Ésaïe 40:7 - Mbeti ti Nzapa - Tënë so amu fini

⁷ Tongana pupu ti KOTA GBIA ahon na ndö ni, pere ni ayeke hole si kongo ni ayeke ti. Biani, azo ayeke tongana pere.

Ésaïe 40:7 ပူးပေါင်းရင်းမြစ်များ

Mbeti ti Job 14:2

Lo yeke tongana kongo so asigigi si ahole; lo hon tongana gbe ti de, lo ninga pepe.

Mbeti ti Job 4:9

Tongana Nzapa ahuru pupu na ndö ti azo ni, ala yeke kui; tongana sioni ngonzo ti lo alondo, ala hunzi kue.

Mbeti ti Job 41:21

Lo yeke baa kota nengo keke tongana mbeni holengo pere; toto ti alikongo so ayeke hon, lo yeke he ni hengo.

Abia (Psaumes) 102:4

Biani, lango ti fini ti mbi ahon tongana guru ti wâ, abio ti mbi ayeke gbi tongana le ti wâ.

Abia (Psaumes) 103:15

Fini ti zo ayeke tongana pere; zo ayeke tongana kongo ti ngonda so asigigi,

Abia (Psaumes) 103:16

tongana pupu aya na ndö ni, kongo ni agirisa biani biani, zo ahinga ndo so ayeke fade daa pepe.

Abia (Psaumes) 90:5

Mo sara si fini ti zo ahon tongana ti so lango ti ndaperere ayeke hon na le ti zo, tongana pere so asigigi.

Abia (Psaumes) 90:6

Na ndaperere, kongo ti pere ni asigigi, akono; na lakui, awoko si ahole.

Ésaïe 11:4

Me azo so ye atia ala, lo yeke fâ ngbanga ti ala mbirimbiri; awayere so ayeke na ya ti kodro, lo yeke leke tënë ti ala na legeni. Tënë ti yanga ti lo ayeke pika kodro ni tongana keke so ayeke pika ye, pupu ti yanga ti lo ayeke fâ azo ti sioni.

Ésaïe 37:27

Azo so ayeke lango na ya ti gbata ni, ala yeke na ngangu pepe, kota mbeto ahon ndö ti ala, kamene ahon ndö ti ala. Ala yeke tongana pere ti yaka, ala yeke tongana fini pere ti ngonda, ala yeke tongana pere so asigigi na li ti da, wala tongana sese so ayeke daa kozo titene le ti kobe asigigi daa.

Ésaïe 40:24

Ataa a iri ala na kua gi fafadeso, ataa ala gbu mbata ti kua ti ala gi fafadeso, ataa gere ti ala ade ti li sese pepe, mo ye ti baa, KOTA GBIA ahuru pupu na ndö ti ala. Tongaso, ala hole si ngangu pupu ahon na ala tongana holengo pere.

Ésaïe 51:12

*KOTA GBIA atene: “Mbi, mbi laa mbi yeke de be ti ala. Azo ti mbi, ala yeke sara mbeto ti zo so ayeke kui kuingo so ngbanga ti nyen? Fini ti lo ayeke tongana pere.

Aggée 1:9

Ala ku fade ti wara kobe ti yaka mingi, me ala wara ni gi kete. Kete ni so angba na ala so, mbi huru ni si ahon kue. Ye ni asi tongaso ndali ti nyen? So tënë ti yanga ti KOTA GBIA so ayeke na ndö ti dunia kue laa: Ye ni asi ndali ti so kota da ti mbi abuba, me zo oko oko amu ngangu ti lo kue ti sara gi da ti lo wani.

Jacques 1:10

Alingbi ita so ayeke zo ti mosoro agonda tere ti lo, ngbanga ti so Nzapa akiri na lo na kete ndo. Biani, zo ti mosoro ayeke hon ande tongana kongo ti ngonda.

Jacques 1:11

Lâ asigigi, asu ngangu si ahole pere ti kongo ni; kongo ni ati si pendere ni ahon. Ti zo ti mosoro ayeke nga gi tongaso: fade lo yeke kui si lo do akua ti lo ti zia.