Ésaïe 39:8 - Mbeti ti Nzapa - Tënë so amu fini

⁸ Ezekias akiri tënë na Ésaïe: “Tënë ti KOTA GBIA so mo tene so ayeke nzoni.” Biani, Ezekias atene na be ti lo: “Na lango so kue mbi yeke ngba na fini, fade e yeke duti na siriri si mbeni sioni ye oko ayeke si na e pepe.”

Ésaïe 39:8 ပူးပေါင်းရင်းမြစ်များ

2 Samuel 15:26

Me tongana KOTA GBIA aye tënë ti mbi pepe, ayeke nzoni lo sara na mbi tongana ti so be ti lo aye.”

2 Mbai 32:26

Me ataa so Ezekias asara fade baba, lo na azo ti Jérusalem asara tere ti ala kete. Nilaa na ngoi so Ezekias ade na fini, ngonzo ti KOTA GBIA ati na ndö ti ala pepe.

2 Mbai 34:28

Mbi yeke zia mo ti gue na tere ti akotara ti mo na siriri; a yeke lu nga mo na siriri na ya ti du ti kuâ ti mo. Sioni kpale so kue mbi yeke sara titene aga na ndö ti gbata so nga na ndö ti azo ti gbata so, fade mo yeke baa ni pepe.’ ” Kota wayango-sandaga na amba ti lo akiri ague, atene peko ti tënë ni na gbia Yosias.

Mbeti ti Job 1:21

si lo tene: “Mbi sigigi na ya ti mama ti mbi, tere ti mbi senge; mbi yeke kiri na ya ti sese, tere ti mbi senge. KOTA GBIA amu ye na mbi, KOTA GBIA akiri amu ye ti lo. Ayeke nzoni e mu singila na KOTA GBIA!”

Abia (Psaumes) 39:9

Zi mbi na ya ti asiokpari ti mbi kue; mo zia lege pepe na abuba zo ti zonga mbi.

Abia ti demango tere 3:22

Anzoni be ti KOTA GBIA angba lakue, ndoye ti lo ayeke hunzi laoko pepe.

Abia ti demango tere 3:39

Tongana zo ade na fini le ti lo, ndani nyen ti toto tere ti lo so? Ayeke nzoni lo toto tere ti lo ndali ti asiokpari ti lo wani.

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

Zakarii 8:16

Aye so alingbi ala sara ni ayeke so: Zo oko oko atene taa-tënë na mba ti lo; na ya ti afango ngbanga ti ala, ala fâ ngbanga na lege ti taa-tënë si siriri aga.

Zakarii 8:19

Tënë so KOTA GBIA so ayeke na ndö ti dunia kue atene ayeke so: “Alango ti kengo kobe so ala azo ti Juda, ala yeke ke na ya ti osio nze ni, oku nze ni, mbarambara nze ni nga na nze baleoko ni ti ngu oko oko, fade alango ni so ayeke kiri ti ga alango ti matanga, alango ti ngia na ti kota ngia nga na ti nzoni matanga. “Me ayeke nzoni ala ye taa-tënë nga na siriri.”

1 Pierre 5:6

Ala sara tere ti ala kete na gbe ti Nzapa so ayeke na ngangu, tongaso si fade lo yeke zia ala na kota ndo tongana ngoi ni alingbi.

1 Samuel 3:18

Tongaso Samuel afa na Heli peko ti atënë so kue. Lo honde mbeni tënë oko pepe. Heli atene: “KOTA GBIA laa; ayeke nzoni lo sara ye so be ti lo aye!”