Ésaïe 40:31 - Mbeti ti Nzapa - Tënë so amu fini

³¹ Me azo so azia be ti ala na ndö ti KOTA GBIA, ala yeke wara fini ngangu; ala yeke huru tongana *ngoalo. Ala mu loro, me ala yeke woko pepe, ala tambula, me ngangu ayeke hunzi na ala pepe.

Ésaïe 40:31 ပူးပေါင်းရင်းမြစ်များ

Mbeti ti Job 17:9

Ala yeke tene: “Ayeke nzoni zo ti mbirimbiri angba gi na lege ti sarango ye ti lo; zo so maboko ti lo avuru, ayeke nzoni lo kiri lo gbu ngangu ahon ti kozoni!”

Abia (Psaumes) 103:5

Lo sara si na lango ti fini ti mbi kue, anzoni ye asi singo na mbi; lo sara si mbi kiri mbi wara ngangu tongana ti maseka si mbi duti na ngangu tongana *ngoalo.

Abia (Psaumes) 123:2

*KOTA GBIA, Nzapa ti e, le ti e kue ayeke gi na mbage ti mo, tongana ti so le ti angbaa ayeke baa gi maboko ti awa ti ala so, wala tongana ti so ngbaa-wali ayeke baa gi maboko ti wa ti lo so. KOTA GBIA, e yeke baa ndo na mbage ti mo, ngbii mo baa mawa ti e si.

Abia (Psaumes) 138:3

Na lango so mbi iri mo, mo yeda na mbi, mo mu ngangu na be ti mbi, mo kiri ngangu na ya ti tere ti mbi.

Abia (Psaumes) 20:9

Azo ni so awoko si ala ti na sese; ti e, e ngba na nduzu, e luti nganganga.

Abia (Psaumes) 25:21

Mbi zia be ti mbi ti ku mo; mo bata mbi na lege ti taa-tënë nga na lege ti ye ti mbirimbiri.

Abia (Psaumes) 25:3

Azo so azia be ti ala ti ku mo, kamene ayeke gbu ka ala pepe. Me ala so aka mo senge senge, ala laa kamene ayeke gbu ala.

Abia (Psaumes) 25:5

Sara si mbi tambula na lege ti taa-tënë ti mo. Fa na mbi ye ndali ti so mo yeke Nzapa so ayeke soo mbi. Mbi zia be ti mbi ti ku mo lakue.

Abia (Psaumes) 37:34

Zia be ti mo ti ku gi KOTA GBIA, mo mu gi lege so lo fa na mo. Fade lo yeke mu mo na nduzu titene mo mu kodro ni si aga ti mo, fade mo yeke baa azo ti sioni so a yeke bi ala na gigi.

Abia (Psaumes) 40:1

Bia ti David; bia so ayeke ndali ti makonzi-bia.

Abia (Psaumes) 84:7

Tongana ala hon na popo-hoto ti Baka so ahole holengo, ala sara si ngu asigigi daa; akozo ngu-Nzapa asara si nzoni ye amu ndo ni kue.

Abia (Psaumes) 84:8

Na guengo ni, ala yeke wara ngangu na ndoni, na ndoni si ala si na dawa ti Nzapa na Sion.

Abia (Psaumes) 92:1

Bia. A yeke he ni na *lango ti wungo tere.

Abia (Psaumes) 92:13

Zo ti mbirimbiri ayeke kono tongana keke ti mburu, lo yeke ga kota tongana keke ti sedre ti Liban.

Sigingo 19:4

‘Ala wani abaa na le ti ala ye so mbi sara na azo ti Ezipte. Ala baa lege so mbi yo ala, mbi ga na ala ge na tere ti mbi; mbi yo ala tongana ti so *ngoalo ayeke yo amolenge ti lo na ndö ti *kpangi ti lo.

Amato 30:19

lege ti ngoalo na le ti nduzu, lege ti ngbo na ndö ti kota têne, lege ti mangboko na le ti kota ngu-ingo na lege ti koli na tere ti mbeni maseka-wali.

B. ti abia 8:5

Wali wa laa alondo na benyama si ayeke ga, lo gbu kamba ti be ti lo na tere ti lo so? Mbi zingo mo na gbe ti keke ti pome, ndo so mama ti mo amu ngo ti mo daa, ndo so mama ti mo adu mo daa.

Ésaïe 25:9

Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Ésaïe 30:15

Biani, Kota Gbia NZAPA ti Israel, lo so lo yeke nde si lo yeke nzoni kue, tënë so lo tene ayeke so: Ala lingbi ti soo kuâ gi tongana ala kiri na mbi si ala duti kpoo. Ala yeke wara ngangu gi tongana ala duti kpoo si ala zia be ti ala na ndö ti mbi. Me ala ye pepe.

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 41:1

*KOTA GBIA atene: “Ala azo ti azoa, ala kai kpoo, ala ma mbi si! Ala azo, ala duti na ngangu, ala pusu nduru si ala tene tënë! E kue, e gue legeoko na ngbanga.

