Ésaïe 39:7 - Mbeti ti Nzapa - Tënë so amu fini

⁷ Na popo ti amolenge ti mo, ala so mo wani, mo du ala, fade a yeke mu ambeni ti gue na ala titene ala ga *ambaiwa na yangbo ti gbia ti Babilone.’ ”

Ésaïe 39:7 ပူးပေါင်းရင်းမြစ်များ

2 Agbia 24:10

Na ngoi ni so, aturugu ti Babilone ague ti tiri bira na Jérusalem. Aturugu ti kota kamba ti Nabukodonosor, gbia ti Babilone laa ayeke na ndö ti ala. Ala ngoro gbata ni kue ti mu na bira.

2 Agbia 24:12

Tongaso Yoakin, gbia ti Juda, lo na mama ti lo, na amakonzi ti lo, na aturugu ti lo ti kota kamba nga na akota zo ti yangbo ti lo ague, awara gbia ti Babilone. Na ngu miombe ni so Nabukodonosor ayeke gbia ti Babilone laa lo gbu Yoakin si lo bi lo na da ti kanga.

2 Agbia 24:15

Lo gbu Yoakin, mama ti lo, awali ti lo, akota zo ti yangbo ti lo nga na akota zo ti kodro ti lo; lo gbu ala na Jérusalem si lo gue na ala na Babilone.

2 Mbai 33:11

Tongaso KOTA GBIA asara si amakonzi ti aturugu ti gbia ti Asirii aga na tere ti ala. Aturugu ni agbu Manase, ala yoro *kongi na ngbangba ti lo, ala kanga lo na zingiri ti bengba wen si ala gue na lo na Babilone.

2 Mbai 36:10

Na tongo nda ti fini ngu, gbia Nabukodonosor atokua aturugu ti mu lo ti gue na lo na Babilone, lo na aye ti ngangu ngere so ayeke na ya ti kota da ti KOTA GBIA. Na pekoni, lo mu Sedesias, mbeni sewa ti Yoakin, lo zia lo gbia ti Juda na ti Jérusalem.

2 Mbai 36:20

Azo so akpe si angba na fini, gbia agbu ala ague na ala na Babilone titene ala ga angbaa ti lo na ti amolenge ti lo; ala ngba na gbe ti ngbaa ni ngbii asi na lango so azo ti Perse amu kodro ni.

Jérémie 39:7

Na pekoni, lo koro le ti Sedesias, lo kanga lo na azingiri use ti bengba wen ti gue na lo na Babilone.