Ésaïe 40:29 - Mbeti ti Nzapa - Tënë so amu fini

²⁹ Zo so awoko awe, lo yeke mu ngangu na zo ni; zo so ngangu ti lo ahunzi kue, lo yeke kiri ngangu na lo.

Ésaïe 40:29 ပူးပေါင်းရင်းမြစ်များ

Tongo nda ti aye 49:24

Me lo gbu kokora ti lo lakue ngangu, maboko ti lo angba daa ngangu na lege ti ngangu ti Nzapa, lo so lo yeke ngangu Nzapa ti Jacob, Nzapa so ayeke tongana wabatango-taba, wala tongana têne so ayeke bata azo ti Israel.

Néhémie 6:9

Biani, azo so kue aye ti bi mbeto na ya ti e; nilaa ala tene: “Gbaa, fade be ti ala ayeke woko si ala yeke do lege ti kua ni ti zia.” KOTA GBIA, mo mu na mbi ngangu ndali ti kua ni!

Abia (Psaumes) 29:11

Fade KOTA GBIA ayeke mu ngangu na azo ti lo; KOTA GBIA ayeke sara tufa na ndö ti azo ti lo na mungo na ala siriri.

Abia (Psaumes) 68:10

Nzapa, mo sara si ngu apika mingi; sese ti mo so lani abuba so, mo sara si akiri aga nzoni.

Abia (Psaumes) 68:35

Ala azo, ala fa so Nzapa ayeke ngangu, nengo ti lo ti gbia ayeke na ndö ti Israel, ngangu ti lo ayeke na ya ti ambinda.

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 50:4

Kota Gbia NZAPA afa na mbi tënë so mbi lingbi ti tene, titene mbi hinga lege ti mu ngangu na zo so awoko. Lakue na ndaperere, lo yeke zingo mbi, lo yeke zi mê ti mbi titene mbi ma ndo tongana adisiple.

Jérémie 31:25

Biani, azo so awoko na nzara ti ngu, fade mbi yeke mu na ala ngu ti nyon; azo so ngangu atia ala, mbi yeke mu na ala kota ngangu.

Zakarii 10:12

Mbi yeke mu ngangu na azo ti mbi si ala yeke sara ye gi na iri ti mbi”; so tënë ti yanga ti KOTA GBIA laa.

2 Korente 4:16

Ndani laa be ti e awoko pepe. Ataa so tere ti e ti zo ayeke buba kete na kete, fini so ayeke na be ti e kâ ayeke wara ti lo ngangu lakue.

Ndia ti fani use ni 33:25

Ayeke nzoni a kanga yanga ti gbagba ti lo na angbongboro kerere ti wen na ti bengba wen. Ayeke nzoni ngangu ti lo angba alingbi na lango ti fini ti lo kue!”

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

Kolose 1:11

Fade Nzapa ayeke sara titene ala kpengba mingi na lege ti ngangu ti lo so ayeke fa gonda ti lo. Tongaso, na ya ti aye ti ngangu kue, ala lingbi ti gbu ngangu, ala kanga be ti ala ti ku.

Ahebro 11:34

ala mingo angangu wâ, ala kpe na maboko ti azo so aye ti fâ ala na yongoro zeme, ala kiri awara ngangu na peko ti kobela so asara ala; ala ga akpengba zo ti sarango bira, ala tumba aturugu ti akodro wande.

Awafango-ngbanga 15:19

Tongaso Nzapa asuru ya ti kota têne so du ayeke na ya ni si ayeke na Lehi; ngu asigigi na ya ni. Samson anyon ngu ni si lo kiri lo wara ngangu. Ndani laa a di iri ti li ti ngu so “Li ti ngu ti Kore”; li ti ngu ni angba ngbii asi laso.

1 Samuel 2:4

Ya ti kokora ti angangu turugu afâ awe; me azo so ngangu ti ala ahunzi biani biani, ala kiri awara ngangu.