Ésaïe 64:4

Azo so ayeke sara ye ti mbirimbiri na ngia, ala so ayeke dabe ti ala na mo si ala yeke tambula na lege ti mo, mo yeke ga ti tengbi ala. Me so mo sara ngonzo mingi so, nda ni ayeke so e sara siokpari. Andaa, gi na ndö ti alege ti giriri so laa e yeke soo ande kuâ.

Ésaïe 8:17

Mbi yeke ku *KOTA GBIA, lo so lo bi le ti lo yongoro na *ahale ti Jacob; mbi zia be ti mbi ti ku lo.

Jérémie 48:15

Ka so kodro ti Moab abuba kue awe so, azo alondo ti tiri bira na agbata ni si ala mu angangu maseka ti lo ti gue na ala na ndo ti fango azo so!” Gbia so iri ti lo ayeke KOTA GBIA so ayeke na ndö ti dunia kue, tënë so lo tene ayeke so:

Zakarii 10:12

Mbi yeke mu ngangu na azo ti mbi si ala yeke sara ye gi na iri ti mbi”; so tënë ti yanga ti KOTA GBIA laa.

Nzoni Tënë so Luc asu na mbeti 18:1

Jésus atene na ala mbeni toli ti fa na ala atene, ayeke nzoni ala sambela lakue, be ti ala awoko pepe.

Rome 8:25

Me tongana e zia be ti e ti ku ye so le ti e ade ti baa pepe, fade e yeke kanga be ti e ti ku ni.

2 Korente 4:1

Nzapa asara nzoni be na e si lo mu na e kua ni so, nilaa be ti e awoko pepe.

2 Korente 4:16

Ndani laa be ti e awoko pepe. Ataa so tere ti e ti zo ayeke buba kete na kete, fini so ayeke na be ti e kâ ayeke wara ti lo ngangu lakue.

Galasii 6:9

Be ti e awoko pepe na sarango nzoni ye, ndali ti so tongana ndembe ni alingbi si e ngba na lege ni, fade e yeke ko lengo ni.

Ndia ti fani use ni 32:11

KOTA GBIA ayeke tongana *ngoalo so ayeke huru na ndö ti da ti lo, lo yeke iri akete molenge ti lo ti huru nga. Lo yeke zi ya ti *akpangi ti lo, lo yo ala na ndö ti kpangi ti lo.

Ndia ti fani use ni 33:25

Ayeke nzoni a kanga yanga ti gbagba ti lo na angbongboro kerere ti wen na ti bengba wen. Ayeke nzoni ngangu ti lo angba alingbi na lango ti fini ti lo kue!”

1 Tesalonike 1:10

Fadeso ala yeke ku Jésus, Molenge ti lo so ayeke londo na yayu ti ga. Nzapa azingo Molenge ti lo ni na kuâ, lo so lo yeke zi e na gbe ti ngonzo ti Nzapa so ayeke ga.

Ahebro 12:1

So gba ti azo so asara ando ye na lege ti mabe ti ala ayeke ngoro e, ayeke nzoni e nga, e zi na ndö ti e akungba so kue ayeke sara si e tambula gbaa so, e zia nga lege ti siokpari so ayeke gbu e hio hio na ya ti gbanda ti lo. E kpe loro ti mandako so e yeke na ya ni so ngangu, e zia lege ni pepe.

Ahebro 12:3

Ala dabe ti ala na Jésus, na pasi so lo baa na maboko ti azo ti siokpari so ake lo, tongaso si be ti ala awoko pepe si ala zia lege ni pepe.

Josué 14:11

Ngangu so mbi yeke na ni laso ayeke tongana ti so mbi yeke na ni ando, na ndembe so Moïse atokua mbi ti bembe ndo so. Ngangu so mbi yeke na ni ando angba fadeso, tongaso mbi lingbi ti gue ti tiri bira wala ti sara mbeni kua nde senge.

Aye so Nzapa afa 12:14

Me a mu *akpangi use ti kota *ngoalo na wali ni titene lo huru na ni, lo gue na benyama. Lo gue na ndo so a leke ndali ti lo titene lo duti yongoro na tere ti sioni nyama ni. Kâ, a yeke mu kobe na wali ni na ya ti ngu ota na ndambo.

Aye so Nzapa afa 2:3

Mo kanga be ti mo: mo baa pasi ndali ti mbi, be ti mo awoko pepe.

Aye so Nzapa afa 4:7

Kozo ye so ayeke na fini akpa bamara, use ni akpa koli-bagara, ota ni ayeke na le so akpa le ti zo, osio ni akpa *ngoalo so ayeke huru.

Awafango-ngbanga 16:28

Tongaso, Samson asambela KOTA GBIA, lo tene: “Kota Gbia NZAPA, mbi voro mo, dabe ti mo na mbi! Kiri mo mu ngangu na mbi ti fani oko si gi fani oko, mbi lingbi ti kiri peko ti sioni na azo ti Filistii ndali ti le ti mbi so ala koro ni use kue so!”