Ésaïe 40:2 - Mbeti ti Nzapa - Tënë so amu fini

² Ala tene tënë ti mu ngangu na be ti Jérusalem, ala dekongo na lo atene: “Kua ti lo ti ngbaa ahunzi awe, a zi sioni ti lo na li ti lo awe. Biani, asioni so lo sara, *KOTA GBIA asara si lo wara futa ni fani use.”

Ésaïe 40:2 ပူးပေါင်းရင်းမြစ်များ

Tongo nda ti aye 34:3

Lo mu be ti lo kue na Dina, molenge ti Jacob ti wali. Lo ye molenge-wali ni mingi si lo tene anzoni tënë na lo titene be ti lo ade.

2 Mbai 30:22

Ezekias atene tënë ti mu ngangu na be ti azo ti mara ti Lévi so kue kua ti KOTA GBIA agbu be ti ala. Na ya ti lango mbarambara kue, ala te kobe ti matanga ni, ala mu asandaga ti beoko si ala he bia ti sepela KOTA GBIA, Nzapa ti akotara ti ala.

Abia (Psaumes) 32:1

Bia ti David. Bia ti fango ye na zo. Ti lo nzoni, zo so a zi sioni ti lo na li ti lo awe, so a zi siokpari ti lo na li ti lo awe!

Abia (Psaumes) 85:3

Mo zi sioni ti azo ti mo awe, mo zi siokpari ti ala kue na li ti ala awe. Luti kete

Sigingo 22:3

“Tongana a wara mbeni nyama na fini le ti lo na ndo ti zo ti nzi: bagara, lele, taba wala ngasa, alingbi zo ti nzi ni azia mbeni nyama na ndö ti so lo nzi so si lo kiri na ni.”

Zo ti bongbingo azo 3:4

Ngoi ti toto ayeke daa, ngoi ti hengo ngia ayeke daa; ngoi ti demango tere ayeke daa, ngoi ti dodo ayeke daa.

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Ésaïe 14:3

Israel, na peko ti apasi so mo baa, na aye ti ngangu nde nde so asi na mo nga na ngangu kua ti ngbaa so lani a zia mo na gbe ni, mbeni lâ, *KOTA GBIA ayeke sara titene mo wu tere ti mo.

Ésaïe 27:9

Lege so a yeke zi sioni na li ti Jacob laa; ye so ayeke si na peko ti zingo siokpari na li ti lo ni ayeke so: fade a yeke nika atêne kue ti agbalaka tongana ti so a yeke nika mbamba si aga fuku. Akeke so azo aleke aluti na nduzu si ala yeke voro ni, wala ata ti wen so ala zia nde titene ala zö dukani na ya ni ayeke kiri ti ngba na nduzu pepe.

Ésaïe 33:24

Mbeni zo oko so alango na Jérusalem ayeke tene pepe: “Tere ti mbi aso.” A yeke zi siokpari na li ti azo ti gbata ni.

Ésaïe 35:4

Ala tene na azo so be ti ala awoko so, atene: “Ala gbu ngangu, ala sara mbeto pepe! Baa, Nzapa ti ala laa. Lo ga ti kiri peko ti sioni na azo so asara sioni, ti futa awato ti ala ndali ti sioni so awato ni asara na ala. Lo wani, lo ga ti soo ala.”

Ésaïe 43:25

Me mbi, gi mbi oko, mbi wani laa mbi yeke zi siokpari na li ti mo; fade mbi yeke kiri ti dabe ti mbi na sioni ti mo pepe.

Ésaïe 44:22

Asioni ti mo, mbi mbo ni tongana mbinda ti le ti nduzu; asiokpari ti mo, mbi zi ni tongana mbinda so ayeke hon hongo. Kiri na mbi, ngbanga ti so mbi soo mo awe.”

Ésaïe 49:25

Biani, tënë so KOTA GBIA atene ayeke so: “Ngbaa so ngangu zo ti bira agbu lo, mbi yeke gboto ngbaa ni na maboko ti lo. Ye so zo ti sarango ngangu na azo agbu na bira, mbi yeke gboto ni na maboko ti lo. Jérusalem, mbi wani laa mbi yeke tiri na azo so atiri na mo si mbi yeke soo amolenge ti mo.

