Ésaïe 40:19 - Mbeti ti Nzapa - Tënë so amu fini

¹⁹ Yanda? Wakode-kua laa akporo wen si asara na ni; zo ti sarango ye na kode azia lôro na tere ni, lo zia na go ti lo aye ti go so a sara na wen ti nginza.

Ésaïe 40:19 ပူးပေါင်းရင်းမြစ်များ

Abia (Psaumes) 135:15

Anzapa ti amara nde, a sara ala na wen ti nginza nga na lôro; maboko ti zo laa asara ala.

Abia (Psaumes) 135:18

Azo so asara anzapa ni, azo so azia be ti ala na ndö ti anzapa ni, ayeke nzoni ala ga tongana ala!

Ésaïe 2:20

Na lango ni so, azo ayeke mu ayanda ti ala ti wen ti nginza na ti lôro so ala yeke kuku ti voro ni so, ti bi ni na akolofia nga na anyama-ti-ngia.

Ésaïe 2:8

Ayanda asi singo na ya ti kodro ni. Azo ayeke kuku ti voro ye so maboko ti ala wani asara; ala yeke kuku na gbe ti ye so maboko ti ala wani aleke.

Ésaïe 30:22

Anzapa ti mo so a leke na keke si a zia wen ti nginza na tere ni, ayanda ti mo so a kporo lôro si a zia na tere ni, fade mo yeke baa ni tongana ye so ayeke sioni. Mo yeke tuku ni tongana fungo ye si mo yeke tene: “Ala hon kâ!”

Jérémie 10:9

A mu wen ti nginza so a pika ni pikango na Tarsis si a ga na ni; a mu nga lôro so alondo na Ufaz si a sara na ayanda ni. Zo ti sarango ye na kode laa aleke ni, wakode-kua ti lôro abaa lege ni. Na pekoni, ala yu na ayanda ni bongo so nzoroko ni akpa le ti nduzu, wala bongo so abe bengo. Andaa wakode-kua laa asara aye so kue.

Daniel 5:4

So ala kue anyon samba ni agbu le ti ala awe, ala londo ti gonda anzapa so a sara ala na lôro na wen ti nginza; ala so a sara ala na bengba wen, na wen, na keke nga na têne.

Osée 8:6

Kete bagara ti Samarii ni alondo na Israel, mbeni zo ti sarango ye na kode laa aleke ni; kete bagara ni ayeke Nzapa pepe. Biani, fade a yeke fâ ya ti lo kete kete.

Awafango-ngbanga 17:4

Me Mika akiri na nginza ni na mama ti lo; mama ti lo azi ale ti nginza ni ngbangbo use, lo mu na mbeni matawa. Matawa ni amu nginza ni, lo kporo ni si lo sara na mbeni yanda. A zia yanda ni na ya ti da ti Mika.