Ésaïe 4:4 - Mbeti ti Nzapa - Tënë so amu fini

⁴ KOTA GBIA ayeke tokua yingo ti fango ngbanga nga na yingo so ayeke gbi ye tongana wâ ti zi sioni ti azo ti Sion, ti sukula Jérusalem ndali ti mene so atuku na ya ti gbata ni.

Ésaïe 4:4 ပူးပေါင်းရင်းမြစ်များ

Abia (Psaumes) 51:2

David adema tere ti lo na peko ti so wayanga-Nzapa Natan aga asuku na lo ndali ti so lo gi Batsheba, wali ti mba ti lo.

B. ti abia 3:11

Ala amaseka-wali ti Sion, ala ga, abaa gbia Salomon. Lo yu kpoto ti gbia so mama ti lo amu na lo na lango ti mungo wali ti lo. Na lango ni so be ti lo asi singo na ngia.

Ésaïe 1:15

Tongana ala yoro maboko ti ala na nduzu ti sambela, mbi yeke bi le ti mbi na ngonda. Ataa ala sambela tongana nyen, mbi yeke ma ala pepe, ngbanga ti so maboko ti ala atuku mene mingi.

Ésaïe 1:25

Jérusalem, fade mbi yeke ga na tere ti mo; mbi yeke *sukula sioni ti mo tongana ti so a yeke kporo wen na ya ti wâ na taa nzoni kode ni ti zi zende na tere ni, mbi yeke zi asioni ti mo kue.

Ésaïe 1:31

Zo ti ngangu ayeke ga tongana holengo pere, kua ti lo ayeke ga tongana akete kete le ti wâ; zo ni na kua ti lo kue, wâ ayeke gbi ala kue legeoko, zo oko ti mingo ni ayeke daa pepe.

Ésaïe 27:9

Lege so a yeke zi sioni na li ti Jacob laa; ye so ayeke si na peko ti zingo siokpari na li ti lo ni ayeke so: fade a yeke nika atêne kue ti agbalaka tongana ti so a yeke nika mbamba si aga fuku. Akeke so azo aleke aluti na nduzu si ala yeke voro ni, wala ata ti wen so ala zia nde titene ala zö dukani na ya ni ayeke kiri ti ngba na nduzu pepe.

Ésaïe 28:6

Lo yeke mu yingo ti mbirimbiri na awafango-ngbanga; lo yeke mu ngangu na azo so ayeke tumba awato so ayeke na yanga ti gbata ni.

Ésaïe 9:19

Zo ayeke fâ kasa ti mbage ti maboko ti koli ti te, me nzara ayeke ngba ti sara lo; lo yeke te na mbage ti maboko ti wali, me ya ti lo ayeke si pepe. Zo oko oko ayeke te kasa ti tere ti lo wani.

Ésaïe 9:5

Biani, a du na e molenge awe, a mu na e molenge-koli awe. Nzapa azia komandema na maboko ti lo. Fade a yeke di iri ti lo: Zo ti kpene, Wamungo-wango, Nzapa ti ngangu, Babâ ti lakue lakue, Makonzi ti siriri.

Jérémie 9:6

Ndani laa, tënë so KOTA GBIA so ayeke na ndö ti dunia kue atene ayeke so: “Mbi yeke kporo ala na ya ti wâ ti zi sioni ti ala tongana ti so a yeke kporo wen; mbi yeke tara be ti ala. Nyen laa mbi yeke sara na azo ti mbi, nyen?

Abia ti demango tere 1:9

Sioni ti lo avuko yanga ti bongo ti lo. Ye ni so asi fade na lo so, lo gbu li ti lo na ndö ni kozoni pepe. Gbata ti Jérusalem ati ngangu; mbeni zo ti de be ti lo ayeke daa pepe. Lo tene: “KOTA GBIA, baa mbi ga buba ahon ndoni! Mo baa, wato ayeke hon ndö ti mbi.”

Ezekiel 22:15

Fade mbi yeke kangbi ala na popo ti amara nde, mbi yeke tokua ala na ndo kue na ya ti akodro wande; mbi yeke sara si asarango ye ti ala ti *sioni akai.

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Ezekiel 36:29

Mbi yeke zi ala na ya ti *asioni ti ala kue. Mbi yeke kiri ti tokua nzara na ya ti kodro ti ala pepe, me mbi yeke sara titene le ti kobe asigigi si ale gbani gbani.

Sofonii 3:1

Mawa na gbata ti ngangu li so, gbata so *sioni ayeke na tere ti lo so, gbata ti sarango ngangu na azo so!

Zakarii 13:1

“Na lango ni so, fade mbeni li ti ngu ayeke sigigi ti sukula asiokpari na asioni ti *ahale ti David na ti azo ti Jérusalem.”

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Matthieu 23:37

“Jérusalem! Jérusalem! Mo so mo yeke fâ awayanga-Nzapa; azo so Nzapa atokua ala na mo, mo bo ala na têne ti fâ ala. Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!