Ésaïe 4:6 - Mbeti ti Nzapa - Tënë so amu fini

⁶ Gonda ni ayeke ga tongana li ti da ti mu de na azo na ngoi ti ndo-wâ na kota lâ; ayeke ga tongana ndo ti batango tere na ndo ti hondengo tere ndali ti kota pupu nga na ngu-Nzapa.

Ésaïe 4:6 ပူးပေါင်းရင်းမြစ်များ

Abia (Psaumes) 27:5

Na ngoi so ye ti ngangu asi na mbi, KOTA GBIA ayeke bata mbi na ya ti da ti lo; lo yeke honde mbi nzoni na ya ti da ti lo; lo yeke zia mbi na nduzu na ndö ti kota têne, na ndo so ye ti sioni alingbi ti si na mbi pepe.

Abia (Psaumes) 55:8

Ka mbi kpe yongoro, mbi gue, mbi duti na benyama. Luti kete

Abia (Psaumes) 91:1

Zo so ahonde tere ti lo na gbe ti Nzapa so ayeke na yayu kâ na ndö ti aye kue, zo ni ayeke duti na siriri na gbe ti lo so ngangu ti lo ahon angangu kue.

Amato 18:10

KOTA GBIA ayeke tongana ngangu gbagba na tere ti azo; zo ti mbirimbiri ayeke kpe na ya ni ti bata tere ti lo.

Ésaïe 14:32

Azo so azo ti Filistii atokua ala so, tënë ti nyen laa a yeke kiri na ni na ala? Tënë ni ayeke so: *KOTA GBIA wani laa alu gere ti *Sion. Na ndo so laa asenge zo ti lo ayeke duti daa, mbeni ye ti sioni ti sara ala ayeke daa pepe.

Ésaïe 25:4

Biani, mo yeke ndo so azo so ayeke na ngangu pepe ayeke kpe daa ti bata tere ti ala, mo yeke ndo ti batango tere ti awayere so ye ti ngangu asi na ala. Mo yeke tongana gbefa ti bata zo ndali ti ngu-Nzapa, gbe ti de ti bata zo ndali ti ndo-wâ. Biani, pupu ti yanga ti azo ti sarango ngangu na zo ayeke tongana ngangu pupu ti ngu-Nzapa so apika tere ti da,

Ésaïe 30:30

KOTA GBIA ayeke sara titene azo ama go ti lo so ayeke toto ngangu, lo yeke sara titene azo abaa maboko ti lo so lo yo na nduzu ti pika na azo. Lo yeke fa sioni ngonzo ti lo na popo ti menga ti wâ so ayeke gbi ye kue, na popo ti kota ngu-Nzapa, nga na popo ti *apembe ti bekpa so atuku.

Ésaïe 32:1

Fade mbeni gbia ayeke le-gbia na lege ti mbirimbiri, amakonzi ayeke sara komandema alingbi na ndia.

Ésaïe 32:2

Ala oko oko ayeke duti tongana mbeni gbefa so zo ayeke bata tere ti lo daa ndali ti pupu, tongana ndo so zo ayeke kpe ti honde tere ti lo daa ndali ti ngu-Nzapa, tongana ngu so ayeke sua na ndö ti holengo sese, tongana gbe ti de ti kota têne na kodro so ngu ayeke daa pepe.

Ésaïe 8:14

Ndali ti akodro-gbia use ti Israel, lo yeke duti ndo so a zia ni nde ndali ti Nzapa, lo yeke duti têne so azo ayeke pika gere ti ala daa, kota têne so ayeke sara titene azo ati, gbanda na kuku ndali ti azo so alango na Jérusalem.

Ezekiel 11:16

Tongaso, tene na amba ti mo so a gbu mo na ala si a gue na ala na kodro wande so, mo tene: Tënë so mbi Kota Gbia NZAPA, mbi tene ayeke so: ‘Ataa mbi tokua ala na akodro yongoro, ataa mbi kangbi ala na popo ti amara nde, kâ kue, mbi yeke na popo ti ala tongana ti so mbi yeke na ya ti da ti mbi so ayeke nde si ayeke nzoni kue.’

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.

Ahebro 6:18

Dengo ba so Nzapa ade na zendo so lo mu so ayeke ngba lakue; tënë ti mvene ayeke na ya ti aye use so oko pepe. Aye use so ayeke kpengba e mingi, e so e zia be ti e ti ku ti wara ye so Nzapa aye ti mu na e.

Aye so Nzapa afa 7:16

Fade nzara ti kobe wala nzara ti ngu ayeke kiri ti sara ala pepe; sungo ti lâ na ndo-wâ ayeke kiri ti zö ala pepe,