Ésaïe 40:24 - Mbeti ti Nzapa - Tënë so amu fini

²⁴ Ataa a iri ala na kua gi fafadeso, ataa ala gbu mbata ti kua ti ala gi fafadeso, ataa gere ti ala ade ti li sese pepe, mo ye ti baa, KOTA GBIA ahuru pupu na ndö ti ala. Tongaso, ala hole si ngangu pupu ahon na ala tongana holengo pere.

Ésaïe 40:24 ပူးပေါင်းရင်းမြစ်များ

2 Samuel 22:16

So KOTA GBIA asara sioni ngonzo, guru asigigi na hon ti lo; asara si azo abaa taa gbe ti akota ngu-ingo; azo abaa agere ti sese polele.

2 Agbia 10:11

Azo ti sewa ti Akab so kue angba na fini na gbata ti Yizreel, akota zo ti lo kue, azo so lo na ala aye tere nga na awayango-sandaga ti lo, Yehu afâ ala kue, lo zia mbeni zo oko angba na fini pepe.

Mbeti ti Job 21:18

Azo ayeke tene: “Ayeke nzoni ala ga tongana pere so pupu amu ahon na ni; tongana holengo pere so kota pupu amu ahon na ni.”

Mbeti ti Job 4:9

Tongana Nzapa ahuru pupu na ndö ti azo ni, ala yeke kui; tongana sioni ngonzo ti lo alondo, ala hunzi kue.

Mbeti ti Job 8:17

Agunda ti lo ahon na ndö ti tere, na ndö ti tere na popo ti atêne; keke ni ali ngbii na gbe ti kota têne.

Abia (Psaumes) 58:9

Ayeke nzoni ala ga tongana ngonzâ so akui si azia dongo ti tere ti lo na sese. Ayeke nzoni ala ga tongana akete molenge so a du ala na kuâ ni si ala baa lâ pepe.

Abia (Psaumes) 83:13

Azo so atene: “E mu kodro ti Nzapa si aga ti e!”

Amato 1:27

Biani, fade kota mbeto ayeke ga na ndö ti ala tongana kota pupu; ye ti ngangu ayeke ti na ndö ti ala tongana ngangu pupu ti ngu-Nzapa; pasi na ye ti mawa ayeke hon ndö ti ala.

Ésaïe 11:4

Me azo so ye atia ala, lo yeke fâ ngbanga ti ala mbirimbiri; awayere so ayeke na ya ti kodro, lo yeke leke tënë ti ala na legeni. Tënë ti yanga ti lo ayeke pika kodro ni tongana keke so ayeke pika ye, pupu ti yanga ti lo ayeke fâ azo ti sioni.

Ésaïe 17:11

Lango so mo lu na aye ni, mo yeke baa ni ayeke kono; gi na ndaperere, ye so mo lu so, mo baa ni ayeke mai. Me na ngoi so mo ye ti fâ ale ni, ale ni ahon awe, yoro ti kai na kobela ayeke daa pepe.

Ésaïe 17:13

Wusuwusu ti amara nde ayeke tongana toto ti kota ngu. *KOTA GBIA asuku na ala, ala kpe yongoro, lo tumba ala tongana holengo pere so pupu ti li ti hoto ahon na ni, tongana fuku ti sese so kota pupu ahon na ni.

Ésaïe 30:33

A leke gba ti keke ti wâ kozoni awe; keke ni ayeke nga ndali ti gbia. Na ya ti du so akono si alinda mingi, a zia gba ti akeke angoro na ni ti tingo na wâ. Tongaso, pupu ti yanga ti KOTA GBIA so ayeke tongana *sufre so ayeke sua ayeke bi wâ daa.

Ésaïe 37:7

Gbia ayeke ma mbeni tënë; mbi yeke tokua mbeni yingo na ya ti lo si lo yeke kiri na kodro ti lo. Mbi yeke sara titene lo kui kuâ ti yongoro zeme na kodro ti lo wani.’ ”

Ésaïe 40:7

Tongana pupu ti KOTA GBIA ahon na ndö ni, pere ni ayeke hole si kongo ni ayeke ti. Biani, azo ayeke tongana pere.

