Ésaïe 40:1 - Mbeti ti Nzapa - Tënë so amu fini

¹ Nzapa ti ala atene: Ala de be ti azo ti mbi, ala de be ti azo ni.

Ésaïe 40:1 ပူးပေါင်းရင်းမြစ်များ

Néhémie 8:10

Esdras akiri atene na azo ni: “Ala kiri na ndo ti ala. Ala gue, ate anzoni kobe, ala nyon anzerengo samba, ala mu ambeni kobe ni na azo so ayeke na ye pepe, ngbanga ti so a zia lango so nde ndali ti KOTA GBIA ti e. Ala sara vundu pepe, ngbanga ti so ngia so alondo na KOTA GBIA laa ayeke ngangu ti ala!”

Abia (Psaumes) 85:3

Mo zi sioni ti azo ti mo awe, mo zi siokpari ti ala kue na li ti ala awe. Luti kete

Abia (Psaumes) 85:8

KOTA GBIA, fa na e nzoni be ti mo, soo e na kuâ!

Zo ti bongbingo azo 3:4

Ngoi ti toto ayeke daa, ngoi ti hengo ngia ayeke daa; ngoi ti demango tere ayeke daa, ngoi ti dodo ayeke daa.

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Ésaïe 3:10

Ala lingbi ti tene: ti zo ti mbirimbiri nzoni! Fade lo yeke baa nzoni na peko ti aye so lo sara.

Ésaïe 41:27

Mbi KOTA GBIA laa mbi yeke kozoni, mbi fa na *Sion, mbi tene: ‘Baa aye ni laa!’ Mbi tokua na Jérusalem mbeni zo ti gango na nzoni tënë.

Ésaïe 50:10

Mbeni zo ti kpengo mbeto ti *KOTA GBIA ayeke na popo ti ala? Alingbi lo ma yanga ti zo ti kua ti lo. Tongana mbeni zo ayeke tambula na ya ti vukongo ndo si lumiere oko ayeke daa pepe, alingbi lo zia be ti lo na ndö ti KOTA GBIA wani, lo luti na ndö ti Nzapa ti lo.

Ésaïe 51:12

*KOTA GBIA atene: “Mbi, mbi laa mbi yeke de be ti ala. Azo ti mbi, ala yeke sara mbeto ti zo so ayeke kui kuingo so ngbanga ti nyen? Fini ti lo ayeke tongana pere.

Ésaïe 51:3

KOTA GBIA abaa mawa ti *Sion, lo baa mawa ti aye ti lo so kue abuba. Ndo ti lo so ayeke tongana benyama, lo yeke sara si aga tongana yaka ti Eden; ndo ti lo so ngu ayeke daa pepe, lo yeke sara si aga yaka ti KOTA GBIA. Na ya ti gbata ni, fade azo ayeke duti na ngia si ala yeke sara ngia, ala yeke he bia ti gondango Nzapa si ala yeke pika mozoko.

Ésaïe 52:9

Ando ti Jérusalem so abuba so, ala dekongo na ngia! KOTA GBIA ayeke de be ti azo ti lo, lo yeke zi Jérusalem na gbe ti ngbaa.

Ésaïe 60:1

Jérusalem, londo! Mo za tongana lumiere, ngbanga ti so lumiere ti mo ayeke ga, gonda ti *KOTA GBIA ayeke za na ndö ti mo.

Ésaïe 61:2

Lo tokua mbi ti tene na azo, atene: so ayeke ngu so KOTA GBIA ayeke sara nzoni be na ala; so ayeke lango so Nzapa ti e ayeke kiri peko ti sioni na awato ti lo. Lo tokua mbi ti de be ti azo so kue ayeke na vundu.

Ezekiel 16:42

Le ti mbi ayeke be na ngonzo ti wâ na tere ti ala ngbii be ti mbi ade si. Na pekoni, mbanda so mbi yeke sara na tere ti mo ayeke hunzi, be ti mbi ayeke de, mbi yeke kiri ti sara ngonzo pepe.

Zakarii 1:13

Tongaso, KOTA GBIA akiri atënë ti mungo ngangu na be nga na atënë ti dengo be na ange so ayeke tene tënë na mbi so.

Zakarii 1:17

Ange ni akiri ahunda na mbi ti tene tënë so: Tënë so KOTA GBIA so ayeke na ndö ti dunia kue atene ayeke so: “Fade agbata ti mbi ayeke kiri ti wara anzoni ye ti ala. Mbi yeke kiri ti baa mawa ti Sion si mbi yeke kiri ti soro Jérusalem.”

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

2 Korente 1:4

Lo yeke de be ti e na ya ti apasi so kue e yeke baa. Tongaso si e wani, e ga azo so alingbi ti de be ti azo so kue ayeke na ya ti pasi, e lingbi ti de be ti azo gi tongana ti so Nzapa ade be ti e so.

1 Tesalonike 4:18

Tongaso, ala mu ngangu na be ti ala na popo ti ala na lege ti atënë so.