Ésaïe 40:26 - Mbeti ti Nzapa - Tënë so amu fini

²⁶ Ala yo le ti ala na nduzu, ala baa ndo: Zo wa laa asara atongoro, zo wa? Zo wa laa asara si ala yeke tambula na molongo tongana aturugu so, zo wa? Lo yeke iri ala oko oko kue na iri ti ala. Na lege ti kota ngangu ti lo nga na kota komandema ti lo, tongoro oko so ake ti ga na iringo ndo ti lo ayeke daa pepe.

Ésaïe 40:26 ပူးပေါင်းရင်းမြစ်များ

Tongo nda ti aye 1:14

Nzapa atene: “Ayeke nzoni aye so ayeke su asigigi na le ti nduzu ti kangbi popo ti kota lâ na bi. Fade aye ni ayeke sara titene azo ahinga alango ti amatanga, na ambeni lango nde nde, na angu so ayeke hon.

Tongo nda ti aye 1:16

Nzapa asara akota ye so ayeke su so use. Lo sara kota ni titene aduti tongana makonzi na kota lâ si lo sara kete ni titene aduti tongana makonzi na bi. Lo sara nga atongoro.

Abia (Psaumes) 102:25

Mbi tene: “Nzapa ti mbi, mo yeke na fini kpu na kpu! Mbi de ti si na ndambo ti lango ti fini ti mbi pepe; zi fini ti mbi ni hio tongaso pepe!”

Abia (Psaumes) 119:91

Ndali ti atënë ti fango ngbanga ti mo, aye so mo sara angba ngbii asi laso. Biani, dunia kue ayeke sara kua na mo.

Abia (Psaumes) 121:1

A leke bia so ndali ti guengo ni na Jérusalem. Mbi yo le ti mbi na nduzu ti baa ndo na mbage ti ahoto: zo ti mungo maboko na mbi ayeke zo wa?

Abia (Psaumes) 19:1

Bia ti David; bia so ayeke ndali ti makonzi-bia.

Abia (Psaumes) 66:3

Ala tene na Nzapa, atene: “Aye so mo sara ayeke zia mbeto na be ti zo! Ndali ti kota ngangu ti mo, awato ti mo ayeke woko tere ti ala na gbe ti mo.

Ésaïe 34:16

Tongana ala gi na ya ti mbeti ti KOTA GBIA, fade ala yeke diko tënë so: Na popo ti anyama so kue, mbeni oko angba na peko pepe, mbeni oko so ake ti ga ayeke daa pepe. KOTA GBIA laa amu yanga na ala, yingo ti lo laa abongbi ala.

Ésaïe 42:5

Nzapa, *KOTA GBIA asara yayu, lo gbara le ti nduzu; lo gbara sese na aye so kue asigigi daa, lo mu fini na azo so ayeke na ndö ti sese, lo mu pupu ti wungo ni na azo ti ndö ti sese ni; tënë so lo tene ayeke so:

Ésaïe 44:24

Israel, *KOTA GBIA so azi mo, lo so lo leke mo gi so mo de na ya ti mama ti mo, tënë so lo tene ayeke so: “Mbi KOTA GBIA laa mbi sara ye kue; mbi oko laa mbi gbara le ti nduzu, mbi oko laa mbi gbara sese; zo wa laa ayeke lani na tere ti mbi, zo wa?

Ésaïe 45:12

Mbi laa mbi sara sese si mbi sara zo na ndö ni. Maboko ti mbi wani laa agbara le ti nduzu si mbi yeke sara komandema na ndö ti aye ti le ti nduzu kue kue kue.

Ésaïe 45:7

Mbi yeke sara vurungo ndo, mbi yeke sara vukongo ndo. Mbi yeke sara si ye aga nzoni, mbi yeke sara si mawa aga. Mbi laa mbi yeke KOTA GBIA so mbi yeke sara aye so kue.

Ésaïe 48:12

*KOTA GBIA atene: “Jacob, ma mbi! Israel, mbi laa mbi iri mo. Mbi ngba lakue Nzapa: mbi yeke kozoni, mbi yeke ndangba ni.

Ésaïe 48:13

Na maboko ti mbi wani, mbi zia gere ti sese; na maboko ti mbi ti koli, mbi gbara le ti nduzu: gi so mbi iri ala, ala ga aluti.

Ésaïe 51:6

Ala yo le ti ala, ala baa ndo na yayu, na pekoni, ala baa ndo na sese: fade yayu ayeke hon tongana guru ti wâ, sese ayeke buba tongana gbagba bongo, azo ti ndö ti sese ni ayeke kui tongana avuma. Me zingo azo ayeke ngba kpu na kpu, songo azo so mbi yeke ga ti soo ala ayeke ngba lakue lakue.

Ésaïe 66:2

Aye so kue, maboko ti mbi laa asara ni si abaa gigi, so tënë ti yanga ti mbi KOTA GBIA laa. Me zo ti mawa so be ti lo awoko, lo so lo ma tënë ti mbi si tere ti lo ayeke do, zo tongaso laa mbi yeke baa lo na nzoni le.

Ndia ti fani use ni 4:19

Tongana ala yo le ti ala na nduzu ti baa lâ, nze, atongoro, na aye so kue ayeke mingi mingi na le ti nduzu, mbeni ye ahanda ala pepe ti kuku na gbe ti aye ni, ala voro ala nga pepe. KOTA GBIA Nzapa ti ala azia aye ni so na tanga ti amara ti ndö ti sese so.