Ésaïe 41:16

Mo yeke pe ya ti ala si pupu ayeke mu ala ti hon na ala; kota pupu ayeke kangbi ya ti ala kirikiri. Me ti mo, mo yeke dodo na ngia ndali ti KOTA GBIA, mo yeke pika kate ti mo ndali ti Nzapa ti Israel, lo so lo yeke nde si lo yeke nzoni kue.”

Ésaïe 41:2

Mbeni zo alondo na mbage ti To si lo yeke ga; lo so benda na ndo so kue lo yeke hon daa. Zo wa laa azia lo na lege si lo ga so, zo wa? Zo wa laa azia amara nde na maboko ti lo, zo wa? Zo wa laa azia agbia na gbe ti komandema ti lo, zo wa? Yongoro zeme ti lo asara si ala ga tongana fuku ti sese, kokora ti lo asara si ala kangbi kirikiri tongana holengo pere so pupu amu ahon na ni.

Jérémie 22:30

Tënë so lo tene ayeke so: “Ala su iri ti koli so na mbeti ti fa so lo yeke na molenge pepe, gigi ti lo abuba awe! Biani, mbeni *hale ti lo oko ayeke wara lege pepe ti duti na ndö ti mbata ti gbia David, ti sara komandema na sese ti Juda.”

Jérémie 23:19

Baa, ngangu pupu ti KOTA GBIA ayeke ga, sioni ngonzo ti lo alondo awe, sioni pupu ti ngu-Nzapa ayeke ya si ayeke turne wirrr ti ti na li ti azo ti sioni.

Osée 13:15

Ataa Efraim awara anzoni ye mingi na popo ti a-ita ti lo, fade pupu ti To ayeke ga, pupu ti KOTA GBIA so alondo na benyama ayeke ga. Pupu ni ayeke sara si li ti ngu ayeke hole, du ti ngu ayeke hole kasakasa. Fade a yeke nzi anzoni ye so kue ayeke na ya ti da ti batango mosoro ti lo.

Osée 13:3

Ndani laa, fade ala yeke ga tongana mbinda ti ndaperere, tongana ngu ti pere ti ndaperere so ayeke hon hongo, tongana pere so pupu amu na ndö ti lakere, ahon na ni yongoro, tongana guru ti wâ so ayeke sigigi na li ti da ahon.

Nahum 1:14

Ti mo, gbia ti Ninive, yanga so KOTA GBIA amu na ndö ti mo ayeke so: “Mbeni *hale ti mo oko ti sara si iri ti mo angba na gigi ayeke duti daa pepe. Ayanda so mo leke na keke nga na wen si ayeke na ya ti da ti anzapa ti mo so, fade mbi yeke buba ni kue. Mbi yeke leke du ti kuâ ti mo, ngbanga ti so mo kiri mo ne na le ti mbi pepe.”

Aggée 1:9

Ala ku fade ti wara kobe ti yaka mingi, me ala wara ni gi kete. Kete ni so angba na ala so, mbi huru ni si ahon kue. Ye ni asi tongaso ndali ti nyen? So tënë ti yanga ti KOTA GBIA so ayeke na ndö ti dunia kue laa: Ye ni asi ndali ti so kota da ti mbi abuba, me zo oko oko amu ngangu ti lo kue ti sara gi da ti lo wani.

Zakarii 7:14

Tongana ti so kota pupu amu aye ahon na ni kirikiri, mbi kangbi ala na popo ti amara nde nde so ala hinga ala kozoni pepe. Kodro ni abuba kue na peko ti ala, mbeni zo ti kiri ti fono na ya ti kodro ni ayeke daa pepe. Kodro so lani ayeke mbeni nzoni kodro, kodro ni akiri aga ngonda awe.”

Zakarii 9:14

Fade KOTA GBIA ayeke sigigi ti duti na ndö ti azo ni. Ale ti kokora ti lo ayeke hon tongana wâ ti bekpa. Kota Gbia NZAPA ayeke huru tatalita, lo yeke ga na ya ti ngangu pupu ti Mbongo.