Ésaïe 40:11 - Mbeti ti Nzapa - Tënë so amu fini

¹¹ Tongana wabatango-taba, lo yeke gue na ataba ti lo na ndo ti tengo pere, lo yeke sara maboko ti lo ti bongbi ala; lo yeke yo akete taba ni na ya ti maboko ti lo, lo yeke gue yeke-yeke na ataba so ayeke mu me na amolenge ti ala.”

Ésaïe 40:11 ပူးပေါင်းရင်းမြစ်များ

Tongo nda ti aye 33:13

Jacob akiri tënë na lo, atene: “Kota zo ti mbi, mo hinga so amolenge awoko mingi. Mbi yeke nga na amama ti taba na amama ti bagara so angba ti mu me na amolenge ti ala. Tongana a sara si ala tambula na ngangu gi na ya ti lango oko, fade anyama ni kue ayeke kui.

Tongo nda ti aye 49:24

Me lo gbu kokora ti lo lakue ngangu, maboko ti lo angba daa ngangu na lege ti ngangu ti Nzapa, lo so lo yeke ngangu Nzapa ti Jacob, Nzapa so ayeke tongana wabatango-taba, wala tongana têne so ayeke bata azo ti Israel.

Abia (Psaumes) 100:3

Ayeke nzoni ala hinga atene, KOTA GBIA ayeke Nzapa. Lo laa lo sara e si e yeke azo ti lo. E yeke azo ti lo, e yeke tongana ataba ti lo so lo yeke bata ala.

Abia (Psaumes) 27:10

Ataa babâ ti mbi azia mbi-oo, ataa mama ti mbi azia mbi-oo, mo KOTA GBIA laa mo yeke yamba mbi.

Abia (Psaumes) 28:9

Mo soo azo ti mo; mo sara tufa na ndö ti ye so aga ti mo awe. Duti tongana wabatango-taba, mo bata ala; mo sara na ala lakue lakue!

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Abia (Psaumes) 80:1

Bia ti Asaf; bia so ayeke ndali ti makonzi-bia. A he ni na kundi.

Ésaïe 42:3

Sosongo so a ba na sese awe, lo yeke fâ ni pepe; lamba so wâ ni aye ti mingo, lo yeke mingo ni pepe. Me lo yeke fa taa lege ti sarango ye ti mbirimbiri na azo.

Ésaïe 63:11

Tongaso, azo ti lo adabe ti ala na ngoi ti giriri, ngoi so Moïse ayeke ando na ala: “Lo so lo sara si azo ti lo so ayeke tongana ataba ti lo nga na amakonzi ti ala afâ kota ngu-ingo si ala sigigi so, lo yeke na ndo wa? Lo so ando lo zia yingo ti lo so ayeke nde si ayeke nzoni kue na popo ti azo ti lo so, lo yeke na ndo wa?

Jérémie 31:10

Ala amara nde, ala ma tënë ti KOTA GBIA, ala bi tënë ni na mê ti azo so ayeke na ya ti azoa yongoro kâ. Ala tene: “KOTA GBIA akangbi lani azo ti Israel kirikiri, fadeso lo bongbi ala si lo bata ala tongana wabatango-taba so abata ataba ti lo.”

Jérémie 31:8

Mbi yeke mu ala na kodro ti mbage ti Banga ti kiri na ala; mbi yeke sara titene ala londo na nda ti sese kue ti bongbi na ndo oko. Na popo ti ala, awaziba ayeke daa, azo ti bubango gere, awali so ayeke na ngo na ala so ya ti ala ayeke so ti du. Gba ti azo laa ayeke kiri na ndo so.

Ezekiel 34:15

Mbi wani, mbi yeke gi kobe ndali ti ataba ti mbi; mbi wani, mbi yeke sara titene ala lango kpoo. So tënë ti yanga ti Kota Gbia NZAPA laa.

Ezekiel 34:16

Taba so agirisa, fade mbi yeke gi lo; lo so agirisa lege, mbi yeke kiri na lo na ndö ti lege; lo so awara ka, mbi yeke kanga ka ni; lo so ayeke na kobela, mbi yeke sara titene lo wara ngangu. Me taba so akono konongo, lo so ayeke na ngangu, mbi yeke fâ lo. Mbi yeke gi kobe ndali ti ataba ti mbi na legeni.”

Ezekiel 34:2

“*Molenge ti zo, tene peko ti tënë ti yanga ti mbi na tere ti awabatango-zo ti Israel. Tene peko ti tënë ti yanga ti mbi na tere ti ala, mo tene: Tënë so Kota Gbia NZAPA atene ayeke so: Mawa na awabatango-zo ti Israel! Ala yeke gi kobe gi ndali ti ala wani! Awabatango-taba alingbi fade ti gi kobe ndali ti ataba pepe?

Ezekiel 34:23

Mbi yeke zia gi wabatango-taba oko na ndö ti ataba ti mbi titene lo bata ala. Wabatango-taba ni ayeke duti David, zo ti kua ti mbi. Lo laa lo yeke gi kobe na ataba ni, lo laa lo yeke duti wabatango ala.

Ezekiel 34:31

“Ala azo, ala yeke ataba ti mbi, ataba so mbi yeke mu na ala kobe. Biani, mbi yeke Nzapa ti ala. So tënë ti yanga ti Kota Gbia NZAPA laa.”

Ezekiel 37:24

Zo ti kua ti mbi David laa ayeke le-gbia na ndö ti ala si wabatango ala kue ayeke duti gi oko. Fade ala yeke sara ye alingbi na aye so mbi fa nga na lege ti atënë ti ndia ti mbi si ala yeke sara ye alingbi na ni.

Mishe 5:4

Lo wani laa lo yeke mu siriri na azo. “Tongana azo ti Asirii aga ti mu kodro ti e si ala li na ya ti ayangbo ti agbia ti e, fade e yeke tokua azo ti li ni mbarambara na amakonzi miombe ti tiri bira na ala.

Mishe 7:14

KOTA GBIA, na keke ti mo, mo fa lege na azo ti mo tongana ti so wabatango-taba ayeke fa lege na ataba ti lo. Azo ni aga ye ti mo awe. Fadeso ala yeke duti gi ala oko na ya ti ngonda, me anzoni sese so akeke ayeke sigigi daa pendere angoro tere ni kue. Gue na azo ti mo na nzoni sese ti Bashan na ti Galaad, tongana ti so mo sara ando.

Zakarii 11:7

Tongaso mbi ga wabatango-taba ti ataba so azo ti kango ala asoro ala ti gue na ala na ndo ti fango ala. Mbi mu anduru keke use ti awabatango-taba. Mbi di iri ti mbeni keke ni “Nzoni be”, mbi di iri ti mbeni “Beoko”. Na pekoni, mbi gue ti bata ataba ni.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Ahebro 13:20

Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.

1 Pierre 2:25

Ala yeke ando tongana ataba so agirisa lege, me fadeso ala kiri na tere ti Christ so ayeke zo ti fango lege na ala si lo yeke nga zo ti batango fini ti ala.

1 Pierre 5:4

Tongana Makonzi ti azo ti batango azo ti Nzapa asi, fade ala yeke wara nzoni ye ti peko ni so ayeke na gonda si pendere ni ayeke hon oko pepe.

Aye so Nzapa afa 7:17

ngbanga ti so Molenge ti Taba so ayeke na ndö ti mbata ti gbia ayeke bata ala tongana ataba ti lo. Lo yeke gue na ala na li ti ngu so ayeke mu fini na zo. Fade Nzapa ayeke mbo ngu ti le ti ala kue.