, mbi tene tënë na hondengo ni pepe. Na ngoi so aye ni so asi, mbi yeke daa. Fadeso, Kota Gbia NZAPA atokua mbi, lo mu na mbi yingo ti lo.

Ésaïe 49:1

Ala so ayeke lango na yongoro ndo, ala ma mbi! Ala so ayeke na yongoro ndo, ala dingi mê ti ala, ala ma! Kozo titene a du mbi, *KOTA GBIA airi mbi; gi so mbi de na ya ti mama ti mbi, lo di iri ti mbi.

Ésaïe 50:8

*KOTA GBIA ayeke nduru na mbi, lo so lo yeke sara si mbi ga mbirimbiri. Zo wa laa aye ti bi tënë na li ti mbi, zo wa? Ayeke nzoni mbi na lo, e gue na ngbanga! Zo wa laa aye ti ga wato ti mbi na le ngbanga, zo wa? Ayeke nzoni lo ga na dawa ti mbi!

Habakuk 2:20

Me KOTA GBIA ayeke na ya ti kota da ti lo so ayeke nde si ayeke nzoni kue. Ayeke nzoni azo ti sese kue akai kpoo na dawa ti lo!”

Zakarii 2:13

Biani, mbi yeke yoro maboko ti mbi ti pika amara ni so. Tongaso, azo so amara ni agbu ala lani na ngbaa so, angbaa ni ayeke kiri ti gbu amara ni tongana aye so a gbu na peko ti bira.” Tongana ye ni asi, fade ala yeke hinga atene, KOTA GBIA so ayeke na ndö ti dunia kue laa atokua mbi.