Ésaïe 40:27 - Mbeti ti Nzapa - Tënë so amu fini

²⁷ Jacob, ngbanga ti nyen si mo tene tënë tongaso? Israel, ngbanga ti nyen si mo tene: “Ye so asi na mbi so, *KOTA GBIA abaa ni pepe. Nzoni fango ngbanga ti mbi, le ti Nzapa ti mbi ati na ndö ni pepe”?

Ésaïe 40:27 ပူးပေါင်းရင်းမြစ်များ

Mbeti ti Job 23:14

Ye so lo leke na be ti lo ti sara na mbi, fade lo yeke sara ni; mara ti aye ni so angba mingi na be ti lo ti sara.

Mbeti ti Job 27:2

Mbi deba na iri ti Nzapa so ayeke na fini! Lo laa lo ke ti fâ ya ti ngbanga ti mbi na legeni. Mbi deba na iri ti lo so ngangu ti lo ahon angangu kue! Lo laa lo sara si vundu asi singo na be ti mbi.

Mbeti ti Job 34:5

Tënë so Job atene ayeke so: “Mbi sara sioni pepe, me Nzapa ake ti yeda so mbi yeke mbirimbiri.

Ésaïe 25:1

*KOTA GBIA, mo yeke Nzapa ti mbi, mbi yeke ya iri ti mo, mbi yeke sepela iri ti mo, ngbanga ti so mo sara aye ti dongo be. Mo leke tënë ti aye ni na be ti mo ngbene ye aninga, aluti ngangu si akpengba.

Ésaïe 44:21

“Jacob, dabe ti mo na tënë so: Israel, mo yeke zo ti kua ti mbi; mbi leke mo titene mo ga zo ti kua ti mbi. Fade be ti mbi ayeke girisa na mo pepe.

Ésaïe 49:14

*Sion atene: “*KOTA GBIA ado mbi azia awe! Be ti Kota Gbia ti mbi agirisa na mbi awe!”

Ésaïe 49:4

Ti mbi, mbi tene fade, mbi tene: “Mbi baa pasi na sarango kua senge senge, mbi hunzi ngangu ti mbi kue senge senge, ye ti peko ni oko ayeke daa pepe.” Andaa *KOTA GBIA laa ayeke baa lege ti nzoni fango ngbanga ti mbi, futa ti mbi ayeke na maboko ti Nzapa ti mbi.

Ésaïe 54:8

Ngonzo asara mbi lani mingi na tere ti mo, na mbeni kete ngoi, mbi ke ti baa mo na le ti mbi. Me na lege ti ndoye so angba lakue lakue, mbi yeke baa mawa ti mo. Mbi KOTA GBIA, mbi so mbi zi mo, mbi laa mbi tene tënë so na mo.”

1 Samuel 27:1

David atene na be ti lo, atene: “Mbeni lâ, Saul ayeke fâ mbi ande. Mbeni ye nde titene mbi sara ayeke daa pepe. Ayeke nzoni mbi kpe biani biani mbi honde tere ti mbi na ndo ti azo ti Filistii. Tongaso si Saul azia ti tumba peko ti mbi na sese ti Israel si mbi wara lege ti kpe na maboko ti lo.”