Ésaïe 51:17

Jérusalem, zingo, zingo hio si! Londo! *KOTA GBIA amu lani na mo kopo so ngonzo ti lo asi ya ni; mo nyon ni, mo nyon ni kue, ni laa asara si li ti mo aga kirikiri so.

Ésaïe 53:5

Me ti lo, ndali ti sioni ti e laa a kpo lo na ka, ndali ti siokpari ti e laa a nika lo. Pika so lo wara asara si e duti na siriri; ndali ti aka ti lo laa tere ti e aga nzoni.

Ésaïe 53:6

E kue, e yeke lani tongana ataba so akangbi kirikiri, zo oko oko amu lege ti lo wani. Me KOTA GBIA asara si asioni ti e kue ati na ndö ti lo.

Ésaïe 54:15

Tongana mbeni zo aga ti tiri na mo, mbi laa mbi yeke tokua lo pepe. Zo so ayeke tiri na mo, lo yeke ti na dawa ti mo.

Ésaïe 54:17

Aye ti bira so kue a leke ti tiri na ni na mo, alingbi ti sara ye oko na mo pepe. Zo so kue ayeke bi tënë na li ti mo na le ti ngbanga, mo yeke sara si ngbanga ati na li ti lo. Baa ye so mbi bata ndali ti azo ti kua ti mbi, KOTA GBIA laa. Baa lege so mbi yeke fâ ngbanga ti ala laa; so tënë ti yanga ti mbi KOTA GBIA laa.”

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Ésaïe 6:7

Lo ndu yanga ti mbi na le ti wâ ni si lo tene: “Gi so ye so andu yanga ti mo awe, a zi sioni ti mo awe, a zi siokpari na li ti mo awe.”

Ésaïe 61:7

KOTA GBIA atene: “Na plase ti kamene so lani ahon ndö ti ala, fade ala yeke wara sese ti azo ni akono fani use. Na plase ti zongango ndo so azo azonga ala, ala yeke dodo na ngia, ngia ni ayeke ngba lakue lakue.

Ésaïe 66:13

Biani, tongana ti so mama ayeke de be ti molenge ti lo, mbi nga, fade mbi yeke de be ti ala; a yeke de be ti ala na Jérusalem!

Jérémie 16:18

Mbi yeke mu na ala kozoni futa fani use alingbi na sioni nga na siokpari ti ala, ngbanga ti so ala sara si kodro ti mbi aga sioni. Ye so aga ti mbi, ala sara si asi singo na afungo nzapa ti ala so ayeke na fini pepe so; ala sara si ye ti mbi ni asi singo na asioni nzapa ti ala so zo alingbi ti baa na le ti lo fani use pepe so.”

Jérémie 17:18

Azo so ayeke sara ngangu na mbi so, ayeke nzoni kamene agbu le ti ala, me mbi pepe! Ayeke nzoni ala do na mbeto, me mbi pepe! Sara si lango ti kota kpale aga na ndö ti ala, mo fâ ala biani biani!

Jérémie 29:11

Biani, mbi KOTA GBIA, mbi hinga apialo so mbi leke ndali ti ala, apialo titene ala baa sioni daa pepe, me apialo titene ala baa nzoni daa; so tënë ti yanga ti KOTA GBIA laa. Mbi ye ti mu na ala ye so ala lingbi ti zia be ti ala ti ku ni ndali ti gigi ti ala ti gbanda.

Jérémie 51:10

KOTA GBIA afa mbirimbiri ti e polele. E gue na *Sion, e fa peko ti ye so KOTA GBIA Nzapa ti e asara!”

Abia ti demango tere 4:22

Azo ti gbata ti Sion, akpale so asi na ala na peko ti asioni ti ala aga nduru ti hunzi awe. Titene a gbu ala na ngangu a gue na ala na kodro wande, Nzapa ayeke kiri ti sara ye so pepe. Ti ala azo ti sese ti Edom, asioni ye so ala sara so, KOTA GBIA ayeke zia peko ni na ala senge pepe; fade lo yeke fa asiokpari ti ala na gigi.

Ezekiel 16:42

Le ti mbi ayeke be na ngonzo ti wâ na tere ti ala ngbii be ti mbi ade si. Na pekoni, mbanda so mbi yeke sara na tere ti mo ayeke hunzi, be ti mbi ayeke de, mbi yeke kiri ti sara ngonzo pepe.

