Ésaïe 40:15 - Mbeti ti Nzapa - Tënë so amu fini

¹⁵ Na le ti lo, amara nde ayeke tongana kete kete ngu so alondo na ya ti tawa si ati! Ala yeke tongana le ti fuku ti sese so a zia na ndö ti kilo. Azo so ayeke na yongoro ndo ayeke tongana kete le ti fuku ti sese so ane pepe.

Ésaïe 40:15 ပူးပေါင်းရင်းမြစ်များ

Tongo nda ti aye 10:5

Na lege ti ala laa a kangbi ya ti azo ti mara so ayeke na ya ti akodro ti yanga ti ngu. Ala oko oko ayeke na akodro ti ala, alingbi na ayanga ti kodro ti ala, na akete mara ti ala nga na mara ti ala.

Abia (Psaumes) 62:10

Biani, akete zo ayeke gi pupu senge; akota zo ayeke tene gi mvene senge. Tongana a zia ala kue na ndö ti kilo, fade nengo ti pupu ayeke hon nengo ti ala.

Abia (Psaumes) 62:9

Ala azo, ala zia be ti ala lakue na ndö ti lo, ala fa tënë ti be ti ala na lo. Nzapa ayeke ndo so e yeke kpe daa ti bata tere ti e. Luti kete

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 17:13

Wusuwusu ti amara nde ayeke tongana toto ti kota ngu. *KOTA GBIA asuku na ala, ala kpe yongoro, lo tumba ala tongana holengo pere so pupu ti li ti hoto ahon na ni, tongana fuku ti sese so kota pupu ahon na ni.

Ésaïe 2:22

Ala zia be ti ala na ndö ti zo pepe! Fini ti lo ayeke gi pupu so ayeke sigigi na hon ti lo. Lo yeke nyen?

Ésaïe 29:5

Gba ti awato ti mo ayeke duti tongana kete le ti fuku ti sese; gba ti azo so asara ngangu na mo ayeke ga tongana holengo pere so pupu amu ahon na ni.” Mo ye ti baa,

Ésaïe 40:22

*KOTA GBIA azia mbata ti lo ti gbia na nduzu kâ, na ndö ti sese, lo yeke baa azo tongana agbadola. Lo gbara le ti nduzu tongana kota bongo, lo zi ya ni titene aga da ti bongo so lo yeke duti daa.

Ésaïe 41:5

Azo ti azoa abaa lo, mbeto agbu ala. Azo so ayeke na nda ti sese aga nduru, tere ti ala ayeke do dongo.

Ésaïe 59:18

Lo yeke futa zo oko oko alingbi na aye so zo ni asara. Azo so ake lo, ngonzo ti lo alondo na tere ti ala tongana wâ, awato ti lo, lo yeke kiri peko ti sioni na ala, ataa na azo ti azoa.

Ésaïe 66:19

Fade mbi yeke zia na popo ti ala mbeni ye so afa ngangu ti mbi. Na peko ti ngbanga so mbi fâ, azo so ayeke ngba na fini, mbi yeke tokua ala na mbage ti amara so ayeke na Tarsis, na Pul nga na Lud – azo ni so ahinga ti pika kokora mingi – Mbi yeke tokua ala na ndo ti azo ti Tubal na ti Yavan, nga na ndo ti azo ti azoa so ayeke yongoro kâ, ndo so azo ade ti ma tënë ti mbi daa laoko pepe, ndo so azo ade ti baa gonda ti mbi daa laoko pepe. Fade awatokua ni ayeke fa gonda ti mbi na amara ni.

Jérémie 10:10

Me KOTA GBIA ayeke taa Nzapa, lo yeke Nzapa so ayeke na fini, lo yeke gbia kpu na kpu. Tongana lo sara ngonzo, sese ayeke yingi; tongana le ti lo abe na ngonzo, amara nde alingbi ti kanga be ti ala pepe.

Daniel 11:18

Na pekoni, gbia ti Banga ayeke zia le ti lo na mbage ti azoa si lo yeke mu akodro mingi na lege ti bira. Me mbeni makonzi ayeke kanga lege na zonga ti lo; lo yeke sara si zonga ni akiri gi na ndö ti gbia ti Banga ni wani.

Daniel 4:32

Lo baa azo ti sese kue na le ti lo tongana ye senge, lo yeke sara ye so be ti lo aye na aye so ayeke na yayu nga na azo ti sese. Ye so lo ye ti sara, zo oko alingbi ti kanga lege ni na lo pepe, wala zo oko ti tene na lo: ‘Nyen laa mo yeke sara so?’, zo ni ayeke daa pepe.

Sofonii 2:11

Fade KOTA GBIA ayeke zia kota mbeto na be ti ala, lo yeke hunzi anzapa ti sese kue. Tongaso, ataa amara so kue ayeke na yongoro ndo, ala yeke kuku akpo li ti ala na sese na dawa ti lo, zo oko oko na kodro ti lo.