Ésaïe 40:4 - Mbeti ti Nzapa - Tënë so amu fini

⁴ Ndo so ayeke na popo-hoto, ayeke nzoni a tuku sese daa asi, a de na sese ahoto na akete hoto! Ayeke nzoni akete hoto aga kpangbara sese, ando so ayeke na nduzu aga popo-hoto.

Ésaïe 40:4 ပူးပေါင်းရင်းမြစ်များ

Amato 2:15

Lege ti sarango ye ti ala ayeke kirikiri si lege so ala mu aba bango.

Ésaïe 40:3

Mbeni go adekongo, atene: “Na benyama, ala suru lege ndali ti KOTA GBIA; na lando so ngu ayeke daa pepe, ala leke lege mbirimbiri ndali ti Nzapa ti e!

Ésaïe 40:5

Tongaso, fade gonda ti KOTA GBIA ayeke sigigi polele si azo ti sese kue ayeke baa ni. Tënë so asigigi na yanga ti KOTA GBA laa.”

Ésaïe 42:11

Ala azo ti benyama na ala azo ti agbata ti benyama, ala he bia! Ala azo ti akete kodro ti Kedar, ala he bia! Ala azo so alango na gbata ti Kota têne, ala dekongo na ngia! Na ndö ti hoto, ala dekongo na ngia!

Ésaïe 45:2

Fade mbi wani, mbi yeke tambula na dawa ti mo, alege so ayeke kûtukûtu, mbi yeke sara si aga kpangbara; ayanga ti gbagba so a sara na bengba wen, mbi yeke kungbi ni. Kota wen ti kangango na yanga ti gbagba, mbi yeke fâ ya ni.

Ésaïe 49:11

Mbi yeke sara titene ahoto kue aga nzoni lege, mbi yeke kiri ti kanga adu ti alege.

Ésaïe 62:10

Azo ti Jérusalem, ala sigigi, ala sigigi hio na ya ti gbata ni! Ala gue, aleke lege na azo so ayeke kiri, ala kanga adu so ayeke na ndö ti alege, ala zi atêne na ndö ti alege ni, ala yo bendere na nduzu ndali ti azo ni.

Ezekiel 17:24

Tongaso, fade akeke ti yaka kue ayeke hinga atene, mbi laa mbi yeke KOTA GBIA. Mbi yeke sara si akeke so ayo na nduzu mingi aga kete; mbi yeke sara si akete keke amai. Mbi yeke sara si afini keke ahole, mbi yeke sara si akongo asigigi na ndö ti aholengo keke. Mbi KOTA GBIA, mbi tene tënë awe, mbi yeke sara ye ni.”

Ezekiel 21:26

Gbia ti Babilone aluti na sangbi-lege ni, na ndo so alege use so atengbi daa ti bi zeke. Lo yingi ale ti kokora, lo hunda anzapa ti lo, lo baa be ti anyama.

Zakarii 4:7

Ange ni akiri atene: “Kota hoto, mo yeke nyen? Na dawa ti Zorobabel, mo ga kpangbara ndo. Na ndo so laa lo yeke sigigi na kozo têne ti gere ti da ni. Fade azo ayeke dekongo, atene: ‘So pendere têne! So pendere têne!’ ”

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

Nzoni Tënë so Luc asu na mbeti 3:5

Akota du kue ti apopo-hoto, ala kanga ni, akota hoto na akete hoto, ala de ni na sese si ndo ni aga kpangbara; alege so aba bango, ala leke ni si aga mbirimbiri, alege so atêne ayeke daa, ala zi atêne ni si alege ni aga nzoni’,

1 Samuel 2:8

Zo so ayeke na ngangu pepe si ayeke lango na ya ti fuku ti sese, KOTA GBIA laa ayeke mu lo na nduzu. Zo ti mawa so ayeke lango na ya ti azende, KOTA GBIA ayeke mu lo ti zia lo na popo ti akota zo. Lo yeke mu azo ti mawa ti zia ala na kota ndo. Agere ti sese ayeke ti KOTA GBIA; lo laa lo leke sese ni na ndö ni.