Daniel 11:35

Fade azo mingi na popo ti azo so le ti ala ahan ayeke kui. Kuâ ti ala ayeke sara si a *sukula sioni ti azo ti kodro, ala ga nzoni si ala vuru nzoni ti ku na lango ti ndani. Lango ti ndani ayeke si gi na ngoi so a diko awe.

Daniel 12:4

‘Me ti mo Daniel, mo honde tënë so hondengo. Kozo si lango ti ndani alingbi, tënë so a su na ya ti mbeti so, mo fa ni na gigi pepe. Fade gba ti azo ayeke diko mbeti ni si hingango ndo ti ala ayeke kono.’ ”

Daniel 12:9

Lo kiri tënë na mbi, lo tene: ‘Daniel, mo gue! Tënë so ayeke ngba na hondengo ni, a yeke kpo nzoroko daa, angba tongaso ngbii asi na lango ti ndani.

Daniel 9:12

Atënë so mo tene ando na ndö ti e na amakonzi so ayeke na li ti e, mo sara si aga taa-tënë: kota sioni kpale so mo sara si ati na ndö ti e na Jérusalem, ade mara ni asi na mbeni ndo laoko pepe na dunia so.

Daniel 9:2

Na kozo ngu so lo ga gbia, mbi Daniel, mbi yeke gi na ya ti Mbeti ti Nzapa titene mbi hinga wungo ti ngu so KOTA GBIA atene tënë ni na wayanga-Nzapa Jérémie. Na ya ti angu so laa gbata ti Jérusalem ayeke ngba na bubango ni; wungo ti ngu ni kue ayeke balembarambara.

Osée 2:14

Mbi yeke buba akeke ti vinye ti lo nga na akeke ti fige ti lo so lo yeke tene tënë ni lani, lo tene: ‘So futa ti mbi so andeko ti mbi amu na mbi laa.’ Mbi yeke sara si ayaka ni aga gbako si aga kobe ti anyama ti ngonda.

Osée 2:16

Tongaso, mbi yeke sara kue ti woko be ti lo, mbi yeke gue na lo na benyama si mbi yeke tene anzoni tënë na lo titene be ti lo ade.

Habakuk 2:3

Ye so mo baa na ya ti mbeni ye tongana bango-li so ayeke si na ngoi so alingbi, ngoi ni ayeke ga nduru nduru; tënë ni ayeke mvene pepe. Me tongana ye ni angba ti ninga, mo ku ni, ngbanga ti so nyen na nyen kue, ye ni ayeke si tongana ngoi ni alingbi.

Sofonii 3:15

Ngbanga so *KOTA GBIA aye ti fâ na li ti ala so, lo zia ni awe; lo tumba awato ti ala yongoro awe. KOTA GBIA, gbia ti Israel, ayeke na popo ti ala, mbeni ye ti sioni ayeke kiri ti zia mbeto na be ti ala pepe.

Zakarii 1:13

Tongaso, KOTA GBIA akiri atënë ti mungo ngangu na be nga na atënë ti dengo be na ange so ayeke tene tënë na mbi so.

Zakarii 1:15

Me be ti mbi aso mingi na amara so abaa tere ti ala tongana amara so alingbi awe so. Na ndembe so lani mbi sara ngonzo gi kete na tere ti azo ti Israel, ti ala, ala sara si mawa ti Israel akiri ahon ndoni.

Zakarii 9:12

Ala azo ti kanga so azia be ti ala ti ku titene a zi ala so, ala kiri na ya ti gbata ti ala so ngangu gbagba ayeke na tere ni. Gi laso laso, mbi tene: fade mbi yeke mu na ala ye ti peko ti pasi ti ala fani use.

Awatokua 1:7

Jésus akiri tënë na ala: “So ayeke tënë ti ala pepe ti hinga ngoi ni na ndembe ni. Biani, Babâ oko laa aleke na be ti lo na lege ti komandema ti lo.

Galasii 4:4

Me so ndembe ni alingbi na le ti Nzapa awe, lo tokua Molenge ti lo; wali laa adu lo, lo duti na gbe ti *Ndia ti azuife

Aye so Nzapa afa 18:6

Ala sara na lo ye alingbi gi na ye so lo sara na ala. Aye so lo sara na ala so, ala kiri peko ni na lo fani use. Vin so lo leke ni ti mu na ala ti nyon so, ala mu kopo, atuku mbeni vin na ya ni so ngangu ni ahon ti ti lo fani use si ala mu na lo.