Ésaïe 40:30 - Mbeti ti Nzapa - Tënë so amu fini

³⁰ Ataa amaseka, ngangu ayeke hunzi na ala si ala yeke woko; ataa angangu maseka ayeke ti.

Ésaïe 40:30 ပူးပေါင်းရင်းမြစ်များ

Abia (Psaumes) 33:16

Na ya ti bira, gba ti aturugu laa ayeke soo gbia pepe; ngangu ti kpengba zo ti bira laa ayeke zi lo pepe.

Abia (Psaumes) 34:10

Ala azo so KOTA GBIA azia ala nde ndali ti lo, ala kpe mbeto ti lo! Biani, azo so ayeke kpe mbeto ti lo, ye ayeke tia ala pepe.

Abia (Psaumes) 39:5

*KOTA GBIA, fa na mbi lango so fini ti mbi ayeke hunzi na ni; lango ti mbi angba oke na ndö ti dunia so? Tongaso si mbi hinga, mbi tene, lango ti mbi ayeke ninga pepe.

Zo ti bongbingo azo 9:11

Mbi kiri mbi baa ambeni ye na ndö ti sese so. Azo so ayeke kpe loro mingi, ala yeke so benda lakue pepe; akpengba zo ayeke kinda amba ti ala na bira lakue pepe. Azo ti ndara ayeke wara kobe ti tengo ni lakue pepe; azo ti hingango ndo ayeke wara mosoro lakue pepe; azo so ahinga ye mingi laa, azo ayeke gonda ala lakue pepe. Azo so kue so, mbeni lâ ala lingbi ti duti nzoni, mbeni lâ ye ti vundu alingbi ti si na ala.

Ésaïe 13:18

Ala yeke fâ amaseka na kokora ti ala, akete molenge so a du ala fini ni, azo ni ayeke zia ala pepe; mawa ti amolenge ayeke sara ala pepe.”

Ésaïe 9:17

Biani, sioni ti azo ni ayeke gbi ye tongana wâ so ayeke gbi aki na akamba ti ki. Wâ ni ati na ya ti gbako si ngbongboro guru ayeke londo ti gue na nduzu.

Jérémie 48:15

Ka so kodro ti Moab abuba kue awe so, azo alondo ti tiri bira na agbata ni si ala mu angangu maseka ti lo ti gue na ala na ndo ti fango azo so!” Gbia so iri ti lo ayeke KOTA GBIA so ayeke na ndö ti dunia kue, tënë so lo tene ayeke so:

Jérémie 6:11

Ti mbi, ngonzo ti mo, KOTA GBIA, asi be ti mbi singo. Mbi kanga be ti mbi gbaa. “Ayeke nzoni mo tuku ngonzo ni na ndö ti amolenge so ayeke na ndö ti alege; mo tuku ni na ndö ti bongbi ti amaseka. Akoli na awali, akangba na azo so ate gigi mingi, fade a yeke mu ala kue ti hon na ala.

Jérémie 9:21

“Ti mo Jérémie, mo tene: So tënë ti yanga ti KOTA GBIA laa: ‘Kuâ ti azo ayeke lango na sese tongana puru na le ti yaka, tongana ale ti kobe so azo ti fango ale ti kobe afâ ni si ati na sese si zo ti rongo ni ayeke daa pepe.’ ”

Amos 2:14

Ataa azo so gere ti ala ayapu na mungo loro, ala lingbi ti kpe pepe; ataa azo so ayeke na ngangu mingi, ala lingbi ti sara ye na ngangu ti ala ni pepe; ataa angangu turugu, ala lingbi ti soo fini ti ala pepe.

1 Samuel 30:10

Azo ngbangbo use awoko kue, ala lingbi ti fâ kete ngu ti Besor pepe si ala ngba na ndo so. David na azo ngbangbo osio laa angba ti tumba peko ti azo ni.