Ésaïe 40:3 - Mbeti ti Nzapa - Tënë so amu fini

³ Mbeni go adekongo, atene: “Na benyama, ala suru lege ndali ti KOTA GBIA; na lando so ngu ayeke daa pepe, ala leke lege mbirimbiri ndali ti Nzapa ti e!

Ésaïe 40:3 ပူးပေါင်းရင်းမြစ်များ

Abia (Psaumes) 68:4

Me azo ti mbirimbiri ayeke sara ngia, ala yeke dodo na ngia na le ti Nzapa, ngia ti ala ni ahon ndoni.

Ésaïe 35:8

Na ndo so, a yeke suru mbeni lege so a di iri ni “Lege so a zia nde”. Zo ti *sioni oko alingbi ti hon daa pepe, a yeke bata ni ndali ti azo ti KOTA GBIA titene ala tambula daa. Azo ti buba ayeke girisa lege na ndo so pepe.

Ésaïe 40:4

Ndo so ayeke na popo-hoto, ayeke nzoni a tuku sese daa asi, a de na sese ahoto na akete hoto! Ayeke nzoni akete hoto aga kpangbara sese, ando so ayeke na nduzu aga popo-hoto.

Ésaïe 43:19

Baa, mbi yeke sara mbeni fini ye, fini ye ni aga nduru ti si awe; ade ala baa ni pepe? Biani, mbi yeke suru lege na ya ti benyama, mbi yeke sara titene *abale asua na ndo so ahole holengo.

Ésaïe 49:11

Mbi yeke sara titene ahoto kue aga nzoni lege, mbi yeke kiri ti kanga adu ti alege.

Ésaïe 57:14

*KOTA GBIA atene: “Ala suru lege, ala sara hio, ala leke lege; ala zi ye so kue ayeke kanga lege na azo ti mbi!”

Malashii 3:1

Tënë so *KOTA GBIA so ayeke na ndö ti dunia kue atene laa: “Baa, mbi yeke tokua zo ti mbi; lo yeke leke lege na dawa ti mbi. Gi hio tongaso, kota zo so ala yeke gi lo so, fade lo yeke si na ya ti kota da ti lo. Zo ti tokua so ala sara nzara ti lo so ayeke ga ti fa tënë ti *mbuki ti mbi na ala.

Jean 1:23

Jean akiri tënë na ala: “Mbi yeke zo so ayeke dekongo na benyama, atene: ‘Ala sara si lege ti *Kota Gbia aluti mbirimbiri!’ ” – Tënë so wayanga-Nzapa Ésaïe atene ando laa.