Ésaïe 40:21 - Mbeti ti Nzapa - Tënë so amu fini

²¹ Ala hinga tënë so pepe? Ala ma tënë so pepe? A fa tënë ni na ala ngbene ye na tongo nda ni pepe? Ala hinga nda ti ziango gere ti dunia pepe?

Ésaïe 40:21 ပူးပေါင်းရင်းမြစ်များ

Tongo nda ti aye 1:1

Na tongo nda ni, Nzapa asara yayu na sese.

Mbeti ti Job 26:7

Lo laa lo gbara le ti nduzu na mbage ti Banga na ndö ti ndo so ye ayeke daa pepe. Lo mu plase na sese, gbe ni angba senge.

Abia (Psaumes) 115:8

Azo so asara anzapa ni, azo so azia be ti ala na ndö ti anzapa ni, ayeke nzoni ala ga tongana ala.

Abia (Psaumes) 50:6

Yayu ayeke fa tënë ti mbirimbiri ti Nzapa: Nzapa laa ayeke wafango-ngbanga! Luti kete

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Ésaïe 37:26

Senakerib, mo hinga pepe? Mbi leke aye so ngbene ye aninga awe, mbi leke pialo ni na be ti mbi giriri. Fadeso mbi yeke sara aye ni. Ti mo, ayeke ti sara si agbata so ngangu gbagba ayeke na tere ni aga gba ti atêne.

Ésaïe 40:28

Mo hinga pepe? Mo ma tënë ni pepe? KOTA GBIA ayeke Nzapa so angba lakue lakue; lo laa lo sara sese, alondo na mbeni yanga ni asi na mbeni yanga ni. Ngangu atia ti lo laoko pepe, lo woko laoko pepe. Hingango ye ti lo, zo oko alingbi ti gi nda ni pepe.

Ésaïe 44:20

Azo ni so amu tere ti ala gi na senge mburu ti wâ; gbungo-li ti ala ti kirikiri asara si ala girisa lege. Nzapa ti ala ni alingbi ti zi ala pepe. Me azo ni wani ayeke tene pepe: “Ye so ayeke na ya ti maboko ti mbi so, ayeke gi ye ti mvene.”

Ésaïe 46:8

Ala dabe ti ala na ye so, ala kiri asara ye ti koli! Ala azo ti ngangu li, ala gbu li ti ala!

Ésaïe 48:13

Na maboko ti mbi wani, mbi zia gere ti sese; na maboko ti mbi ti koli, mbi gbara le ti nduzu: gi so mbi iri ala, ala ga aluti.

Ésaïe 51:13

Be ti ala agirisa na KOTA GBIA awe; lo laa lo sara ala, lo laa lo gbara yayu si lo zia gere ti sese. Lakue tere ti ala ayeke do na mbeto na dawa ti ngonzo ti zo ti sarango ngangu na azo, mo baa mo tene, lo lingbi ti fâ ala. Fadeso, ngonzo ti zo ti sarango ngangu na azo ni ayeke na ndo wa?

Awatokua 14:17

Me lo fa so lo yeke Nzapa na lege ti anzoni ye so lo ngba ti sara na azo: lo mu na ala ngu-Nzapa na anzoni ngoi titene akobe ale nzoni, lo mu na ala kobe si lo zia ngia mingi na be ti ala.”

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.